ابي رأيكم :)

[غلآتي]

مرحباا

شلونكم بنات ؟

ممممم بقولكم موضوعي وجد ولي اليومي وأبي رأيكم :eh_s(4):

انا عندي بنت عمرها سنتين ونص ولدي عمره شهرين

بقولكم جدولي مع الغسيل

شريت من فتره نشأفه والحمد لله ارتحت وما احب اخلي الملابس وخصه لين بأجر لا اذا بنتيً كلت كاكاو وتدمرت ملابسها اذا لبسها بجامه اروح أغسل ملابسها وعودت خدامتي تغسل بوقتها يعني موتكود الملابس كلهم

وانا بالليل اذا كنت قاضيه أغسل ملابسي وملابس عيالي في ناس يقولون لاتغسلين خلي الخدمات تغسل انا موكل يوم أغسلهم مرات واحدهم بالنشافه والصبح ألخدامه تدقهم أوتي في ناس يخلون الملابس وخصه ليما بأجر

والخدامه ما احب اضغط عليها لان الصبح أعطيها ولدي والظهر أنوم بنتي وولدي ونقعد العصر واهي كيفها تروح تغسل ملابسها او ترتاح لان المغرب تروح برا تلعب بنتي بالديرفه وبالليل تغير لبنتي ملابسها وتروح يعني تنزل مني الساعة 9 ونص ما اكون عندي شغل

وزوجي يقول لأتغسلون كل يوم أقوله جذي أحسن لان بنتي مرات تبول على ملابسها وما احب اخليها تغسلهم من بأجر الظهر تغسل ملابس الصبح وتدقهم أوتي ويكون بأجر ما عندها غسيل وايد

شرايكم ؟

 

[شادن33]

غلاااتي ياريت كل مشاكل القسم نفس مشكلتج
حبيبتي اللي عنده يهال اصغار يوميا تنغسل الملابس وما تكود
وبنتتج لبسي فراشها النايلون اللي ينحط تحت الفراش عشان ماتتعبين
يعني تغسلين بس النايلون

 

[منال $]

موضوعك المغروض يكون بالقسم المنزلي

 

[FJ style]

وسواس غسيل

ديري بالج راح يتعبج هالموضوع بعدين

لاحظي اقري موضوعج بتلقين انج كررتي كلمة غسيل مليون مرة

لا حبيبتي عادي
كودي الملابس ملوت اليوم
وباجر تغسلهم كلهم مرة وحدة وتنشفهم بالنشاه وتكويهم

انا هذي طريقتي عندي ٤ عيال

حلوة النظافه بس الوسواس القهري يتطور مع الوقت وراح يتعبج
ودام زوجج علق معناته متضايق من هالوسواس

 

[انثى عاشقة]

اهم شي هالشغلة ما تسبب لكم ضغط بحياتكم
يعني اذا فاضية وتقدري تغسلين غسلي
واذا ماعندك وقت مافي مشكلة تنغسل الملابس كلها ثاني يوم ..
خذي الموضوع بأريحيه
بس دام زوجك علق يمكن يكون حاس انك مقصرة بحقه
واغلب وقتك ع الغسيل وشغل البيت
وفقي بين كل الامور بطريقتك ترتاحين ​

 

[Abraaj]

ملابسي وملابس زوجي بالاسبوع مره..

بس ولدي الخدامه تغسل ملابسه يدوي كل يومين او ثلاث..

يعني الوضع يختلف من عايله لي الثانيه.. شوفي شنو اللي يناسبج.. بس حرام كل قطعه تشغلين لها الغساله

 

[حبيبي مالكني]

انا خدامتي تغسل كل يوم
لان ماعندها شغل خل تشتغل وتحلل معاشها ههههههههههههههههههههههههههه

 

[Gifts&Occaions]

انا نفس الشي مااكود الملابس

 

[لمى الهاجري]

جدولج حلو لا توكدين غسيل خاصة عندج يهال ويوصخون ملابسهم

 

[*peace*]

شكلكم ماعندكم شغل بالبيت غير الغسيل لوووووووووووووول ضحكتيني والله يحليلكم

بس ليش جذي كل ماتغيرين لعيالج تروح تغسل انا كليوم الصبح اول ماتقعد الخدامه من النوم تغسل الهدوم ملوت امس وتشرهم

على ماتقعد بنتي من النوم

بالنسبه لي هذا احسن نظام

 

[om_3azoz]

انا ملابسي وملابس ريلي بالاسبوع مرتين بس ملابس ولدي وبنتي على طول غسيل

 

[ام كوثر2007]

حبيبتي احنا عندنا كود يهاااااال بس ما انغسل بشكل يومي

ترا السالفه جذى بتصير ممله ..


حدديلج جم يوم بالاسبوع يكون يوم الغسيل العالمي ..


عشان ترتاحين ويرتاح ريلج لانه واضح انه زاعجه هالموضووع .

 

[شافوك بحساسي]

لبسج انتي مو يومياا تغسيلنهم
بس ملاابس عيالج اي عادي يومياا
وين المشكله؟؟؟

 

[مناير ...!]

سوي الي يريحيج حبيبتي
مااحسه موضوع يستحق تشاورين فيه احد
كل وحده تسوي الي تبي والي يريحها فماعليج حبيبتي سوي الي تبين

 

[غلآتي]

يعطيكم العافيه حبايبي

انا قصدي موكله غساله يعني اذا لبس بنتي كاكاو اغسلها بأيدي وانشفها واذا بالليل ريلي دوام وأكون فاضيه أغسل الملابس

 

[فتون7]

موكل يوم تغسل ليش خليها يوم بعد يوم عشان الخدامه تتفرغ لشغلات ثانيه بالبيت شنو ماكو الا الغسيل

 

[غلآتي]

ما تغسل الا الظهر بس وتنشفهم واذا طلعت المغرب وفي ملابس أقولها غسليهم لان الصبح تتفرغ لولدي لأني ما أنام من بنتي وولدي الصبح تشيل الزوالي وتغسل الأرضيات وتخم وتدق أوتي والظهر تتفرغ للغساله وبس