ابي حل لمشكلتي

[Hand]

السلام عليكم

اترددت وايد وانا اكتب مشكلتي بس لمن شوفت هني مشاكل البنات

تشجعت واتمنى منكم تقولولي الشي الي انا سويته صح ولا غلط


من 5 شهور كنت اشتغل في شركة تسويق عبر الهاتف

وكنا نسوق لمجموعة فنادق خصومات وشذي وكانت الوظيفه اني اسوق المنتج

على التلفون وكلمت وااايد رييال وحريم عشآن أسوق لهم المنتج انزين

وبعدين اتعرفت على ريال وايد شدني فيه انه خلوق ومهذب

ومع الايام صرت بعد اكلمه بجوالي الخاص

طبعن طلب انه يشوفوني بس انا رفضت كم مرا

الين حسيته يلح علي واايد .. وبالصدفه كان عنده سفره وقالي بعد السفره نتافهم بي هالموضوع

انا غيرت رقم جوالي وتركت الشغل بسبب انه المعاش كان عموله يعني مو ثابت وبعد المعامله ماكانت اوكي


الحين انا مااكلمه ابد لا بالجوال ولا الماسنجر ولا الفيس بوك

يعني غيرت رقمي وايميلي وكل شي

ماادري شذي حسيت ضميري وايد يأنبني ... بس المشكله اني وايد احس اني افكر فيه وتعلقت فيه وايد

ابي حل عشان انساه تقريبا لي مااكلمه 3 شهور ...

وبعد ابي اسالكم الي سويته انا صح ولا غلط .. اني تركته لاني حسيت بتأنيب الضمير وبعد حسيت اني بالطريقه هذي اخون اهلي واسوي شي من وراهم وانا وربي ماني متعوده اسوي شي من ورا اهلي .. كل خطوه اخطيها هم يدرون عنها


؟؟؟ انتظر رايكم ووايد يهمني




​

 

[لمى الهاجري]

شوفي اذا تحبينه قولي له طق الباب واخطب

 

[شباصـه فرنسيــه]

اللي سويتيه عين العقل واحمدي ربك انك غيرتي رقمك و كل شئ
والله يثبتككِ ..

 

[ليه الجفآ]

زين سويتي وغيرتي رقمج ....

انسيه ... لانه لو جاد معاج بشي جان تقدم لج ,,,​

 

[سمسوومة]

اهلاً حبيبتي .
أولاً أهنيج عالشي اللي سويتيه والله يحبج تدرين ليش؟ لان لو ما كان يحبج جان ما سوه هالظروف وخلاج تغيرين كل شي الا عشان يخلصج من هالشخص لان ما كنتي تدرين لو مكمله معاه جان شنو صار .. اول شي مكالمه بعدين طلعه بعدين والعياذ بالله _(........) فالحمدلله المفروض تصلين صلاة شكر ..
و ما شاءالله عليج كلامج عين العقل .. انج بهالشي قاعده تخونين ثقة اهلج فيج وهالشي ما يرضى فيه لا الله ولا رسوله ..
و دام انج قطعتيه ثلاث اشهر اتوقع نساج و اذا ما نساج بينساج مع الأيام .. بس ديييييييري بااالج تفكرين تردين تكلمينه لان مثل ما قلتلج هالشي حرام لان لا هو اخوووج ولا ابووج .. يعني مكالماتج له حراااااااااااااااام والله ما يرضى بالحرام ..
و الشيطان ما مات يقص عليج( الشهوات ما ترحم ) !
و عسى ربي يهدينا أجمعين و مثل ما قلتلج دييييري بالج الله سوه هالشي عشان ينبهج ولا تكملين هالطريج ..
مووفقه حبيبتي والله يستر عليج وعلينا


تحيآآآتي( سمسوومة )

 

[سمسوومة]

و نسيت اقوولج اذا كان صج يحبج ويبيج المفروووض يطق الباب ويي يخطبج .. السالفه مافيها بشوووفج واطلع لان احتمال بطلعه وحده كل شي يصير وينهيج مرة وحده !
الله يوفقج حبيبتي ويرزقج بالزوج الصالح

 

[!! دلوعته !!]

