ابي رايكم بنات ,, تقدم لي بس !!

[عهوووووود]

صباح الورد
انا بنت عمري 25 تقدمو لي بس مالله يكتب النصيب اكثر من 6مرات
ف يوم من الايام جانا مراجع الدوام وكان كذا مرة يتردد علينا المهم انا ضد زواج الحب وابي اخذ عن حب اللي صار هالريال كلمني وكانت مكالمات شبه عادية واغلبها عن طريق تلفون المكتب ...
انا ماكان بنيتي اني اكلمه بس ماعرف شاللي صار ...
كلمته وبديت احس بثغرات بشخصيته يمكن سنة من عرفت بس انا دوم مطنشة والمشكله كل ماطنشت كلامه هو يزيد ويتعلق فيني
مرة من المرات كنت اكلم رفيجتي فالليل وتم يدق وعندي انتظار مارديت نمت والصبح كلمته
قالي انا باجي البيت وبفضحج جدام اهلج انج تكلميني لاني قتله انا ماعمري كلمت واحد واخاف من اهلي وماقدر استمر معاك ...
قطعته هالمدة ... اللي هي 4 شهور بنفس الوقت كنا نجهز اختي ...
اتصل يبي رقم ابوي عشان يتقدم لي وقتلة بشاور عمتي وقتلها وصارحتها بالسالفة لاكتشفت انه
مطلق وعنده 3 عيال ويحلف بربه انا شاريج وبتقدم لج ...
انا مابي احط رقبتي تحت يده اذا على انتظار قال بفظحج جدام اهلج باجر شبيقول بنات انا قطعته وقتله هلي مارضو اخذ مطلق امانه بنات شورو علي صح تصرفي ولاغلط ...
ولاتفكيري غلط .. قتله انت من موقف واحد قتلي بفظحج باجر لاخذتني شبتقول .. ترضاها بخواتك ... قال ماقصد هالشي كسر فيني الثقة اللي بديت احطها فيه مع اني ملت له فالبداية بس ماتمسكت فيه ... فيدوني الله يوفقكم ...
اختكم عهود
ودي ووردي لكم .... :eh_s(17):

 

[سنجوبه]

رد : ابي رايكم بنات ,, تقدم لي بس !!

اول شي حبيبتي خل اقولج شغله ... اهوا مستحيل ايروح بيتكم ويقول حق اهلج انج تكلمينه

لان يدري شنو راح ايصير فيه اقلها شكوى بالمخفر يعني اهوا مو مينون عشان اييب المشاكل حق نفسه بس هالطريقه سواها لان عرف انج شوي تخافين فقال بهددها بهالشي وبعدين اللي يبي ايسوي شي ما يهدد !! ولما طلب رقم ابوج مو قصده يتقدم لج على فكره لا قصده انه ايخرعج ويهددج اذا ما سويتي اللي يبي راح يتصل بابوج

ومبين عليه شخصيه خايسه ومتملكه لان اعرف هالنوعيه الوصخه ... على العموم انتي قلتيله
انج ما تبينه وخلااص وين المشكله ؟؟ اذا قعد يستمر ان ايهددج فأرتاحي وتطمني مثل ما قتلج ما يقدر ايسوي شي ابدااا وهالاشكا ل لا تعطينهم فرصه انهم ايحاولون يستفزونج سمعيه جم كلمه وسكريه بوييه بعد وبس

 

[عهوووووود]

الله يفرح قلبج بردج الحلو حبيبتي انتي انا موافقتح ف الراي بس كنت خايفة وابي حد يادني ولا وربي مايهمني وانا متاكدة انه مازاد عنادة الا لاني طنشت وتم يلاحقني ..
مرورج فرحني وشرفني يالغلا ....
بس جد كانت غلطة وغلطة الشاطر بالف ع مايقولون ..

