ابي حل غير الطلاق ساعدوني

[&&ماريا&&]

السلام عليكم صراحه ماادري من وين ابتدي بس صج صج انا تعبانه حيل حيل والله العظيم بس ابجي وشيب راسي من كثر المشاكل وقلت الاحترام الله يسلمچ كنت بيت اهلي اميره واكثر والا شي اسوي والحمدلله ابوي مومقصر معاي اي شي ابي يجيبه لي وكل شهر يعطيني معاش على رغم تمشيلي اعانه بس قال ماتصرفينها ولا مقصر معاي بشي جابلي سياره جديده اول مادخلت الكليه وعلى الرغم انه ابوي كل شي يجبه لي بس شديد مايرضه ولا يداني اتكحل والله صرت 21ولا اعرف اكحل عيني ولا يخليني اطلع بروحي اي مكان ابي اروح معاه او مع امي ماعنده بنت تطلع بروحها المهم قبل لا اتخرج جا خطبني واحد مو من اهلي انا استانست كاي بنت ودها تلبس النفنوف الابيض والله كل يوم بطلع وافقت امه وخواته يجون كاشخين حيل اوفر واهم طول حيل طولهم 175 يعني مو طبيعي الطول وانا162 وكل ماتجي تجيب اغل الحلى واسلوبها حيل راقي واستانست انها جذي وقمت احلم واهم من نفسهم قالو لي شقه عشان تاخذ راحتها استغربت قلت جت منهم ماحددو العرس اله بعد سنه ونص تعبت وكنت توني متخرجه واشرطو مانبي اله مدرسه وجتني داخليه ورفضت قلت كاابي مشاكل كنت بس ملجه وكثرت زيارات خالتي وجت تقول خذا عن زوجي خذا شهرين اجازه استانست قلت لاهدرجه مستانس اكيد بسافر يوم تزوجت اول يوم لي مفروض الريوق مطعم بس ماطلب قلت تبي اسوي لنا ريوق قال لا طبعا امه كل شي حاطه ماله داعي مطاعم بصل وثوم وبهارات وانا عروس تقول ماله داعي الخساير جت امي وخالتي العصر واحنا بطنا فاضيه جابو فطاير وشاي اول ماطلعوا قعد ياكل الفطاير وامه عطته صباحيتي وبوك رجلي الي المفروض يكون معاه لا اهي جايبته من ثاني يوم توقعدت نطلع نتعشى لكن ماطلعنا اسبوع امي قامت طرش لي غدا والعشى انا اسوي. والي زاد الطين بله انه ماعنده سياره بعد اسبوع دق على امه يبي السياره جابتله السياره يعني بيطلعني وداني عند امه طبعا قعدو يتطنزون ويختارون اي مطعم ان روح انا ساكته ماتكلمت وين وداني على البحر نتمشى رجليه وطلبلي مشكل ماقلت اي شي مت قهر عروس وداني احدق معاه ويطلع مايرد اله وجه الصبح ويسلوف عن شنو عن ديونه وانه عليه منع سفر صدمت حياتي قلت ماعليه ابي العيشه الماده موكل شي بس عشت محرومه من كل شي معاشه بس300 و250حق الاجار يعني معانه بس50واول شهر بدل الايجار وسحبت السياره منه واحنا تونا ماصار شهر عيب والله ماتكلمت رحت وجبت سيارتي صار يستخدم سيارتي امه مصريه واهي ثانيه وبيت امه اجار بعد وحالتهم حاله البنت ترفع صوتها عادي قدامي تهاوشوا حماتي مع حماي حماتي طقت حماي قمت ارجف وابچي من الخوف انا اخوي ماارد عليه مع الايام عرفت انهم ناس بيئه حيل صراخ محد يحترم ثاني ويطقون بعض قدامي عادي وصدمه الكبرى انه خالتي تشيش كاسرعيالها حيل اذا الواحد قل ادبه تطرده عادي ماخذه معشاتهم غير هاذه حماي يجيب بنات لي البيت بدوانيه عادي عندها تقول قلبه ابيض شيسوي البنات يحبونه ماادري شنو يحبون في تكلم كانه المساله عاديه بدل لاتفشل عادي كل شباب جذي تعبت غير العزايم ومواجيبه الي ماتخلص وتشيحط فيني ماخذين بنت فلان ابوي غني وكل ماتشوفني ناقصنه وناقصنه بس بصوره غير مباشره يعني ماعندي منين اجيب انا ارمله ويتيمه وتجوزلي الصدقه طراره اشكره غير قلت الاحترام تقل ادبها معاي بس والله اني اسكت ولا كاني اسمعها بس تهبت من ذل والاهانه وشوف الغلط حمواتي كل وحده عندها تلفون من غير لايدرون اخوانهم يعني الام تربي لا انا خالتي تدري عنهم وعادي ليش لانه اهي عندها بعد من وره عيالها غير 3تلفونات عندها واحد محد يدري في وتلبس بنطرون وتمكيچ وتطلع لرجلي شرايك فيني حلوه اهو مايرد عليها يعني مره كبيره والله عيب بس والله تعبت مااقدر اكمل

