ابي حل للكارثة

[suad37]

بنات انا سبق وكتبت عن مرت اخوي بس بعيد السالفة حنا ثلاث خوات كنا في بيت واحد وتزوج اخوي وماكان عندنا خدامة فكان الطباخ يتوزع علينا احنا ومرت اخوي وبعدين الله كتب لنا انا واختي الصغيرة الزواج واختي العودة الحين عمرها 47 سنة مو متزوجة بس الحمدلله تشتغل وتصرف على البيت وتشتغل هم في البيت تساعد مرت اخوي في الويك اند تطبخ بعد احنا الحين عندنا خدامه اختي هذي وايد طيبة ونحبها حيل لانها مثل امنا اللي ما حسينا بحنان امي وحسينا بحنانها وامي ياتلها جلطة وتقريبا مشلولة ومهتمه فيها وبمواعيدها وعندنا اخوان ثلاث مو متزوجين بنزوجهم انشالله بعد شهرين هذي المقدمة .المهم ابوي صار يكرهنا احنا البنات المتزوجات وما يحب يشوفنا في البيت يسبنا ويسب عيلنا يبي يطفشنا من البيت عشان ما نجيه ما ادري ليش كان يكرهنا حيل يعني تخيلوا لما ولدت وييت حق لنفاس عندهم بس اسبوعين قالي لا هلا فيج انا كنت اجي عشان اشوف اختي المظلومة وامي بس احس بالحنين حق اختي اكثر واحنا نتيمع كلنا المتزوجات هناك ونسمع لنا جم كلمه ونمشي كالعادة هذي مشكلة بسيطة بالنسبة للي راح يصير . زوجة اخوي تغيرت بعد صارت تحشي راس ابوي واخوي علينا طقوا عيالي ما يقعدون معاي ما يسلمون علي وكله جذب في جذب لانه ابوي مو يكون في البيت نروح حق غرفة اختي العودة ونهد الصالة عشان ابوي ما يشوفنا وانصك الباب علينا وكذا مرة شرحت الوضع حق اخوي انه هو هذا السبب وكل ما انجي هذا الروتين ابوي يضايقنا واهية تسوي مشكلة وتزعل وتطلع من البيت وما ترد الاعقب اسبوع بعد ما امي وابوييذوقون الويل ما في احد يطبخ لهم وامي ساعات تقوم وتطبخ اي شي والله لو تشوفون الاكل اللي تسويه لانها معاقه ما تقدر تضبط الاكل تكرمون حتى الحيوانات ما ترضى تاكله بس اهيه وابوي مضطرين ياكلونه واخواني يطلبون من المطعم وكله هذا بسبت انها سوت مشكله من لا شي وابوي يروح لبيت اهلها ويصالحها ما نعرف شنو سر حبه لها واحنا يكرهنا حيل. عاد امي قالت بنزوج اخوانكم عشان حتى لو اهيه ازعلت يكون في حريم بالبيت يساعدوني وهنيه ابوي قال لازم لو تختارون البنت جنتي اهيه اللي تختارها وتروح معاكم الخطبة وتشوف البنت احنا استغربنا لاته اول مرة نعرف انه الجنة تروح مع الام وخوات المعرس ونطلب رايها المهم انا قلت ما عليه خنجامل حتى لو الفشله اللي بويهنا لانه لو اعترضنا ابوي بيخرب السالفه واهيه بتكبر الموضوع وما نستفيد غير الاهانه وننطرد من البيت اللي ربينا فيه واللي بناتي يحبون يروحون يشوفون بيت جدتهم لانهم لسوء الحظ ما عندهم عمام فزوجي للاسف يتيم وعمته اللي ربته توفت بعد المهم رحنا خطبنا وكالعادة فشلتنا بلقافتها ووصلنا حجي باننا رديات وهي تشق وتخيط وتعرف الاصول واحنا مغلوبين على امرنا