ابي حل ساعدوني

[دانة الخير]

السلام. مشكلتي بنات مع بنتي باولى ابتدائي مشالله عليها ذكائها فوق مستوى سنها وماشيه معاي بالبيت من احسن مايكون المشكله ماتشارك نهائي في المدرسه حاولت بكل الطرق بالثواب بالعقاب بس ماكو فايده واللي قهرني زياده بالقرآن حافظه المنهج كله وعندهم تسميع ماسمعت حاولت اعرف مشكلتها ما فيه شي واضح مره تقول استحي ومره تقول اخاف البنات يضحكون علي لدرجة انها اذا تبي تروح الحمام عزكم الله تقول حق الابله بإذنها لا تقولون تو الناس عليها بنات البنت ذكيه ما ابيها تظلم نفسها والله بنات الموضوع هذا سببلي نفسيه ماادري شنو الحل الله يخليكم اللي عندها تقولي والسلام افضل ختام*

 

[دانة الخير]

معقوله ماكو ولا وحده تساعدني

 

[يازمان العجايب]

حبوبه طولي بالج بنتج يبيلها ثقه بنفسها شجعيها قوليها اذا جاوبتي ايبلج هدية
عطيها كاكاو اتوزعه عالصف خليج باتصال مع مدرساتها

 

[عشق]

رد : ابي حل ساعدوني

خليها تشترك في نادي تبرز مواهبها
خليها تطلع مع خواتج او عماتها وخلي معاها فلوس تشتري اللي تبيه
لما تروحين معاها مكان قولي لها تطلب الشي بنفسها اهي تتكلم سواء مطعم او وديها المكتبه وقولي لها تسال المسئول عن مكان جلاد او اقلام او اي شي

 

[دانة الخير]

مشكورين حبايبي على الرد بنتي جريئه مع اللي اكبر منها بس اللي في سنها لا نفس طريقتها لما كانت بالروضه سويت لها حفلة عيد ميلادها بالروضه وتشجعت اسبوع يمكن بعدين ردت مثل ماكانت مو عارفه شنو الحل معاها الحين ناويه اكلم الاخصائيه يمكن يكون عندها حل.

 

[دانة الخير]

رد: رد : ابي حل ساعدوني

خليها تشترك في نادي تبرز مواهبها
خليها تطلع مع خواتج او عماتها وخلي معاها فلوس تشتري اللي تبيه
لما تروحين معاها مكان قولي لها تطلب الشي بنفسها اهي تتكلم سواء مطعم او وديها المكتبه وقولي لها تسال المسئول عن مكان جلاد او اقلام او اي شي

حبيبتي كل اللي قلتيه سويته اهي جرئتها على اللي اكبر منها بس مشكلتها مع اللي في سنها

 

[فديت منورة]

قولي لمدرساتها واهم بيغيرونها

 

[كويتية منسية]

الله يعينج صبري عليها اشوي وبلغي مدرساتها

 

[أم عبووووود]

وعليكم السلام والرحمة

حبيبتي طولي بالج عليها وروحي المدرسة وكلمي مدرساتها وخلهم يتعاونون معاج وابلة القران خل تقرب عندها او تاخذها يمها وتسمع لها وان شالله هي بس مسالة وقت وراح تتعجل بنتج بس الحين مستحية وكل شي يديد عليها

ربي يوفق عيالي وعيالكم