ابي رايكم ضروري بخصوص خدامتي

[كتالونيه]

شخباركم كويتيات
حبيت استشيركم
بموضوع خدامتي وابي رايكم
انا خدامتي اثيوبيه واخذتها مشتغله
معاشها 52دينار
والحين ابجدد اقامتها لازم ازيد
المعاش اولا
واذا ابزيده ازيده جم
مع العلم انها حبوبه حيل وماسكه عيالي الصغار
وماتخليهم يجوعون ولاتحسسهم انها موزينه تخاف عليهم
اكثر من نفسها
ازيده جم 55او 60
ابي رايكم

 

[عزتي تسواك]

كم سنه صارلها عندك ؟؟

 

[دلولي]

حبيبتي اذا كويسه زيديها 60

 

[كتالونيه]

سنه وحده
لانه نظام الاثيوبيات كل سنه
تنتهي اقامتها

 

[hano0oda]

اذا زينه واهم شي مرتاحين لها عيالج زيديها 60
بس غريبه ليش سنه انا عندي اثيوبيه سنتين الاقامه مو سنه

 

[om MaRyooM]

نظام كل الخدم سنتين ليش اللي عندج شنة


المهم

يتراوالي اذا زدتيها٦٠ افضل
بس الاحسن انج تزيدين لما تخلص السنتين

بس اذا هي زينة وانتي متمسكة فيها من رايي زيديها

الواحد كل متي يحصل خدامه زينة
خصوصا اذا زدتيها بتتمسك زياده لانهم مختاجين الدينار

 

[om MaRyooM]

اهم شي البدليات
كاااك

 

[كتالونيه]

نظام جديد انه اقامة الاثيوبيه سنه بس

 

[عـواشـه]

اذا زينه زيدها 60 .. والله يوفقج ويكتب لج الي فيه خير

 

[manoooram]

حبيبتي الأثيوبيات يصير سنة أو سنتين عادي
بس بالنسبة للزيادة نطري عليها سنة بعد وزيديها 60
أحسن والله يسخرها لج يارب

 

[dandooosh]

اي صح كلامها
انا عندي اثيوبية لما كملت سنة جددنا الاقامة وسوينا فحص طبي جديد
والحين كملت سنتين وطلبت الزيادة من نفسها قبل ما نفكر ان نزيدها ،،، بس انا مو ناوية اخليها لان صارت قوية وموعاجبتني وصارت ملولة ما تشتغل نفس قبل
هي حاليا تاخذ 50 لانها مشتغله من قبل وطلبت زيادة 5 دنانير ف بنعطيها لحد ما تمشي

 

[ElN00R]

دامها ماسكه عيالج تستاهل وترى بتستانس عليج والله يجزيج خير هذيل فقارا وعليه زيديها
اسمج اينن فديت البرررشا

 

[@ام يوسف@]

اذا زينه وتستاهل زيديها

 

[نارنجه]

اهي عقدها سنتين بس الاقامه تتجدد كل سنه لانها اثيوبية

لاتزيدينها ولا شي لان عقدها سنتين مو سنه لكن الاقامة اهي الي تتجدد

اذا ناويه تكافئينها اشتري لها شي مثل تراجي او سلسلة وبتستانس
بس ازيادة الحين ما انصحج فيها لان ان شاء الله لو تمت معاج السنين الياية راح تضطرين تزيدينها كل سنه و بيصير معاشها مثل معاش الفلبينيات
و بتطنقر لو ما زدتيها عقب

لا تاخذج العاطفة وايد ولا تخلينها تحس انج ميته عليها
ترا هذول عبالهم ان فلوسنا لاقينها بالشارع


الله يتمم عليج

 

[ام الدرر]

اهي عقدها سنتين بس الاقامه تتجدد كل سنه لانها اثيوبية

لاتزيدينها ولا شي لان عقدها سنتين مو سنه لكن الاقامة اهي الي تتجدد

اذا ناويه تكافئينها اشتري لها شي مثل تراجي او سلسلة وبتستانس
بس ازيادة الحين ما انصحج فيها لان ان شاء الله لو تمت معاج السنين الياية راح تضطرين تزيدينها كل سنه و بيصير معاشها مثل معاش الفلبينيات
و بتطنقر لو ما زدتيها عقب

