ابي حنه مجربه لشعر اختي...

[عشماويه]

السلام عليكم


وصباحكم خير وعافيه


ابي اللي مجربه فيكم حنا لتنعيم شعرها واستفادت تقوللي

اختي شعرها فيه رده مو طبيعيه مع انه مو خشن بس متموج حيل وصارت تتضايق منه حبيبتي

وشعرها مو متساوي ويكش من جدام وحتى الاستشوار والسيراميك بسرعه يروح مفعوله معاها

عمرها خمس سنين وكل ما شافت وحده شعرها ناعم قالت ابي شعري يصير مثلها :bbbiu:


انا بصراحه اخاف عليها وما ودي بسالفة التمليس والكيراتين

وسمعت في حنه يجيبونها من السعوديه تنعم الشعر وتقويه واللي قالتلي انتحست وما رضت تكمل جميلها وتعلمني من وين :eh_s(14):


ادري وايد سولفت بس ابي تجاربكم بنات وابي شي ثقه لانها ياهل مثل ما قلتلكم ومابي اضرها

 

[بواسم]

حبيبتي شوفي حنة بنت الاحلام وايد يمدحونها ومجربه لها بنر فوق بالموقع

 

[مو لازم اسم]

حبيبتى جربى الحنه الهنديه بس اخذيها بتاريخ ما يكون قديم وجيسها من بره لونه اصفر تنباع عن العطارين

انا ماخذتها من السالميه القديمه محل عطار يم نظارات الحسن

بالنسبه لى جربتها حتى ريلي لاحظ وقاللى شعرج صاير انعم من قبل
وبصراحه مادرى هل تنفع معاج لان احيانا من شخص لثانى غير انت جربيها وان شاء الله تفيدج مثل ما فادتنى

والحلو بالحنه لما تنعين وتخلينها فتره يعنى 3 ساعات ملمسها يكون ناعم حده جنه حاطه فيها زيت وكلش ما تنشف الشعر

 

[سلاسل ذهبيه]

يمدحون مالت بنت الاحلام وحنة السعوديه مالت التنعيم موجوده الحين باغلب العطارين تجي بعلبه شفافه ومعاها زيت ولما تنحط على الشعر تطول بعدين تغسل وتحطين الزيت والطريقه متكتوبه بورقه معاها وسعرها مايتعدى 5دنانيراعرف وحده حطتها لبناتها وصار شعرهم ناعم بس هم مو حل مثل الكيراتين كلها كم شهر ويرجع الشعرمثل قبل