ابي خشمها شلون! شوفهاااا وردواااا

[قهوه وشاهي]

السلام عليكم ورحمة الله وبركاته

:eh_s(6): شلونكم يامزيونات السالفه كنت بمعرض الحريم

وفي عارضه دايمااااا اشوفها وتحب تغير اصلها لبنانيه مره شعر اصفر

ومره اسود وكل ماشفتها أسألها وين صبغها والنحيسه ماتعلم تقول بالبيت

وأخرتها طلعت باروكه :tomato2:

المهم ماطول عليكم شفتها أول أمس ولا الخشم يهببببببببببببل سلة سيف

روووووووووووووووووووعه واللزقه بعدها فيه بما أنها مامدها تروح لبنان أكيد هنيه

مسويتها بس أعرفها نحيييييييييييسه ماتعلم جبح وجه ماأقدر أقول ماحلاه ربي

الجذب خيبه

الزبده ابي هالخشششششششششم عند منو أقدر أسوي فنان

درجه أولى أبي عن تجربه وكم يستغرق مدة الشفاء

ومؤلمة الجراحه وكم تكلف لا تحقرون أبي تجاااااااااااربكم تكفووووووووووون

هذا الخشم شوفوا خشيمها يازينه

 

[بلسم _ الأحزان]

انتى من صجج هذا خشم وين الحلا حدها جكر اولا وثاني شي الخشم يلوع الجبد ماانصح خليج طبيعي احلى

 

[MsMoonlight]

هذيييي عمليه ...

ما انصحج تجازفين لانها بالويه .. يعني تخيلي لااااااااا سمح الله صار شي اثناء العمليه او الدكتور ما يضبطها.. !!!!

واذا مو عاجبج خشمج .. تقدرين اتغيرين شكله بالكونسيلر الغامج و الفاتح ..

 

[كويتية _ بكل فخر]

احسه عادي

 

[& شهد &]

جدا عادي


ما اظن الصورة ظالمتها

 

[ريوف22]

الي تقصدين الي بنادي الفحيحيل والله اعجبني خشمها

 

[قهوه وشاهي]

بلسومه معاج حق مافي أحلى من خلقت ربي بس

ودي بخشم صغنووووون أشوف بنات خشوم أفارقه

تغط لها يومين ترجع بخشم يجيب العافيه مرسوووووووووم رسم وأنا

خشمي قاعد يعرض من الحمل صاير يخررررررررررررررررررررع ماظن بيرد طبيعي

مشكوره حبوبة

 

[قهوه وشاهي]

MsMoonlight والله كلامج عين العقل واللي مايطيع يضيع الله يهديني

ويشيل من بالي هالقصه

كويتيه وشهد هذي صوره توضيحيه بس البنت اللي شفتها تاخذ

العقل 00 خشمها يجيب العافيه


ريوف22 ريوووف اهي بعينها شفتي بذمتك شزين خشمها وشلون ناحته

نحت هذا والله الدكتور السنع 000

 

[miss_math]

حبيبتي الله يهدييج ترى الخشم يرد طبيعي بعد الحمال انا خالتي خشمها لما كانت
حامل صار اشكبره بعدين رد طبيعي

 

[شندوخه]

تبين نصيحتي ؟
لاتجازفين بعمرج والعمليه مو سهله وماتدرين لو اسم الله عليج تموتين فيها
انا اقول خلج على طبيعتج واااااايد احلى وفتره الحمال كل شي يورم فيج بس ان شاء الله من تولدين كل شي يرد مثل ماكان
وتبين الصج بعد العارضه اللي حاطه صورتها تخرع الله لايبلينا لاتزعلين من كلامي

 

[sanyoreta]

في موضوع بقسم الطب فيه تجارب البنات وكل اللي مسوين عمليات تجميل
واحسن دكتورين ومعروفين وتروحينوانتي مطمنه
دكتور الحربي والصبيح وايد يمدحونهم

 

[جوك احلى جو]

ترا هالعمليات خطره مادري شلون انتو تفكرون فيها!!!!!!!!!

 

[قهوه وشاهي]

miss_math الله يبشرج بالخير يعني في أمل يصغر الله يسمع منج مشكووووره

شندوخه ياقلبي كلامج والله مقنع ولاينزعل منه فديت طلتج الحلووو

 

[!iQ8yA]

وااي انا زايغ قلبي على عملية التجمييل ودي اسوي خشمي..
بس اللي مصبرني الحين هالشد البني اللي الوصه لوص بخشمي..
بس ترى خشم المودل اللي حاطتها اييب اليهد..

 

[قهوه وشاهي]

sanyoreta مشكوره رايحه أتصفح الموضوع من لأول صفحه أخر صفحة

فعلا محتاجه تجاربكم 0سنيوريتاااااااااااااااااا تعني السيدة الراقية الرفيعة المقام

خليج علطووووووووووول سنيوريتاااااااااا


جوك احلى جو معاج حق بس جوك شوفي الصورة اللي بتوقيعج !!! أف شهالزين

أحباااااااااط كل صوره احلى من اللي قبلها 00معج حق لازم اواحد يفكر اكثر من مره


!iQ8yA هههههههههههههههههاااي جنج أيااااي عذبت خشمي من هالشدو الله كريم

لاوطايحه هاليومين بمعجون الاسنان يقولون يصغر الخشم صاير خشمي حمر وباجي وجهي اصفر

الله المستعان

 

[أمونة الحلوة]

خشمها مو حلو يلوع الجبد خلج على خشمج ابرك

 

[قهوه وشاهي]

أمونة الحلوة أنا كل شوي لي طاري اهم شي صحه والعافيه مشكووووره

 

[أرنوبهـ]

ياحلاة خلقت ربي والله

" وخلقنا الانسان في احسن تقويم" صدق الله العظيم

ليش نغير في خلقة ربي بس تقليد لليهود؟؟ اشوفهم مايجازفون بأعمارهم

المهم ترى العملية لها اضرار تطلع طبعا مع السنوات والي هي ان الخشم يترهل الكلام هذا من استشاري قايله لي ويقول اول 4 اشهر ماتطلعين اماكن مزحومه عشان خشمك ولاتسلمين على احد عشان خشمك مايلمسونه ههههه وربي كلها اضرار خليج على طبيعتج احسن

 

[sanyoreta]

تسلميلي ياقلبي
وهذا الموضوع
http://q8yat.net/showthread.php?t=16604

 

[noty]

شوفي قلبي

مو معناته خشمها حلو راح اصير حلوو عليج

سبحان الله كل ويه وله اللي اناسبه

اعرف ناس اخشومهم بروحها اتهبل بس مع الويه مو راكب

وفي امثله شكثر على هالشي

و ثاني شغله اي دكتور فنان و خبره ما يرضى اسويلج خشمج مثل فلانه او صووره

اللي يرضى هذا مادي 100 %

الخبير يبيلج اللي اناسبج اسويلج الخشم بحيث يكون طبيعي و ما جنه تجميل

و الدليل على هالشي شوفي خشووم الاجانب قليل جدا اللي اتحسينها مسويه مع انهم اغلبيتهم امسوين

عكس العرب قليل جدا اللي اتحسينها مو مسويه ,, و الاغلبيه فضيحه امبين اشكره لاعبه بويها


و هذي نصيحتي اذا ناويه لا تسوين شي كوبي اند بيست سوي اللي يمشي و يركب على ملامحج