صح الي سويته

 

[Patcholli]

طبعا اللي سويتيه صح ..
ربج واهلج اولى انج تطيعينهم ..
ولا يقص عليج ابليس ويزينلج الحرام والمنكر ويلخلخه براسج بطريقه لطيفه وتقولين حرام وتأنيب ظمير ..
الحرام انج تكلمين ريال اجنبي غريب لاهو محرم ولا هو يحل لج ..
الله يثبتج ونصيحه لاتفكرين ولهي عمرج باشياء اهم وانفع

 

[MEMOTI]

هذا احسن شي سوتيه , وبالعكس ليش يانبج ضميرج انتي جذي رضيتي ربج و احترمتي اهلج
لو كنتي مستمره وياه ما كنتي بتحسي براحه بالي تسوينه !

+ الله يهديج ويثبتج ع رضاه حبيبتي~

 

[حجية قدرية]

من صجج حاسه بتانيب الضمير !!!! @@

أشكره قاعد يلعب وين قاعدين يتعرف بالتلفون ويحب ولا مو شايفج بعد


زين سويتي غيرتي رقمج والحبيب من صجه أرجع من السفر ونتفاهم هههههههههه روح روح الله يستر عليك

 

[ElN00R]

انتي تتوقعين سار له ثلاث شهور يذكرج ويبجي ويحن عليج ؟
اذا ايه ردي كلميه

واذا لا ترى عنده غيرج الحين لو يبيج مافرط فيج ولا خلاج هالنوع من العلاقات لا تولعين فواحد مولج يا بنات بسكم مازوشيه عزو نفسكم الله يغنيكم بحلاله عن هالشباب الفاضيه

 

[Hand]

وايد مشكورين ريحتوني كثير

يعطيكم العافيه حبيباتي وربي يسعدكم

 

[سمسوومة]

يعاافيج حبيبتي =))

 

[om deaj]

اللي سويتيه عين العقل واحمدي ربك انك غيرتي رقمك و كل شئ
والله يثبتككِ ..

الله يثبتك
والي سويتيه عين العقل لا تاخذك العاطفة وينتصر عليج الشيطان
:eh_s(7):

 

[dalo0oa121]

مايجي من ورا الشباب الا عوار الراس والمصايب

 

[بدون أسم أحلى]

أحسسن ماسوويتي وربي..
راحة للنفس والضمير وحياتك كلها
لو جلستي معه للحين كان انتِ من عذاب لعذاب
لكن الزمي المواظبة ع الصلاة والذكر ةالاستغفار وادعي دائمآ اللهم أنزع (..اسمه..))من قلبي وحبه وكل شيء يذكرني فيه
نصيحة لاترجعيييي
والله يثبتك ..يارب
بجد أعجبتيني وعقبال كل البنات والشباب بالصلاح

 

[ms mooka]

طبعا اللي سويتيه صح
بس بوجهة نظرررييييي
تعترفين له انه هاامج و ترجعيله وتقوليله تبينب طق الباب
لا تششقح من الدريشه

وبس

 

[ابـيـض واسـود]

الي سويتيه اهوا الصح وتذكري الله فوقج ولاتخونين ثقة اهلج فيج

 

[@ كويتيه @]

فرفوششه روششه :: عيين العقل قالت لج المختصصر المفييد تعووذي من الشيطان كل ماتذكرتيه والله يثبتج

 

[سمراء كالخمري]

انا رأأيي من راأي ** لمى الهاجري**
جد من الاخر اذا حسيتي تعلقتي فيه واهو نفس الشي من بعد ماتصارحينه خل يتقدم وخلاص

اذا حسيتي انه مابيبي يتقدم وبس يبي كلام بالفون سدي الباب وايد ابرك

وموفقه حبي :*