 

[سديم الكون]

والله عايله غريبه وباين اكو فروقات كبيره بينج وبينهم


بس صج والله ضحكتني العجوز تلبس بنطرون وتقول شرايك فيني هههههههههه والله وهذي اللي جنت اخر عمرها


والله انا اقول خليج بحالج ولا تحتكين وياهم حيل خلي علاقتج رسميه


انا نفسج اول ما تزوجت انصدمت حيل من شغله وقعدت ارجف ع قولتج ان خالتي ام زوجي تكفخ الخدماه طراقات جدامي واحنا ابيت اهلي الخدامه نحترمها حيييييييييييل ونراعي شعورها ونرحمها ونعدها وحده من اهل البيت اما هناك الاحترام متكنسل والخدامات ينطقون وينهانون جدامي ومرات ابجي اقول حرام عليها والرسول نهى عن الضرب بالوجه اصلا عمره ما ضرب خادم واهي معطتها طراقات مع وجها


عموما خليج بحالج وماعليج منهم صج يضيق خلقج بس شتسوين ناس اقصد عايله ماتقدرين تغيرينهم مالج الا تدعين لهم بالهدايه



!!!

 

[وردة-الكويت]

الله يعينج على هلعايله انتي لاتحتكين فيهم ابد وقللي زياراتج لهم حاولي تخلينها بس بلشهر مره بس

 

[وردة-الكويت]

اي وعلى سالفه سياره لاتعودين زوجج يستعمل سيارتج عيب قبل لايتزوجج شلون كان يروح ويرد شلون كان يداوم

انتي منتي ملزومه لاتصيرين ظعيفه وتسلمين له الخيط والمخيط

 

[عبير العنزي]

حياتي انتي شكو بخواته وخوانه وامه لو يمشون مفصخين بالشارع

هذا شي يخصم واهم احرار..انتي مو مسؤوله عنهم

انتي عليج بنفسج وزوجج وعيالج ان شاء الله بالمستقبل وبس وانتي مسؤوله عن اخلاقج وبس

ااما خواته وخوانه وامه اهما احرار يسوون اللي يسوونه دام عاجبهم هالشي

وانتي اكيد تعرفين وضع زوجج المادي قبل لاتتزوجينه

طبعا اهو مسؤول عنج وعن مصروفج وهذا حق مااينسكت عنه

حتى لو تخلين اهلج يكلمونه..

لكن انج تحملينه فوق طاقته وانتي عارفه راتبه مايكفي.. هالشي ممكن يسبب لج مشاكل بحياتج

والفلوس مو كل شي بالدنيا اهم شي القناعه واذا تبين تحافظين على زواجج انتي مجبوره تقدمين تنازلات

وترا ياقلبي كلنا كنا عايشين اميرات عند اهلناا ولمن تزوجنااا شفنا الفرق واضح

مستحيل تلاقين مثل بيـــت أبوج .. الزواج يختلف : (

وبالتوفيق ياقلبي والله يسخر لج زوجج ويبعد عنكم كل المشاكل

 

[الكحيله ساره]

