ابي خبرتكم ساعدوني مع ولدي

[manhattan girl]

:eh_s(2): اشلونكم بنات شخباركم و مبارك عليكم الشهر يايتكم اليوم و ابي خبراتكم ولدي عمره سنة و 8 شهور و ابي اقطعه عن الحفاظ ( عزكم الله ) شسوي اهو بجري و انا حدي متحمسه اني اقطعه الحين خوف اتعييز بعدين فشتشورون علي شلون ؟؟ و شسوي ؟؟

 

[miss elegant]

حبيبتي تو الناس عالاقل نطري لمن يكمل سنتين

 

[ريكاتو]

اذا بقطعين قطعيه مره وحده اهم شي شوفي ولدج اذا كان فاهم ولما تودينه الحين يسويها بالحمام تمام
بس توقعي بيوصخ الدنيا ومو بسهوله ايام يكون زين وايام يخوره عادي لا تعصبين عليه عشان ما تكون له ردة فعل عكسيه بالموضوع
بنتي سمالله عليها قطعته من كان عمرها سنتين تخيلي ما تعدلت الا الحين قبل لا تكمل 4 سنين قامت تروح بليل وعلى طول بروحها
اما ولدي اللي بعدها عمره سنتين ونص ويرفض انه يسوي شي بالحمام وحده معذبني بس يبي يغسل على طول
والله يعينه على تربيتهم

 

[ميما الاموره]

بما انه احنا بالصيف نضفيه هلأقبل ما يجي الشتاء وما تقدري تنضفيه
انا بنتي عمرها سنه و4شهور وبديت انضفها
خليه بدون حفاضه وكل شوي وديه الحمام او قعديه على (نو نو) كرسي الاطفال الي مثل كابينيه الحمام واجلسي عنده او حطيله اغاني اطفال او رسوم او اعطيه شي يتسلى فيه وحاولي احكي معه وشجعيه راح يرفض بالاول بعدين بتعود بس لازم تصبري وما تصرخي عليه لما يعمل على نفسه قوليله لازم نعمل هون (اشري عالحمام او النونو
انا ابني ما حب النونو كنت اوديه عالحمام بس غلبني كتير البنات اسهل بالتنضيف
وفي وحده قالتلي خلي ابنك 3 ايام مايلبس الحفاض بالمره لا ليل ولا نهار وكل شوي وديه الحمام راح تتعبس بس راح ينضفف بسرعه
بدي اجربها هاليومين لاني بدي انضف بنتي بسرعه قبل البرد ما يجي ولانه ما عندي مشاوير هلأ
واللع يعينك على تنضيفه واهم شي الصبر وشو ما كان لازم توديه عالحمام ما تقليله اعمل على الحفاض عشان ما الك نفس تقومي​

 

[ام الحوراء زينب]

عمره زين اسم الله عليه
امي علمت ولد اختي من عمره سنه ونص اسم الله عليه كان يعرف اذا بسوي الكبيره يقول حق امي حمام مايرضا يسويها الحين بالحفاظه
بس الحين رمضان وامي تطبخ ماتقدر تقطعها مره وحده لانه يبيله مجابل بس مرات بروحه يروح يقولها حمام عشان يسوي كل شي

اذا انتي فاضيه برمضان علميه دخليه بروحج الحمام علميه خليه يعرف اذا فيه يقولج حمام ووديه على طول

 

[KOKO_284I]

علميا لازم تنطرين بعد السنتين لان افضل وقت لاستيعاب الولد وهذي شغله راده لج

 

[manhattan girl]

والآتي مشكورين حبيباتي ما قصرتوا صج أنكم فدعتني وايد و في شغلات نورتوني فيها ما كانت على بالي ما انحرم منكم يارب و ربي يوفق كل وحده فيكم