ابي خبيره بامور الولاده بليز لان هذي اول ولاده ان شاءالله بتكون لي

[soso7elwa]

السلام عليكم بنات

طبعا هذي اول تجربة ولاده لي ان شاءالله على خير

ابي اعرف بالولاده ليش لازم شق وخياط يعني حريم اول ماكان يشقون لهم علشان يخيطون وانا ماعندي رغبه تماما ان يلعبون فيني وحتى لو اطول شالمشكله

انا دكتورتي ناهده العلي بالبدايه بس من كثر النطره قمت غيرت لي د. ماجده اليتامى لان عندها وايد دكتورات وبسرعه الواحر يخلص
بس الولاده لها اهي

الحين سمعت يمدحون دكتوره ليلى اشكناني ويقولون عنها خوش دكتوره فانا شسوي باقي شهرين على ولادتي ان شاءالله وحدي محتاره

ابي دكتوره تصبر علي وما تشق وتخيط بالعكس ابي ولاده طبيعيه تماما

واحس اشوي د ماجده ما تعطي ويه الواحد يسولف مادري شوي خفت

المهم نصحوني شسوي

وابي اعشاب البانيو حق بعد الولاده

وابي اعرف السترج مارك متى يطلع بعد الولاده ولا خلال الحمل لان انا ما طلعلي وانا بدش لثامن

شكرا

 

[Ranoon]

اب وأنا بعد أبي اعرف حريم اول شلون ولادة كانت ؟؟؟؟!!!

 

[حبيبي مالكني]

عندي رفيجة مصرية تقول ان في مصر مايشقون الوحده بس يخيطونه عشان ترجع مثل قبل
نحن في الخليج لازم يشقون مدري ليش وخصوصا البجر بس باقي الولادات مو شرط يشقون

 

[كوكتيل عسل]

حبيبتي لازم يشقون عشان ما يصير تمزق لما البيبي بيطلع
خصوصا اذا كان البيبي حجمه كبير
وتري المشكله مو بالشق اهم شي يكون الخياط صح والعناية بعدها صح
لانه البجر تخاف تنظف المنطقة عدل فتكون معرضة للالتهابات اكثر من غيرها

 

[ريتاج_90]

ماااعندي فكررهـ
والله يهووون عليج

 

[ضايعه بينهم]

بالنسبه لشق اصلاً اعتبرها رحمه لنا عشان مايصير تمزق لعضلات
وبعدين لو ولدت الوحده بدون شق راح تعيش رعب الوسع
فالخياط رحمه ومع الاهتمام بتعقيم والدهان راح ترجعين طبيعيه

وامهاتنا الله يرحم حالهن كانن يكرفن كرف وحنا مونفس زمنهن المقصد الحركه واللياقه لها دور
بتسهيل الولاده
ونصيحه من اخت لاختها عليج بتمارين القرفصاء وربي تتسهل عليج الولاده
بشكل موطبيعي
الله يجزاها خير اللي علمتني عليها جربتها بولادتي الاخيره اللهم لك الحمد
وموفقين خيييير والله يسهل على الجميع

 

[دايم على البال]

عسى ربي يهون عليج
انتي نفسي يوم ولدي البچر من دكتوره لي دكتوره

وانتي استخيري
انا ماجربت الطبيعي انا قيصري

 

[Somii_90]

ماعندي فكرررهـ ..
انا هذا اول حمال لي
الله يرزقج ويرزقنا بالذرية الصالحه
والله يسهل و يهون عليج
up..لعيونج​

 

[حوريه ...]

نفس تفكيري


بس اللي اسمعه دايم

ان البكر بس يشقونها والثاني والثالث لا لاشق ولاخياط

الله يرحم حالنا

ان هالموضوع احاتيه بقوووه

 

[كويتيه شماليه]

هلا اختي

رحمة من الله سبحانه ان صار في شق وخياط انتي للحين ماجربتي شلون يطلع راس البيبي فالدكتوره اتشق علشان تسهل طلعته وتخيط عقب واتضيقه بعد احسن من الاول والشق والخياط بكل الولادات حتى لو عاشر ولاده اللي تولد بكثره هي اللي تحتاج خياط واحتمال تجميلي بعد

والحمدلله الله سهل علينا الولاده صج العوار واحد سواء قبل والحين بس في الحين مساعدات مخدر وكمام وسسترات يخدمونج والحمدلله احنا بنعمه بس ما انصحج تاخذين ابرة الظهر بالمره تحملي الالم وجربيه فيه الاجر

ومن تدخلين التاسع باذن الله امشي على تراب البحر لو عشر دقايق باليوم يسهل الولاده باذن الله

والله يقومج بالسلامه

 

[اللّہ معي ، ♡]

مو شرط الكل ينشق على حسب حجم الطفل وًوزنه

انا اعرف واجد من قريباتي ماشقوهم بس اطفالهم مره صغار ينولدون على كيلو ونص


ماشاءالله تبارك الله

 

[Ranoon]

صح سمعت ابره ظهر تعورج بعدين

تعور الظهر مع الايام ... شكثر حريم يقولن لا تاخذينها تحملي ..