حبيبتي لاتضيعين عمرج مع واحد مايستاهلج ما اقولج تطلقي بس لازم تعرفين أنت شنو تبين خلي أبوج دامه حي يكلمه اقلها
يتحمل المسؤوليه ومايكون ضعيف قدام امه واذا اهي نسره لازم يتصرفمسوؤلية ليش سموه رجال اجل علشان يتحمل المره وعطوه مهله خل يفكر وانتي ادعي ربج يسخر زوجج لج صدقين المره مالها الا رجلها ودايمن ذكريه انه في رجال واجد امهاتهم يخذون معاشاتهم بس اهو يفكر بشغل بعد الدوام ويوفر ولابد في طريقه يتعامل فيها مع امه صدقيني اهو مسكين يمكن شخصيته ضعيفه ولا يبي يبر امه وموعارف انتي حاولي معاه وخلي علاقتج معاهم رسميه ومواجيب ربج عطيهم ايها ولاتخلينه يستخدم سيارتج راح يتعود وما يحس بالمسؤوليه لازم ابوج يكلمه بكل هدوء ويمدحه وبعدين ينصحه وانتي اخذي موقف بحياتج ترى هذي عشرة عمر مويوم ولا يومين في اشياء ماينصبر عليها مع الوقت واللله يعينج ويعين كل رجال امه مسيطره عليه

 

[هاناا]

خلي علاقتج فيهم رسميه مبنيه على الاحترام


و اكثري من الاستغفار

 

[Om_Ksha]

مافهمت السالفه داشه ابعض !!!

بس مالج شغل فيهم عليج من ريلج وبس ,, مافهمت شنو مشكلته انه يابلج صمون مشكل !! وانه على قده .. ماسئلتو عنه قبل الزواج ؟؟

 

[زوجة ضابط طيار]

اول شي اذا تبين النصيحه من قلب ومن صج ومن جد كبري كبري خطج لاني انحولت


ونص القصه خليت ولدي يقرااها وتعالي شوفي البدليات اضغطي انتر يبااعدلج بين

الاسطر واختااري حجم الخط خمسه او اكثر بس هذي نصيحتي وشكرا

 

[الوردة الرقيقه]

ماأقوووووووووووول ألا شئ بشع


سبحان الله وبحمده سبحان الله العظيم

 

[* بنت المطر *]

ولد مصريه وتربت مره من وين تبينه يتسنع ! انا من قلتي مصريه غسلت ايدي المهم اشوه انج ساكنه بروحج

غريبه خلته يطلع انا اقول اذا زوجج زين وياج حاولي تبعدينه عن اهله وامه بالذات قد ماتقدرين مااقولج خليه يقطعها

لا بس خلي مسيارج سلام بس وتمشين او بالمناسبات مثل رمضان والعيد وحاولي تجذبينه صوبج وصوب اهلج خليه

يشوف بيئه ثانيه غير اهله ووالله يعينج

 

[[ نور عيني ]]

الله يعينج ياقلبي
ويخفف عنج
اكثري من الاستغفار
واقري سوره البقره
تفائلي ان الله سبحانه خاش لج شي زين بالمستقبل
واذا عن " منع السفر" مصيره يتكنسل بعد ما يسدد اللي عليه
انتي شدي حيلج توظفي عاوني زوجج ..
اذا انتي حابه زوجج بتحبين كل عيوبه وراح تتحملين كل شي
لا تأسين من رحمه الله .. رحمه الله واسعه كل شي​

 

[حالة حنان]

اول شي اتكلي على الله اذا تبين تعيشين عليج بالمكتبه
روحي حق المكتبات راح اتلاقين كتب حلوه وربي راح اتساعدج انا امجربه شريت كتب اشلون اتخلين ريلج يحبج وشلون اتخلين اهله يحبونج شريت كتاب حلو الحد الحين انا احفظ منه والكل يمدح فيني يقول ما شاء الله هذا الكتاب يعلمج اول ماتدخلين على الشخص اللي تحبينهم شنو تقولين واذا امدحوج واذا ذموج شنو تقولين وشريت كتاب صغير احاديث حلوه اول ماتدخلين المجلس شنو تقولين ووووو واسرار
المراه وكل ما اروح ودي اشتري المكتبه كلها امس شريت كتاب اسمه لصفاء العشره لك ولزوجك وايد حلو جربيه حتى ريلي لما سلم على شخص سمعته يسلم مثل كلامي حتى الريال استانس على كلامه اقول ابقلبي بدينا انقلد ههههه وربي تستفيدين

 

[رواضي قطر]

الله يعينك يبين في فروقاات بينكم وبينهم بس شتسووين بعد خلك رسميه

 

[الندى الجريح]

الله يعينك اسمحيلي هذي عائله منحطه لدرجة تخلي ولدها يجيب بنات بالديوانيه

انا اخاف تتأثرين نفسيا ولاتنسين العرق دساس حتى اعيالك بيتأثرون

واذ انتي ماتبين الطلاق اصبري واكثري من الأستغفار وكلمي ابوج يشوف حل جذري لمعاناتك

