ابي حل ?

[مها الرياض111]

السلام عليكم بنات

انا متملكه بس للحين ماتحدد زواجي عندي مشكله اني سمرا و ابي افتح ع الاقل درجتين عن لوني الطبيعي
كثير خلطات استخدمت بس مابين معي وتدور في بالي فكره حبوب التبييض والابر بس خايفه
أرجوكم ابي شي استخدمه يبان مفعوله ع الاقل في اسبوع عشان اتحمس اكثر وأكمل

انا حاليا استخدم حبوب سبروفيتا و سمنتني و شعري مستخدمه له خلطه سمن شوكه و ملعقه و وتهبل معي النتايج

من ناحيه جسمي و شعري مبسوطه
بس بشرتي والله متحطمه حيل

 

[New_bride]

عليكم السلام ورحمة الله وبركاته

لاتتعبثين بنفسج ولاتاخذين ادويه واشيا كيميائيه
انتي على وي زواج ووراج حمل وهاالاشيا كلها تدخل فالدم وتضر الجسم

دام ريلج قبل فيج وانتي بهاللون معناته هو راضي ومستانس عليج

 

[جامعيه طموحه]

بالنسبه للحبوب ما أأيدج بس ابر التبييض رفيجتي تفكر تسويها بس ماقريت عنها صراحه ان شاءالله الي استخدموها يفيدونج

بس ما عليج امر شنو خلطة سمن شوكه وملعقه ؟

 

[♥MaSteRiyA♥]

لا تلعبين بروحج حبيبتي
مو شرط اذا حطيتي بيتغير لونج
ومو شرط اذا تغير لونج بتعجبين زوجج أكثر


آنا حنطاوية بس أحب لوني
وزوجي يموووت فيه..




والله يتمم عليج يا عروسة :eh_s(7):​

 

[Shinexo]

بتبيضين واجد لو بعدتي قد ماتقدرين عن الشمس , دايما حطي واقي , وحاولي بين فتره وفتره تسوين حمام مغربي يشل الجلد الميت ويبيض , والليمون مبيض طبيعي , والفازلين مبيض ممتاز مع الاستمرار , تحممممملي تلعبين بنفسج يمكن بدل ماتبيضين تسمرين زياده .. الله يوفقج

 

[مها الرياض111]

حبيباتي شكرًا المرور وانا زوجي ماشافني ماعندنا هالشي وانا التغيير ابيه عشان نفسي
مو عشانه ولا عشان احد

ابي خلطه لاني الحبوب والإبر ما اضمن هم


خلطه سمن شوكه و ملعقه

كاس من السمن و كاس زيت عافيه وفنجال نوى التمر مطحون وفنجال محلب مطحون
تحطينهم ع النار شوي يصير لونها بني تخلينها تبرد بعدين تحطينهم بعلبه زجاج
وحطيها ثلاث مرات في الاسبوع تسع ساعات
انا صراحه احيان احطها يوم ورى يوم واحيان ع حسب فضاوتي بس وضحت النتيجه من اول شهر

 

[Tom ♥ Jerry]

.

مآ في خلطه تفتحج درجآت عن لونج الطبيعي الا اذا كآن فيها موآد غير طبيعيه !
خلج على طبيعتج آحسن .. لا تحآولين تفتحين آكثر من لونج الطبيعي

و مبروك الملجه :*

 

[Amwajq8]

اعتقد ان السنفره وتفرك يبيض خاصه الهرده طحينه مع الليمون اتفتح

 

[اميره بكلمتي]

استخدمي خلطات صابونيه تفتحج ع الأقل هذول شغل طبيعي

 

[لولو305]

حبيبتي استخدمي صابونه فيراند وايت تبيض
مع بوكس نواعم لمزيونه يهبل ورطبي جسمج ع طول
راح يفتح جسمج

 

[بنوتة باباها]

الحنا البيضا

 

[الغلا مشاري]

حبيبتي انا ما خليت شي الا وستعملته
اول شي الابر والحبوب اتجننننن ولحد يقص عليج لا تستخدمينهم عندج حبوب بيرفكت وايت وعندج قلوتا وايت وابر تفتيح ب مستشفى العرف بالجهراء
وحمامات تفتيح ب صالون لمسات بالجهراء وشفي شلون بتلقين
بس الابر والحبوب التفتيح ترد بعد سنه او ٦ شهور ال لونج الطبيعي
واي سأل انا حاضر

 

[Cute mama]

حبيبتي هالسوالف مايفيدج غير طبيب جلديه يفهم اكثر منا

 

[عروسة اكتوبر]

ما انصحج بالحبوب استخدمي الخلطة الصابونية وسنفرة كاب تفتح واااااجد مع الاستمرار

 

[al-musk]

نصيحه وخري عن أي شي مضر وخلج بالطبيعي.. أبدا لاتسخدمين إبر..مو مهم تكونين بيضه والله ياحلاة السمار..أهم شي بشرتج صافية ونظيفه ولونها واحد ومترطبة دايما مو جافه