 

[أشبـاهـ المطـر]

الاعشاب بعد مايطيح الخياط ويلتئم الجرح
قبلها الغسول والكريم الي يصرفونه لج
انا استعمل خوا جوا تهبل ومره عن الشمم احطها بخشمي
وغسول بالبيت اسويه افوح البابونج واشخله بطل واحط شويه ديتول اخضر
ومره اكون منقعتها من قبل وملح واتغسل فيها ما اتنقع وخوا جوا امسح فيها
بالكوتكسه الاغذيه تلعب دور اهتمي بالبروتين عشان بسرعه يلتئم الجرح
وطالعه من الشر مقدما

 

[orange blossom]

حبيبتي الله يسهل عليج
انتي كلمي دكتورتج
اذا بالامكان انها ما تشق و تخيط
مع ان ترى الوضع طبيعي
و الشق و الخياط ما فيهم لعب مثل ما قلتي

 

[مشتطـه]

هههههههههههههههههههه

انا مابي اولد بأمريكا وسبة ان الولادة عندهم طبيعيه بدون شق


شحقة اعور قلبي واخرب شكل المنطقة يقولون بدون شق تتوسع

لا والله الا خل تشقني وتخيطني

ولدت مرة بشق وخياط الحمدلله الامور كلها تمام

ما ضر امهاتنا الحمدلله الشق والخياط

 

[soso7elwa]

مشكورين كلكم عالرد والله يسهل عليكم يارب
شلون الوحده تتوسع اذا ما صار شق بالعكس هالمنطقه سبحان الله مثل السير طبيعي تتوسع بالولاده وترد نفس اول بالاربعين لكن الشق معناتها جرح وتغيير بشي طبيعي من عند رب العالمين
واكيد كلل شي من الله احسن

لا ابد الي يقول الوحده تتوسع بدون شق انا ابصملج بالمليون مستحيل مستحيل اكيد هذا كلام انشروه الاطبا علشان مالهم خلق ينطرون الوحده تولد يبون بسرعه وخلاص

يدتي اشقالتلي قالت ان الولاده المها بس الطلق ولا الولاده اصلا مافيها الم سبحان الله وتقول الماي يزحلق البيبي بس يطلع الراس خلاص

بس الواحد يبي الشي الطبيعي

انزين السترج مارك شنو قصتا يطلع بعد الولاده

والاعشاب الي تتنقعين فيها بالبانيو ؟ علشان تضوق واطهر ؟

 

[غلايو]

ما اتخيل اولد و ما يخيطوني


يا حبيبتي المنطقه راح تتوسع ١٠ سانتي

و تقولين بترجع طبيعيه؟؟ مومعقوله

انتي شقي نفنوفج و دخلي فيه صبع واحد
و بعدين حطي ٥اصابع ب هالثقب الي صار

و انطري عليه ٤٠ يوم وغسليه كل يوم

جوفي بيرجع مثل قبل لما حطيتي صبع واحد!

 

[أشبـاهـ المطـر]

مو شرط تطلع السترج مارك ياحبيبتي ليش مصره
ماتبينهم يسون الشق احسن لج لان وقت الخياط يشدون
المنطقه ويوفرون عليج وبعدين هالشي نوع من تقدم الطبي
وانتي براحتج طالعه من الشررر مقدما

 

[سمراء كويتية]

نفس الحاله بچر ومحتاره

 

[soso7elwa]

والله الواحد احتار ومو عارف شي المشكله ودي اجهز الاعشاب واجهز الاغراض ومو عارفه شي (
وهم الدكتوره كما تقولج جذي احسن او جذي تقول الي تبينه والي تستدعي له الحاله
وانا الصراحه احترت
بس امس الصيدليه قالي الدكتور السترج ماركس يطلع اكثرا بعد الولاده مو شرط بالحمل والله اعلم انا والدتي ما عندها سترج ماركس بس الواحد يحاتي كل شي
انزين احسن اعشاب وخبيره وين ممكن احصل حق هالسوالف تقول شاطره