ابي دكتور يعالج السكر للاطفال

[غير كل الناس]

حبيباتي صديقاتي بنات منتداي الغالي


منو يعرف طبيب سكر للاطفال يقولي والله يجزاكم الف خير

بنتي بدا فيها المرض من 4 شهور والحمدلله علي كل حال وتاخذ 3 ابر في اليوم ولا انتظم قطعت الحلا والبيبسي والخرابيط والبيت كله مشي علي نظامها بس ماكو فايده حبيبتي محاجر عيونها سوده وجلدها جاف وسمعها خف لانه كله مرتفع يامسكينه مرات يوصل 700 وتدخل المستشفي اااااااااااااااااااااه لو يصير اخذه من دمها واحطه في دمي والحمدلله علي كل حال

الله يجزاكم خير ابي دكتور زين حتي لو برا الكويت

 

[sweeta77]

انا سمعت عن دكتوره اسمها مريم يمكن العايله قبازرد متخصصه سكر اطفال

 

[غير كل الناس]

الف شكر حبيبتي احنا عند مريم قبازرد وماشفت اي نتيجه

 

[al3ethri]

دكتوره ماجده عبد الرسول بمستشفى الفروانيه يقولون زينه
والله يشفيها لج

 

[نووووونا]

يا حياااتى الله يشفيهااااااا يارب

خليج قويه الحمد الله هذا ابتلاء ,,,,,و قوى نفسج عشان النفسيه مهمه

راح تعكس عليهاااااااااا والف سلامه يارب .. توكلى على الله ودورى شوى شوى

للاسف ما عندى فكره ,,

 

[غير كل الناس]

ماجده عبد الرسول شغل واسطات واحنا نراجع بعياده خاصه لو تشوفين مستشفي الفروانيه صار شي لا يطاق وانحشت للعيادات الخاصه والف شكر حبيباتي

 

[nawarie]

عسى الله يشافيها و يعافيها و يشفي كل مريض انشاءالله
عسى الله يصبرج انشاء الله كلش وله العيال و الوالدين استغفر الله يصير فيج و لافيهم عسى الله ياجركم
لازم اتاكدين اول شي اذا مو وراثة و انا سامعة عن دكتورة عزة

 

[ودي***أفرح]

أختي غير كل الناس لا تحاتين وخلي كل شئ على الله ...

أنا نفس حالتج ولدي حاشه السكر من 7سنوات تقريبا من كان طفل صغير والحين الحمدلله عمره 15سنه وكان

السكر يوصل عنده 600 أو أكثر وكان ياخذ 4 أبر في اليوم .... وجربنا كل شئ خلطات وأعشاب وحبوب بدون

فايده ... ومن سنه ركب مضخه الانسولين والحمدلله تحسنت حالته يعني إذا ارتفع يوصل 300

والحمدلله على كل حال ...

وإذا عندج أي استفسار أنا بالخدمه ...

عندي سؤال ... كم عمر بنتج ؟ الله يشفيها إن شاءالله

 

[مفلوقه بمنديل]

الله يشفيها ويخليها لج

لللاسف ماعرف

 

[غير كل الناس]

أختي غير كل الناس لا تحاتين وخلي كل شئ على الله ...

أنا نفس حالتج ولدي حاشه السكر من 7سنوات تقريبا من كان طفل صغير والحين الحمدلله عمره 15سنه وكان

السكر يوصل عنده 600 أو أكثر وكان ياخذ 4 أبر في اليوم .... وجربنا كل شئ خلطات وأعشاب وحبوب بدون

فايده ... ومن سنه ركب مضخه الانسولين والحمدلله تحسنت حالته يعني إذا ارتفع يوصل 300

والحمدلله على كل حال ...

وإذا عندج أي استفسار أنا بالخدمه ...

عندي سؤال ... كم عمر بنتج ؟ الله يشفيها إن شاءالله

الله يجزاكم خير جميعا ولكل من رد علي الله يحفظ عيالكم ويرزقكم بالذريه الصالحه المتعافيه


شوفي ياقلبي بنتي عمرها خمس سنوات ومااسجلتها بالروضه من خوفي عليها


وتاخذ لانتوس ونو فو رابيد اقلام 3 ابر في اليوم وانا سمعت عن المضخه بس من 9 سنوات وفوق

وعلي فكره ماعندنا احد في سكر في العايله هي الوحيده

 

[حبيبته آنا]

اهو مرض مزمن يعني الدكتور مابيده شي غير انه يتاكد من انتظام السكر بانه يزيد او يقلل جرعات الدوا ومضخة الانسولين وايد مفيده للحالات اللي يعنون من الارتفاع الزايد بالسكر
والله يشافيها انشالله

 

[razany]

حبيبتى انا خبر بدكتور اعتقد اسمه عبدالله بن نخى احسن دكتور حق السكري
او يقولون فى عمليه يسونها بالاردن تشفي من السكري خلال 3 شهور وهى عباره انه بس يستئلون شي من الريل اعتقد عصب او شي جذى بس سئلي عنها وانشالله اتفيدج

 

[دانتي]

يارب تشفي بنيتها وتعافيها وتصبر امها حبيبتي ما تشوف شر واسفه ما اعرف اعرف دكتور سكر للكبار د عبدالني العطار وعلى فكره انا فيني سكر واخذ انسولين 4مرات باليوم والحمدالله الواحد يقول

 

[غير كل الناس]

الف شكر حبيباتي

 

[sweeta77]

اذا صارت لك اي سفره بره عرضيها على دكتور هناك....انا اعتقد ان عندهم خبره اكثر واذا تبين معلومات انا حاضره

 

[غير كل الناس]

اذا صارت لك اي سفره بره عرضيها على دكتور هناك....انا اعتقد ان عندهم خبره اكثر واذا تبين معلومات انا حاضره

يمدحون مستشفي سعد التخصصي في الخبر ونويت اوديها باذن الله الكريم واساله بان يخفف عنها ويرحم صغر سنها والله يجزاكم خير جميعا

 

[زيـنـه]

ما حبيت اطلع بدون مشاركه .. على الاقل دعاء لها .

يالله ياربي تشفي مريوم بنيتج و تشفي كل مرضى المسلمين .. اللهم امين .

 

[هوى الدار]

يارب تشفي مريوم و تشفي كل مرضى المسلمين .. اللهم امين .

وتفرحين فيها واهي بصحه وعافيه

اللهم اميييييييييييييين

 

[فروحة الكويتية]

عسى الله يشافيها و يعافيها

 

[غير كل الناس]

الله يجزاكم خير ويحفظ عيالكم من كل شر