والله يسمح دربك

 

[أماني عمري]

أول شي أقول لج الله يفرج همج و ثاني شي ما كنتي تعرفين شي عن حالته المادية قبل الزواج؟ الرسول عليه الصلاة و السلام قال من استطاع منكم الباءة فليتزوج و إن لم يستطع فعليه بالصوم فإنه له وجاء، إذا من الأول زوجج مو قد الزواج مادية هني تدخلين أبوج الله يخليه و يطول بعمره يتفاهم معاه و يشوف حل، حمولتج خلج رسمية معاهم حيييييييل يعني بعدي عن الشر و غني له، وايد أمهات نسر يتحكون بعيالهم و يتليعنون و موجودين بكل مكان مو شرط تكون مصرية، كثري حوقلة و استغفار و عليج بالدعاء

في دعاء وايد حلو رب أصلح حالي و شأني كله لما تحبه و ترضاه لا تتركينه و سالفة حماج اللي يدخل بنات مادري شقول لج، شوفي الوالد و الله يفرج كربج

 

[دلوعة أبوهآ]

الله يعينك ويصبرك عليه ..

 

[الكروان]

مرحبا حياتي بصراحة موضوعك ضيق خلقي حيل ,, ومن رايي العايله التعبانه وخري عنها يعني الطمامه الخايسه تخيس باقي الطمام فالتربيه ضايعه بهالبيت وترا بالمستقبل عيالج راح يشيلون اسمهم مو اسمج وهذه سمعه وتربيه وحتى لو انتي حاولتي انج تربينهم احسن تربيه صدقيني لا بد ان العرق دساس ولازم تختلطين فيهم من رايي قطعي الحبل من عرجه من الحين وايد احسن لج قبل لا تحملين وتزيد المشاكل ومو حلوه تردين بيت اهلج ومعاج عيال وصدقيني وعن تجربة شخصيه ووايد متحسفه وانا قصتي تقريبا نفسج فلا تستمريم بهالزيجه اللي من بدايتها مشاكل والمصيبه حتى زوجج وضعه تعيس ماديا ما انصحج فيه هذا اشلون يبي يعيشج وعليه ديون اختي والله نصيحتي انتي في بيت اهلج معززه مكرمه ومثل الاميره على قولتج ردي مثل ما كنتي وايد احسن لج وسوي استخاره احسن والله يوفقج حياتي

 

[الكروان]

وعلى طاري انج كاتبه " ابي حل غير الطلاق " شنو تتوقعين الحل اهله يتصلحون ؟ تقدرين تصلحين امه بالاول اذا الام اللي تطلع اجيال وراها مو سنعه اشلون تبين عيالها يطلعون وشنو تبين حل ثاني ريلج وضعه المادي تعيس حيل وما يعيشج وراح يستغلج مع مرور الوقت فكري عدل حياتي ولا تتوقعين انج اول بنت تطلق ولا تقولين بصبر عليه غيرج صبر وما نفع معاهم اللي طالع من بيت مافي تربية توقعي منه كل شي يسوي .. تحياتي

 

[وردة الحياة]

انا اتفق مع الاخت عبير العنزي


اختي...صبري وحاولي تغيرينه وتصيرين جيده....
اهو مديون..تلقينه متدين حق امه...حاولي توقفين معاه وتصبرين.. ولا تشتكين الا لربج.. وباجر ربي بيفرجها
وحاولي قد ماتقدرين توخرين عن اهله... عشان ماتنصدمين اكثر.. وديري بالج تعايرينه..او تقولين حتى لخواتج فضايح حمواتج وخالتج..باجر لا اكبرو بناتج خواتج ماراح ياخذون بناتج بيقولون بيطلعون على عماتهم..شفيج الدنيا تتغير

ولا تحتكين بحمواتج..ومالج شغل بتلفوناتهم وخرلبيطهم حاولي تتجنبينهم
والله يستر عليهم..احتسبي الاجر وحاولي تسنعين وترزين ريلج
ماتعرفين المقوله (( وراء كل رجل عظيم امرأه))
اوقفي وراه وشجعيه وعيشي من معاشج اذا فكرتي عدل بتكونين انتي الربحانه انشاءلله

والله يوفقج واهم شي الريال مايكون سكير ولا ييب بنات عندج البيت ولا حرامي ...وبخله مؤقت لان عنده ديون
والله يوفقج يارب