ابي دعواتكم ثاني ايام رمضان راح اسوي تلقيح للمره الثالثه

[@محروسه@]

راح اسوي تلقيح صناعي ثاني ايام رمضان ولله يكتب لي الحمل السليم الثابت
وهذا التلقيح الثالث ولله كريم والتبويض عندي ممتاز بويضتين فقط مع ان قبل دايما ثلاث بويضات
باجر اخذ ابرة التفجير ولله كريم يااااااارب
لله يكتب اللي فيه الخير

 

[نوفاتي]

ياحياتي

ربي يكتبلج الحمل السليم الكامل ويرزقج ربي بالذريه الصالحه الباره فيييييج


يـــــــــــــــــــــــارب

 

[الأميرة جوري]

لله يرزقج يارب....

 

[نور الموده]

الله يرزقك بالذريه الصاااالحه يارب ويفرح قلبك ..ويسر خاطرك

 

[مآزلت آنتظر]

اولا عسى ربي يرزقج بالحمل السليم الثابت .. اللهم آمين

هاذي نصائح نقلا عن الاخت قمر ضاوي33 في الصفحة 259 من خذا القسم

حاولي تطبقين المذكور والله يرزقج من واسع فضله

بنات انا اسوي تلقيح صناعي بمستشفى الصباح وحملت مرتين ما شاء الله تبارك الرحمن


بغيت اذكر لكم بعض الشغلات الي سويتها خلال الشهر الي حملت فيه

علما ان الحمل الأول تم ثاني تلقيح وثاني حمل سادس تلقيح ولكني لا حظت اني سويت اشياء مشتركة في حملي بالمرتين قلت اذكرها لخواتي عسى انهم يستفيدون ويكون سبباً بعد إدارة الله سبحانه وتعالى ويرزقهم ربي بالحمل

اولاً المواضبة على الصلاة في موعدها والدعاء بذل وخضوع لله سبحانه وتعالى

الإستغفار بكل وقت بنية الحمل

قرأة سورة البقرة يوميا متواصلة مو مقطعة على فترات والمسح على البطن والنفخ في بطل ماء لو يكون ماء زمزم افضل وتشربين البطل خلال اليوم

قرأة سورة مريم يومياً


سلمي امرك لله سبحانه وتعالى وتوكلي عليه وايقني بقرارة نفسك بقضائه سبحانه وكرري يارب ارزقني بالذرية الصالحة علشان تستقر حياتي الزوجيه وازيد تقرباً لك انا وزوجي ونربي ذريتنا تربية صالحة ويكونوا من عبادك الصالحين

ودائما كرري " لا إله إلا انت سبحانك اني كنت من الظالمين" " ربي هب لي من لدنك ذرية طيبة انك سميع الدعاء "

الصدقة بنية الحمل واذا في مجال قولي حق الي تعطينه الصدقة ادعي لي الله يرزقني بالحمل

هذي من الناحية الروحية


وهذي الشغلات اكتشفتها بنفسي وكررتها قبل الحمل بالمرتين

- مقاطعة الوجبات السريعة بشكل كامل لمدة 3 شهور واكثر

- الإعتماد في اكلنا انا وزوجي على الخضروات الورقية الخضار المسلوق الفاكهة السمك الجبن قليل الدسم الخبز الأسمر قليل من اللحم الأبيض الشاي الأخضر شاي اليانسون والبابونج كورن فليكس النخالة الحليب خالي السم الروب يعني بمعنى حمية غذائية ليس الغرض منها تخفيف الوزن فقط وانما تنقية الجسم

- ممارسة نشاط رياضي نص ساعة باليوم انا كنت امشي بعد ما أخذ ابرة التنشيط من المستوصف فوراً نص ساعة وخلال المشي استغفر كثيراً ... ارجع البيت اتسبح وأكل فاكهة وروب فقط وانام
بصراحة كان هدفي تنزيل الوزن ولكني اكتشفت ان وزني ما نزل وايد ولكني حملت بنفس هذا الشهر

-كنت آخذ الأبرة بنفس الوقت بالضبط يعني الساعة اربع كل يوم بنفس الوقت قبلها أو بعدها خمس دقائق فقط

- حفظ الأبر في الثلاجة مو برة حتى لو الجو بارد

- يوم التلقيح :

* اول ما تقومين الصبح توضي وصلي ركعتين وادعي ان ربي يوفقك
* تتريقين انتي وزوجك
* نفسيتك لا تتوتر خلك هادية ولا تفكرين وايد بالموضوع فكري بي ثاني
* قبل التلقيح دايما كانوا يقولون لي لا تروحين الحمام خلي المثانة نص مملوءة ... ولكني بحملي الأول والثاني سبحان الله اضطريت اروح الحمام وافضي مثانتي ... وفي المرات الي كانت المثانة مملوءة ما تم الحمل
*اثناء التلقيح لا تشدين رخي اعصابك على قد ما تقدرين علشان لا تتعورين وتم العملية بسهالة من رب العالمين ... وكرري اللهم جنبنا الشيطان وجنب الشيطان ما رزقتنا

* بعد التلقيح انسدحي من نص ساعة إلى ساعة ... خلال هذي المدة استغفري الله كثيراً


- بعد التلقيح :
* الإلتزام بالتحاميل والأدوية الي يعطونك ايه الفولك اسيد واذا عطوك بيبي اسبرين
* مارسي حياتك عادي جداً والله خلال الشهر اللي حملت فيه ما بقى شي ما سويته سبحان الله فكرة الحمل بعيدة عني كانت بس ما ككنت آخذ ادوية غي اللي يعطوني اياها .
* حاولي تشغلين نفسك بأي شي لا تفكرين حامل مو حامل وهذي اصعب خطوة برايي بس شدي حيلك
* لا تستعجلين بالتحليل نطري ليوم التحليل

*اهم شي ابي اقوله الكتمان لا تقولين حق اي احد انك مبلشة علاج أبداً حتى اقرب المقربين منك اقضي حاجتك بالكتمان علشان محد يسأل اشصار ولا ينطر بس قولي حق امك يمه ادعي لي الله يرزقني بالذرية .