وسكتنا وما قلنا حق احد اللي صار الشبكة اهي اللي راحت مع اخوي واختارتها غرف النوم ابوي راح يعطيها الفلوس وراح تختارهم مع اخواني تصدقون بحفلة الملجة اخوي ما رضى يدش جان تخمط الشبكة من اختي العودة وتلبسها للعروس وتقولها انا كل شي سويته بس نا قص ادخل عليج عاد البنت قامت تبجي وقالت حق امها واللي قالت حق امي هذي ليش اخلاقها جذيه امي اسكتت بعد فالراس الكبيرة ابوي معاها ومراح يصدقهااو بالاصح ما عنده مانع تغلط لانه يحبها حيل وللحين ما نعرف السبب؟؟؟ وصلت للماساة الحين اهيه قررت تطلع في بيت بروحها لانه في وجود الجنات ما تبي تقعد بتنكشف احنا بنات الابو اللي محد بيوقف معانا بس هذيل ازواجهم بيدافعون عنهم فقررت تطلع وطلعت بهوشة اشعلتها مع اختي الصغيرة وللاسف استفزتها فماقدرت تسكت المهم اخيرا اخوي قرر يطلع لانه مثل ما يقول بيوسع حق اخواني بس للحين اهية تجي وتزور ابوي كل يوم وترك وهات الحجي ياعمي لو تبيني اقط روحي بالنار ما عندي مانع وهالحجي الماصخ وبناتك جذيه سووا وبناتك جذيه اعملوا وللاسف امي قاعدة تسمعها ولا ترد عليها وهم ما اعرف السر؟؟لين يه يوم الجمه اللي تيمع فيه كالعادة جان جك بم اخوي يجيبها تزور ابوي احنا شلنا شلايلنا وقعدنا بالحديقة احنا وعيالنا واختي العودة تقرى قران بدارها ولا ابوي يجينا مفتلت ويقول ليش ما سويتولها شاي مو ضيفة اهي؟ شنو اهيه ذابحتلكم احد ما تحبونها اهي احسن منكم واهي وانتو جلبات ما بيكم ذلفو انتو اعيالكم اعيال الجلاب وقمنا ما ردينا عليه وهي راحت بيتها وقررنا اخيرا نترك البيت بلا رجعه لكن للاسف شفنا امي وقلنا لها ليش يمه يصير جذية ليشا ابونا يسوي فينا جذيه بصراحه بصراخ الله يغفر لنا هالزلة جان ابوي يجيب عصاته يبي يطق اختي العودة المسجينة ووقفت ووقفوا خواتي في ويهه وانا قعت اكبر واصلي على محمد عشان يتركنا بس ماكو فايدة وصرنا تحته جنه طوفة ما تندز بعدين طقنا وعظنا وطراقات واحنا بس بنمسك ايده ما قدرنا جان يجي ولد اخوي ويدزه بره المهم ايد صارت فيها علامات من اظافرنا لانه من قوة المسكةاللي مسكناه فيها ومن الخوف . ورحنا بيوتنا مذلولين ومجروحين بقلبنا جرح ما يندمل وعيالنا ليلتها ما نامو كل شوي يفزون من الخرعه وللحين انا ما انام للفير وابوي راح حق مرت اخوي وقال شفتي بناتي اشسوو فيني طقوني وطردوني من البيت ياليتني مت ولا شفت هاليوم وهيه دقت علىاخت اللي اكبر وحدة فينا وعمرها 50 سنه تقولها شفتي خواتج اشسوو في ابوهم طقوه اللي ما يستحون على ويهم وسبوني وهنيه عرفنا انه ابوي مو ندمان لا بعد يجذب يقول طقينا والشهادة لله احنا ما جسناه شنسوي ؟ شالعمل؟ عرس اخونا بعد شهرين نظل مقاطعينهم وما نروح العرس واشياء وايد في بالي ما اقدر اكتبها واسال فيها انا مصدومة ومنهاره شنسوي؟؟

