ابي خبرتكم بالاستقبال

[@سنووايت@]

السلام عليكم
حوامل واللي الله سهل عليهم وولدوا طبعا انا حامل بعد معانات بالحمل الحمد الله والشكر ودي اسوي استقبال بالبيت بس ما عندي خبره شنو اسوي وشنو ايب وجم يوم اخليه وشلون اقول حق الناس اني بسوي استقبال بالبيت عشان ما يزوروني بالبيت بس طبعا القراب والبس واكشخ واوريهم البيبي ولا عفيه ابي خبرتكم

 

[@سنووايت@]

افا ٣٥ وحده لا احد طيب خاطري

 

[فرحتي2.2]

الله يتمم عليج وعلي

انا نفسج بعد بجر ولا اعرف

بس ان شاءالله البنات مايقصرون معاج

 

[@سنووايت@]

حياتي مشكوره على الرد والصراحه ماكو احد
ويتمم عليج يارب

 

[om-s3ood]

الله يتمم عليج وعلينااا
اناا واااصل ولااادتي هالايااام والله يسهل 
بسوي استقبالي يوم بالمستشفااا واذاا صار لي ٢٠ او ٢٥
استقبال ٣ إيام وبسسس

 

[-فلانة-]

حبيبتي انا بجر بس بقولج اللي أعرفه وشفته
اذا استقبالج بعد طلعتج من المستشفى على طول راح يصير نفس استقبال المستشفى تقريبا
يعني تكونين مجهزة غرفة في بيت أهلج و مزهبة شغلج كأنه استقبال مستشفى،، كفر السرير، و سرير البيبي، وقميص نفاس وموالح و جاي و هالسوالف..
وإنتي تحددين جم يوم،، على حسب أهلج وايد وإلا شوي،، في ناس تسويه يومين و في ناس تسويه أسبوع،، يعني إنتي براحتج..
إذا بعد الأربعين لأ يصير غير،،
تكونين واقفة على حيلج تستقبلين الناس وتكونين لابسة دراعة كشخة وإلا نفنوف براحتج ومكياج و تسريحة جنه استقبال زواج بس على أخف ،، واللي رحتلهم ما طلعوا بيبياتهم حق الناس بس الأم تكون موجودة..بس إنتي براحتج بعد..
ويكون فيه بوفيه عشا وفيه ناس يحطون دي جي بعد..
هذا اللي أعرفه يا غالية وإنشالله البنات يفيدونج أكثر..​

 

[وصايف4]

ماشاء الله ما قصرت فلاانه تقريباً قالت كل شي
اما بسالفه شلوون تعلمينهم بمسجاات دزي للي تبين تعزمينهم وبس

 

[-فلانة-]

إي نسيت شغلة بعد،،
أول ما تقومين بالسلامة تطرشين مسج حق الناس و تقوليلهم إنج ولدتي بالسلامة و إن إستقبالج راح يكون باليوم الفلاني في البيت و تحددين الأيام اللي بيكون فيها الإستقبال والناس تفهم عاد إنه ماكو استقبال مستشفى..
عسى الله يتمم عليج يا حبيبتي و يسهل ولادتج و يرزقج الضنا السليم المعافى إنشالله..​

 

[ام عثومي]

سوي استقبال بسييييط لاتبدعين وتجيبين العين لنفسج الله يحمينا ويحميج من العين*

 

[ام الحلوااات]

اللــه يــــســهـــل امـــرج ويــســهـــلــهـــا عـــلـــيـــج

ااااااااااب

 

[ام اغلى الناس]

انا بولدي سويت الاستقبال بعد ماخلصت ٤٠ يوم
يسمونها طلوعه
كشخت ولبست نفنوف وسيرفس وحلويات وبوفيه
اما بالنفاس كنت استقبل الناس يوميا بس تعبنا حيل

هالمره باذن الله باسوي استقبال كل ويك اند يومين باذن الله
ويمكن بعد طلوعه عشا بس خفيف لاهلنا

ما احب استقبال المستشفى لان الوحده تكون تعبانه من الولاده
والام الخياط
انا كنت اسبوعين ماقدر اقعد من الخياط