ان شاء الله رب العالمين اسمع عنكم كلكم ان ربي رزقكم بالذرية الصالحة


بنات انا قاعدة اذكر تجربتي والله يعلم اني ابي افيدكم وما ابي اكتم معلومة يمكن حدة تستفيد منها وتحمل ... والله يعلم اني ابي الأجر من رب العالمين

وما ابي منكم غير الدعاء بظهر الغيب سواء رديتي او ما رديتي ان الله يبارك لي في عيالي ويحفظهم لي ويهديني وزوجي ويسخره لي يا رب

 

[هيبه بدويه]

الله يرززقج يارب بالهشر الفضيل .,,,,

( اللهم لا تردني فردا و انت خير الوارثيييييييييييييييييين )

 

[ice-moon]

حبيبتي شلون تسوين تلقيح صناعي برمضان
يعني راح تفطرين انتي وزوجج

يعتبر جماع

ولايجوز

الا عقب اذان المغرب شي ثاني

بس قبل اذان مغرب تلقيح صناعي لايجوز

وسالي شيوخ وتاكدتي

انا سالت قبل وتاكدت مايجوز قبل الفطور


وبالتوفيق

والله يكتبلج اللي في الخير

ويرزقج الحمل السليم المعافى

 

[هيبة ملك]

الله يرزقج ويفرح قلبج

 

[••غـلآًهْـم••]

ان شاالله بإذن الله راح تحملين ان شاالله ياارب العالمين

 

[نـور الكويت]

عسى الله يرزقج ياقلبي ويرزق بنااااات الحلال في هالليله المباركه

ياقلبي علييييييج بالاستغفار والصدقه وقرايت سورة البقره والله يرزقج ويفرحج ياقلبي

 

[@محروسه@]

جزاكم لله خير علا ردودكم وانا بعد شوي راح اخذ ابرة التفجير
وباجر بعد صلاة العشا انشالله راح اسوي التلقيح الصناعي
ولله يكتب اللي فيه الخير


اللهم لاتذرني فردا وانت خير الوارثين

 

[نف نف22]

عسى ربي يفرحج وتنجح يااااااااااااااااارب ويرزقج

 

[الزيـــــ^^ـــــن]

الله يرزقج ان شاءالله

 

[ثنايا الورد]

ربي يرزقج يامحروسه بالذرية االصالحه ويتمم عليج هالمرة وتبشرينا
عليج بسورة البقرة حبيبتي
وخلو دعواتنا بهالشهر الفضيل للجميع ربي مايحرمنا
قولو آمين​

 

[@محروسه@]

اللهم لا تذرني فردا وانت خير الوارثين
بنات انا ثاني تلقيح حملت بس طاح وكنت ماخذه ابر منشطه
والتلقيح الثالث اخذت ست ابر ولله يكتب لي الحمل ويرزق كل محروم يارب
ولله احس ميته خووووووف لان ثالث مره وخايفه تفشل
ادعولي ان ربي يثبت لي حمل هالشهر

 

[@محروسه@]

دعواتكم ورا الفطور راح اسوي التلقيح

يارب ترزقني وترزق كل محروم الذريه الصالحه السليمه المعافا الثابته حسن الخلق والخلقه
اللهم عجل بذريتي وذريه كل محرومه يارب العالمين

 

[نفول]

الله يرزقج ويتمم عليج يارب ويفرح قلبج ولا تنسينا بالدعاء
حبيبتي اذا ممكن تقولي عند منو مسويه التلقيح و اي مستشفي وجم خذوا منج ؟؟

 

[@محروسه@]

الله يرزقج ويتمم عليج يارب ويفرح قلبج ولا تنسينا بالدعاء
حبيبتي اذا ممكن تقولي عند منو مسويه التلقيح و اي مستشفي وجم خذوا منج ؟؟

هلا ولله
الحمدلله سويت تلقيح عند الدكتور منصور العرف بالجهرا وكلف 150 دينار واول تلقيح سويته ب120
ماادري ليش زادوا وعطاني تحاميل سايكلوجيست مثبتات ولله كريم

 

[نفول]

محروسه حبيبتي الله يتمم عليج يارب وديري بالج علي روحج ولا تتحركيين ونامي علي ظهرج
انا اعالج عند د اسامه صالحه وباجر موعدي وبساله وبشوف شنو يقوللي ومادري عن اسعاره
اسعاره بدار الشفا كان زين بس الحين برويال حياه مادري شلونهم !

 

[الزيـــــ^^ـــــن]

حبيبتي محروسه الله يتمملج على خير وان شاءالله تحملين
انا ان شاءالله ورا الدوره الجايه بسويه والله كريم