 

[DốǾốDї]

امبييييييييييييييييييييييييييييييييه لااااالالالا مو صج هذي ترفع الضغط
اقااطعهم وماا ايلهم كلش واذا بشوف اختي نتواعد برا البيت
واذا ما تاخذون حقكم من اهلكم انتو طلعو الحره بمرت اخوكم اذا مدت لسانها امد لساني تمد ايدها امد ايدي
بهالحاله ما اعطي حق ابوي اهتمام
الله يعينكم

 

[منطوق الغلا]

رد : ابي حل للكارثة

لا حول ولا قوه الا بالله العلي العظيم


الله يعينكم صراحه



هاي الحين شوه تستفيد من الفتنه ماتخاف من الله




بس بيها يوم بتندم صدقيني ماعليكم منها



الله باخذلكم حقكم منها



الله يمهل ولا يهمل




استانسوا ف عرس اخوكم رحوا لاتقطعون ولاتخلونها هي تسيطر ع كل شي



الله يهديها يارب

 

[سامرية قديمة]

رايي اختي تروحون لابوكم وتطيحون عليه وتحبون راسه وتحاولون تكسبونه لاتنسون رضا الله من رضا الوالدين وهو شايف الجنه اهي اللي مجابلته وتطبخ له وبعدين ليش ماتتحاططون وتيبون خدامة لامكم ؟؟؟ اهي شايفة انها تخدم امج وابوج واذا ييتوا قعدتوا بدار اختكم العودة وصكيتوا عليكم وهو يشوف اهي اللي مجابلته وتخدمه هذا اللي مخليه يحبها

 

[عرش الأنوثه]

بالعكس اصلا اذا خليتوا كل شي اهي راح تستانس خليكم علجه على قلببها لاصقققققققققققققققققه
والله يعينكم

 

[mo0o0n22]

رد : ابي حل للكارثة

الله يعينكم هذه حيه ..الاخت شاااخت ويبي من يكسرلها رااسها ..والشرهه مو عليها الشرهه على اخوك اللي مامطع رقبتها وقص لساانها ...اما انتي حبوبه لاتقطعينهم تقااطوا واشتروا هديه حق ابوكم وبوسوا رااسه اهم شي رضا الوالدين ولاتحرون امكم وابووكم وماعليكم منها ترا تستانس اذا قطعتوهم ... استمروا في الزيااره الين ماتقول هذيل مامنهم رجا وتذلف هي ... وتقربوا من اخوانكم وابوكم اكثر سولفوا معه اكثر .. واذا كانت موجوده روحوا واقعدوا عندهم لاتخلون لها مجاال وخلوكم قداامه انكم تحبونها ومن ورااه كرهوها باليووم اللي جتكم فيه ..سووا مثل ماتسوي ..

الله يكفيكم شرهاا

 

[suad37]

اهلي عندهم خدامه ريلي اللي ييابها لهم بس اهيه مالها شغل في الطباخ واشدعوه مرت اخوي تسوي شي يوم تسوي وعشرة لا بس اخذي منها لسان الذرب وتسفط الحجي حق ابوي اللي اصلا ما يبينا ولقالها فرصة يتخلص منا

 

[suad37]

مون 22 انا سويت نفس اللي قلت عليه ودست على كرامتي بس لما ما اكون موجودة تقول عني اشياء ما قلتها وادق على اخوي اقوله تجذب يقولي لا يمكن كانت اتغشمر

 

[ورده بنفسجيه]

اختي الله يعينكم شوفي حبوبه انا شفتلج شغله والله ان كانو ناس قاليلي عنها وسووها وما شاء الله شافوا العافيه ببتهم

وهذا الطريقه من موقع الشيخ عبدالله الخليفه عندكم بالسعوديه جزاه الله خير سويها وان شاء الله تنفع



مجموعة استفسارات نافعة في تطبيق رش الماء والملح
في أي الحالات يرش البيت بالماء والملح ؟
أفادت هذه الطريقة كثيراً ممن عانى من السحر المنثور أو السحر المدفون إن كان دفنه عند أعتاب البيت
وهي نافعة أيضاً في طرد الشياطين من البيت إن سكنته
وقد يضعف تحصين الإنسان حال نومه وفي يقضته أيضاً فتكون هذه الطريقة
جابرةً للضعف والخلل الحاصل
فالماء المقروء عليه والملح يضيق على الشياطين ويعيق عملهم




ما هي كمية الملح التي نضعها في الماء ؟
يُضاف لكل لتر من الماء نصف كأس من الملح
مع ضرورة القراءة على الماء