لا تاخذج العاطفة وايد ولا تخلينها تحس انج ميته عليها
ترا هذول عبالهم ان فلوسنا لاقينها بالشارع


الله يتمم عليج

نفس رايها اخذي لها كرت تعبئة للموبايل اذا عندها
او اشتري لها كرت تكلم اهلها
اوبين مدةوالثانية اخذيها معاج الجمعية وعطيها 5 دنانير قولي لها اشتري اللي تبين او خليها تاخذ اللي تبي وانت تدفعين ​

 

[sosowaty]

اخاف اذا زدتيها الحين بتطلب منج باجر بعد ازياادةة اذا توج ياييبتها لا تزيدينها الحين مابي اقطع رزقها بس لا تغلطين غلطت خالتي

 

[ام كوثر2007]

مثل ما قالو البنات لا تزيدين الحين دام ما خلصت السنه الثانيه

بين فتره وفتره تنقصي لها شي كرت والا الجمعيه تشتري اغراض او اي شي تشوفه مناسب لها


جذى بتستانس اكثر اصلا

وعساج تشوفين خيرها ويكافيج ويكافي عيالج شرها

 

[سوسو حبيبتى]

شفيكم يابنات كل السالفه 5 دينار؟؟؟

يختي اعطيها واعتبري نفسك بتتبرعي لوجه الله بيهم دام انها شايله اولادك

وكمان اشتري لها هديه كل مدة تنبسط ليها حراام طالما انها كويسه معاكي

 

[سوسو حبيبتى]

انتبهوا يا اخواات

{ وَيَمْنَعُونَ الْمَاعُونَ } أي: يمنعون إعطاء الشيء، الذي لا يضر إعطاؤه على وجه العارية، أو الهبة، كالإناء، والدلو، والفأس، ونحو ذلك، مما جرت العادة ببذلها والسماحة به .
فهؤلاء -لشدة حرصهم- يمنعون الماعون، فكيف بما هو أكثر منه.
وفي هذه السورة، الحث على إكرام اليتيم، والمساكين، والتحضيض على ذلك، ومراعاة الصلاة، والمحافظة عليها، وعلى الإخلاص [فيها و] في جميع الأعمال.
والحث على [فعل المعروف و] بذل الأموال الخفيفة، كعارية الإناء والدلو والكتاب، ونحو ذلك، لأن الله ذم من لم يفعل ذلك، والله سبحانه وتعالى أعلم بالصواب والحمد لله رب العالمين.

 

[ام الدرر]

انتبهوا يا اخواات

{ وَيَمْنَعُونَ الْمَاعُونَ } أي: يمنعون إعطاء الشيء، الذي لا يضر إعطاؤه على وجه العارية، أو الهبة، كالإناء، والدلو، والفأس، ونحو ذلك، مما جرت العادة ببذلها والسماحة به .
فهؤلاء -لشدة حرصهم- يمنعون الماعون، فكيف بما هو أكثر منه.
وفي هذه السورة، الحث على إكرام اليتيم، والمساكين، والتحضيض على ذلك، ومراعاة الصلاة، والمحافظة عليها، وعلى الإخلاص [فيها و] في جميع الأعمال.
والحث على [فعل المعروف و] بذل الأموال الخفيفة، كعارية الإناء والدلو والكتاب، ونحو ذلك، لأن الله ذم من لم يفعل ذلك، والله سبحانه وتعالى أعلم بالصواب والحمد لله رب العالمين.

حبيبيتي سوسو
كبيرة علينا ترى منع الماعون والواحد مايحب يتكلم لانها شغلة بينه وبين رب العالمين
احنا الحمدلله مانقصر عليهم ولا نمنع ونعطيهم حقهم وزيادة
وملتزمين بعقودهم وال5 دنانير ماتفرق
الاخت سألت بشغلة استثنائية
وانا قلت لها ممكن تعطيها اياها بشكل غير مباشر دون حسبة الراتب
لانها بعد مرور السنتين اجباري بتزيد معاشهم
وهذا اجتهاد بالراي
عسى الله يغفر لنا ويهدينا ان كان قصدنا مضرة ولا منع
وعسى الله يجزينا ان كان القصد اصلاح ودفع مفسدة
والله من وراء القصد​