 

[pretty sarona]

كلامه جدا مو مريح و مواصفاته بعد ,, و سالفة أبي أفضحج شنو الدنيا فوضه!
بيفضح شبيقول و الله عرفتها من الدوام !
ما عليج منه و خري عن دربه

 

[دندن_الكويت]

نصحتي كالاتي:


انتي بعدج اسم الله عليج صغيرة .. و النصيب يصيب
و هذا من بدايتها يبي يفضحج معناته باجر بيعايرج


اتركيه صج انتي ادرى بس النصيحة و المشورة مطلوبه

ومطلق وعنده 3 عيال؟؟؟
هذي مسألة ثانية؟؟

باجر شيضمن لج يرد حق مرته مدام تربطه فيها عيال؟؟

تبين تعيشين باجر ملزومة بعياله؟؟؟
باجر لو صار شي انتي مقام امهم الثانية؟؟
الناس الحين عيالهم و يالله متحملين؟؟

انتي بنت ناس وغلطتي اتركيه و لو يبيج صج بيعرف دربج

بس ما انصح انج توج صغيرة تاخذين واحد معيل!!

 

[عهوووووود]

حياتي بريتي ودندن وربي كلامكم عين العقل :yaaaaaarb:يارب يطمن قلوبكم ...
اانا اللي تعبني كلام الناس بحكم ان اختي الصغيرة ملجت قبلي ,,,
احترت قلت ماعرف اوافق ولا بالرغم من اني عارفة انه بيكون ختيار خاطي ...
ربي يعطينا ع قد النية ويرزقني بحول اللي ماتنام عينة ويرزق كل محرووم ...
اللهم امين ,,,

 

[أماني عمري]

رد : ابي رايكم بنات ,, تقدم لي بس !!

سبحان الله على هالناس! ديري بالج يا قلبي منه، لا اتصل ردي بشدة و قولي خلاص لا تدق بعد و اذا قال بيهدد ردي بقوة تفضل هدد و سكريه لا تعطينه مجال للكلام اللي ما له معنى.

نصيبك يصيبك مثل قديم و أقصد فيه مو كل خطبة زواج، انا انخطبت وااااايد بس حكمة ربج أتم قاعدة لي الحين، لا يضيق خلقج و لا تفكرين أنا كبرت و هالسوالف، ان شاء الله رب العالمين خاش لج الزين بس عليج تقوين علاقتج فيه


الزواج من مطلق مو عيب بس بعدج عنونة و المطلق بوعيال الزواج منه مسئولية مو هينة، الله يكفيج شر خلقه و يستر عليج دنيا و آخرة، ديري بالج من الناس و لا تعطين أحد رقمج لأن محد كفو، ما تدرين شنو ممكن يسوون.

 

[NooR ElDenya]

غيري رقمج
وفكي عمرج وثاني مرة لاتعطين احد رقمج وخلي علاقتج بالمراجعين رسمية
ترا هذا لو مومريض ماطلق مرتة
ولو مو مريض نفسيا ما تعامل معاج على هالمنوال
انا اقولج غيري رقمج وفكي عمرج منة
واذا سوالج شي بالدوام لعني خيرة الخير وعندج اياة
وكلمي اهلج بعد ما تغيرين رقمج قوليلهم مراجع اخذ رقمي من البنات
اول شي على بو انة مراجعات وسوالف
وبعدين قام يتخرش فيني وقام يقولي يبي يتزوجني ومطلق وابو لثلاث اعيال
وقام يالف قصص علي ويهددني
اذا كلش كلش
وخيعرف ان في احد وراج لاتسوين نفسج خايفة منة مع ويهه ​

 

[ازمه وتعدي]

حبيبتى زواج اختك قبلك لا يااثر فيك كلن ياخذ نصيبه شكثر بنات تزوجوو خواتهم قبلهم والحمد لله صبروو وما طولن وتزوجن عقب خواتهم

بفترة بسيطه .. لا تتستعجلى .. تاااااالى تندمين

ولعلمك لو يحبك ما هددك يعنى اليوم انتى فى بيت اهلك ويهدد بااااجر لا صرتى فى بيته وش بيسووووى فيج ؟!!!!

صراحه من كلامج ومن تصرفاته ووضعه مطلق وعنده عيال اناااا اقول لك ااابعدى عنه .. ولا تعطينه ويه

ولا يغرج كلامه ابي اخطبج .. تخافين يبي ياخذ رقم ابوووج علشان يحكم قبضته عليج متى مااا يبي قام هددج



وانتى كيفج .. انا هذا راى​

ومدرى ليش احساسي يقول ان نصيبج ماراح يطول وان زواجك قريب من واحد ثانى يعزك ويقدرج <<<

 

[هاناا]

بصراحة انا ما اقدر احلل الشخصبات

و ما ادري اذا كان يبي يتقدم لج صج و الا قصده يهدد

بس ما عندي الا دعوة الله يستر عليج


و يفرح قلبج و تتزوجين الشخص الي يهنيج

 

[عهوووووود]

اماني عمري ... فديت روح وقلبج والله كلامج البلسم كله .. الله يعلم شقد فرحت لاختي وربي يسعدها ويتمم لها ...
فديتج انا عنونة بعيونج ..
بس جد كلام اللي حواليني مايرحم ...ادعي عسى ربي يرزقج ويسترعليج ...

