ابي دكتوره جلدية شاطره منو تعرف ؟

[طابت جروحي]

السلام عليكم ورحمة الله وبركاته ..


شـلونكم بنات شخباركم ؟؟

ماعليكم امر ابي أسألكم منو تعرف دكتور اودكتوره جلدية شطار ؟

شعري يتساقط وخفيف وفشره والخ ابي اعالجه ..

بليز ساعدوني

 

[DeeR_MusK]

بعد عمري انصحج بعياده الدكتوره منى الفارس بالجابريه..وايد شاطره و حبوبه

تعالج جلديه وايضا عندها ابر فيتامينات للشعر ..ميزوثيرابي وااايد ممتاز انا قاعده اسوي جلسات عندها

راح تساليني عن السعر ..انا اقوول لج ...شوووفي ..
فتح الملف ٥ دنانير
الدخول عند الدكتوره للفحص ١٠ دناير
ابر الميزوثيرابي ١٠ دنانير
(الدكتوره اهيي اللي تعطيج ابر الميزوثيرابي يعني كل جلسه راح تدفعين ٢٠)

 

[طابت جروحي]

مشكوووره خيتو ..

نبي مشاركاتكم بنات ؟؟

 

[۩ غيـر عنهم ۩]

بعد عمري انصحج بعياده الدكتوره منى الفارس بالجابريه..وايد شاطره و حبوبه

تعالج جلديه وايضا عندها ابر فيتامينات للشعر ..ميزوثيرابي وااايد ممتاز انا قاعده اسوي جلسات عندها

راح تساليني عن السعر ..انا اقوول لج ...شوووفي ..
فتح الملف ٥ دنانير
الدخول عند الدكتوره للفحص ١٠ دناير
ابر الميزوثيرابي ١٠ دنانير
(الدكتوره اهيي اللي تعطيج ابر الميزوثيرابي يعني كل جلسه راح تدفعين ٢٠)

وقف التساقط اول ما جربتي الابر ؟ وجم جلسه خذتي عندها

 

[noony_online]

انا بعد ابي اعالج شعري, انزين الميزو ثيرابي اذا هديته ما يطيح شعري؟؟

 

[روائع الالم]

والله انا سمعت عن د.دلال التركيت وشفت نتايج علاجها على كذا بنت حلوة وومتازة

 

[طابت جروحي]

اب اب

يـله يابنات ابي همتكم

 

[DeeR_MusK]

حبيبتي شيهانه التساقط انواع...اكو ستاقط بسبب سوء التغذيه هذا وقف عندي و ماقام يتساقط لان الفروه حييييييل قاعد تتغذى مع الابر و كبسولات المكل الغذائي اللي توصفهم لج الدكتوره..

واكوو تساقط طبيعي يكون بسبب اكتما البصيله الدوره الحياتيه لها فتطيح الشعره و يطلع بدالها شعره يديده ..هذا طبيعي ويوميا يطيح من راسي جم شعره بس بالكميه الطبيعيه ومع العلاج راح يتعوض بسرعه...
لان الابره عباره عن فيتامينات تستثير البصيله و تغذيها عشان ينموو الشعر بصورته الطبيعيه و كله صحه و عاااافيه


نوني اونلاين...الابره عباااره عن فيتامينات تغذي فيها راسج ....متى ما وقفت التغذيه راح ترجع مشكلات الشعر.....مثل الجسم لما تاكلين اكل صحي بشرتج تووورد و تصيرين كلج عافيه و اذا اهملتي التغذيه يصير لونج اصفر وشااااحب.......قصدي اذا حرصتي عالتغذيه راح تستمر النتايج معاج و اذا اهملتي على بو خلصتي العلاج لاااا راح تنتكسين مره ثانيه ...فانصحج لما تخلصين علاجج كملي على كبسولات المكمل الغذائي عشان تضمنين التغذيه لجسمج و اخذي كل شهر او شهرين جلسه ...مدى الحياه

 

[جومانجي]

د/سلامه جبر