ماهي الطريقة الصحيحة لرش الماء والملح ؟
يحضر سطلا ويوضع به الماء المقروء عليه والملح ويخلط حتى يذاب الملح ثم يؤخذ كأسا أو ما يمكن أن يحل محله ويغرف من هذا الماء ويصب به في الغرف والمداخل وعلى الأعتاب وغيرها
و الصب أبلغ من الرش لضمان عدم وجود أي فراغات به
ولا نقصد الصب الكثير الذي يكون بطريقة غير مرغوب بها
بل يكون صب يسير
وكلما كان الصب متصل كلما كان التحصين أفضل وأقوى
ومثل ذلك كمن يبني له سور خالي من الفجوات مغلق من جميع الجهات
ليتقي به عدواً يتربص به




ما مقدار الإرتفاع الذي يصب على الجدران والزوايا ؟
الصب يكون في الأسفل على الأرضية وليس أعلى الجدران والزوايا
أما الأعلى فيكفي إنتشار رائحة البخور وعطر المسك بها







ماذا أفعل في حال وجود الأثاث والموكيت في المكان الذي أريد تطبيق الخطة عليه ؟
بهذه الحالة يصب الماء بجانب قطعة الأثاث هذه ولاداعي لإبعادها أو تحريكها من
أماكنها بل يكمل صبه من جانبها
إلى أن يصل لنقطة البداية ويقفل الحلقة التي بدأها
ولا بأس بعمل حلقة أخرى حول السرير
ككمال في التحصين



كم مرة تطبق هذه الخطة ؟
تجدد بشكل دوري كأن يكون مثلاً أسبوعي أو شهري
حسب حاجة البيت أو المريض لها
ويفضل عـــدم تجزءة تطبيقها على البيت كأن تطبق اليوم غرفة
وغداًَ غرفة وبعد الغد مدخل




في أي الأماكن يكون صب الماء والملح ؟
تطبق في مداخل ومخارج المنزل الداخلية والخارجية في الدور الأول والثاني و مداخل دورات المياة – من الجهة الخارجية-
والغرف والمطابخ والمجالس والبوابات وباب السيارة وأيضاً المداخل التي بدون أبواب وأسياب المنزل الخارجية.




وما الفائده من هذه الطريقة؟
هي حماية وتحصين للإنسان ضد الشياطين
لكونها تحتوي على الماء المقروء عليه آيات القرآن
ووجود الملح كذلك
وقد تلاحظ بعض المرضى الروحانيين
لا يحب دخول البحر أو السباحة فيه
بينما لا يمانع بالسباحة في المسابح أو المياة العذبة



هل يشترط أن أستخدم الملح البحري
الخشن ؟
لا لا يشترط ذلك
أي نوع سيؤدي الغرض بإذن لله

,,,,,,,,,,,,,,,,,,,,,,,,,,

أســــــــــأل الله لكم النفع بها
وإنتظروا شرح الطريقة بالصور
وفقنا الله وإياكم
لكل خير

 

[ام الدرر]

ياقلبي لا تقاطعين ابوج اوصليه ومالج الا الصبر
بيجي اليوم اللي الله بيكشفها
طبقي كلام الاخت وردة بنفسجية
وادعي دايما ((اللهم اني مغلوب فانتصر))((ربي اكفنيهم بما شئت))
عسى ربي يفرج كربتكم ويرد كيدها بنحرها

 

[suad37]

مشكورين عسى الله يفرج هم كل مسلم وكل مظلوم

 

[أم فتوته]

رد : ابي حل للكارثة

وآي يمه سآلفتج تعور القلب
حسبي الله عليها
حبيبتي كثري من الدعآء إنتو مظلومين ودعوه المظلوم مستجآبه

أم فتوته

 

[&& دعاء &&]

رد : ابي حل للكارثة

والله يا اختي سالفتج معقده
والحل الامثل توصلين امج واختج فقط
وابوج خلووووه بروحه
يدور ع اللي يبره
ساعتها ما راح يلقاكم حواليه ويحس بالوحشه والوحده
والله يعينكم ,,,,

 

[miss-chocolate]

مادري من كلامج احس ان

مرت اخوج ساحره اخوج وابوج

يعني ممكن المره تأثر على زوجها بس عمها !!! ما اعتقد

الله يعينج انشالله انتي وخواتج ويشفي امج الغاليه