ـــــــــــــــــــــــــــــــــــــــــــــــــــــــــــــــــــــــ

نور الدنيا ..وربي ماحكمت الا عقلي فهالسالفه يوم حسيت روحي متارجحة .. قلت مالي غيركم ورايكم .. حياتي عسى ربي ينولج مرادج قريب يارب ...

ــــــــــــــــــــــــــــــــــــــــــــــــــــــــــــــــــــــــ

وربي ما اثر بس الكلام ياثر انا مومنه وراضية بنصيبي وعارفة .. وحدة من ربعي تقولي ايه ياعهود كانا عرسنا الانتي واختج بعد ,,,,
قتلها الحمدالله ربي له حكمة ...
وانشالله لاربي كتب لي ,,, مابينخش هالشي متى بتتزوجين ليش انا ادري .؟..
بس جد الكلام احيان هواللي يخل بتوازنا وبالتالي نحسب ان احنا نسوي الصح يوم قالي بتقدم تقولي اختي وري يالخبلة وافقي لي متى بتمين جوفي عمرج شفد ...

ـــــــــــــــــــــــــــــــــــــــــــــــــــــــــــــــــ

ازمة وتعدي ثانكس عالمرور ..


هانا حياتي ولج بالمثل يارب ... والله لايخيب لج رجا ....

 

[AL ANOOD]

لا يخرعج على الفاضي .. مينون اهو عشان يروح بيتكم ويفضحج .. اكيد يدري انه راح ينداس في بطنه

عموما انتي هديه دامج مو متعلقة فيه 3 عيال مو شوية .. راح تكون حياتج مشاركة معاهم .. واذا رد هددج قوليله حياك الله متى تبي تيي عشان ازهبلك الجاي والقهوة ..

لا تخافين ما يسوي شي

 

[أماني عمري]

رد : رد: ابي رايكم بنات ,, تقدم لي بس !!

بعد عمري عهود ما عليج من كلام الناس و عمرج ما راح ترضين حلق الله، اذا رسولج عليه الصلاة و السلام اللي ربج اختاره من كل البشر ما ارضى خلق الله بترضينهم انتي؟

اللي تتكلم تقول متى تتزوجين ردي عليها لا يعلم الغيب الا الله سبحانه و هذا أمر الله، أعترض على أمر ربي؟ صدقيني هالكلام يجعمهم و ما راح يفتحون معاح هالموضوع بعد، انا أكبر منج ب10 سنين و شوي و مريت باللي انتي تمرين فيه الحين و كاني ما فيني الا العافية

اختي اللي اصغر مني بفضل الله تزوجت و صار عندها عيال و عيالها يحبوني و انا اللي ماسكة البيت و مجابلة ابوي الله يشفيه و لو اني متزوجة ماقدر ادير بالي عليه نفس ما انا الحين

و الله يا قلبي محد ياخذ الا نصيبه و اللي تقول يلا تزوجي قولي لها طرشي لي ولد حلال كفو و ما اقول لا، قوي قلبج و سلمي أمرج لله و اي وقت تبين تقولين شي بخاطرج الخاص تحت امرج و عيوني لج

 

[ياليل مااطولك]

هذا النوع من الرجال نوع من الابتزاز نصيحة لتتزوجية ولا تكلمية ابدا واشكر والدك انة كان متفهم لوضع من تصرف ابوك لزام عليك تقطعين هذا الرجل ما اتصور انسان يهدد قبل الزواج ان زواجة منك سوف يصبح نا جح هذا من وجهة نظري وتقبلي نظرتي لموضوعك والله يوفقك الى من هوا احسن منة من جميع النواحي

 

[كراميلا مرة]

انا برايي قطعي علاقتك فيه انتي بعدك صغيره
حرام تاخذين واحد متزوج قبل
والله يكتب اللي فيه خير لك

 

[ام الوردة]

قطعي العلااااقة واللي سويتيه صصصصصصصصصصصصح