ابي حل حق بنتي

[D.Z.7BOBA]

يا معلمات حبايبي
بنتي مو راضيه تدرس حق امتحاناتها الفترة هالاسبوع بنتي بخامس و الابلات مشتكين عليها و قايلين لى ان مستواها نازل
و ان لازم ادير بالى و اهيا لامبلاة اقعد ساعات بس على جم تعريف تحفظهم بعدين تقولى دخت بنام
ما ادري شسوى ابي حل عفيه اللى تقدر تساعدنى تقولى شلون اتعامل معاها مع العلم ان يوم اشتكو الابلات ما قمت اعطيها ويه و لا اكلمها و اسولف معاها وما اخليها تقعد عندى و اطلعها مثل قبل يعنى وااايد تغيرت معاها علشان تحس بالفرق
بليز اللى تقدر تنصحنى شسوى تقولى :eh_s(16): ببجي من القهر ما استانسنا بهالعطله علشانها احس ان فيها شي او بقلبها شي بس مو راضيه تقولي شنو مادري شنو اهوا ؟

 

[سـعـاد]

شوفي حبيبتي اغلب اللي اعرفهم بناتهم وعيالهم خامس ورابع .. نفس حالتج بالضبط

مو حاسين بالمسئولية كلش .. ومو عارفين الضرر إن ما درسوا ..

الحل :

يكون وقت التدريس الصبح .. لانها توها قاعدة .. لا تصيرين لينة حيل وياها .. تدرس يعني تدرس .. امنعي عنها التلفزيون والالعاب الالكترونية والطلعات مثل الجمعية وغيره ..

وفي ي انتوا مو منتبهين له .. أن نوعية الاكل تأثر على استيعابهم .. يعني خذي لج فرة في قوقل وبتعرفين شنواقصد .. يعني امنعي عنها البطاط والكاكاو والبيبسي .. وكثري الخضار والفاكهة

وهذا كله صوب .. وشخصية بنتج صوب يعني انتي تعرفينها اكثر

والله يصلحها لج .. وتشوفينها متفوقة ان شاء الله

 

[D.Z.7BOBA]

ياااارب ان شاءالله مشكورة حبيبتى

 

[Om/FhoOod]

رد : ابي حل حق بنتي

عسي الله يهديها لج وينور بصيرتها ويسهل اختباراتها

 

[ابي قطوة]

رد : ابي حل حق بنتي

الله يهديها

 

[D.Z.7BOBA]

تسلمون حبايبي

 

[gogona]

حبيبتي لا تحاتين انا ادرس هالمرحله واتفهم نفسياتهم ترى عادي طبيعي الي بنتج فتره وتعدي وان شالله مافيها الا العافيه وترى خامس ماينخاف عليهم ويحسون بالمسؤليه وان ابدولج عكس ذلك انتي بالعكس حاولي تتقربين منها وعامليها على انها كبيره وكثري من المدح ترى خامس يموتون على المدح وكثري من كلمة حبيبتي ترى اتحسسها بالقرب اكثر وحاولي تتبهين معاها اسلوب المكافئة والتعزيز يعني لي يبتي هالعلامه بسويلج كذا واذا طلعتي الاولى عالصف بعطيج هالمبلغ لفلاني او اي شي تحبه وربي ييسر لج امرج ويهديها وتطلع من الاوااااائل

 

[D.Z.7BOBA]

حبيبتي لا تحاتين انا ادرس هالمرحله واتفهم نفسياتهم ترى عادي طبيعي الي بنتج فتره وتعدي وان شالله مافيها الا العافيه وترى خامس ماينخاف عليهم ويحسون بالمسؤليه وان ابدولج عكس ذلك انتي بالعكس حاولي تتقربين منها وعامليها على انها كبيره وكثري من المدح ترى خامس يموتون على المدح وكثري من كلمة حبيبتي ترى اتحسسها بالقرب اكثر وحاولي تتبهين معاها اسلوب المكافئة والتعزيز يعني لي يبتي هالعلامه بسويلج كذا واذا طلعتي الاولى عالصف بعطيج هالمبلغ لفلاني او اي شي تحبه وربي ييسر لج امرج ويهديها وتطلع من الاوااااائل

مشكورة حبيبتى و هذا اللى بسويه ان شاءالله

 

[عطورات المطيري]

رد : ابي حل حق بنتي

الله يهديهاا

 

[عاالية]

لله يصلحها ويهديها
مايصير صكه عليها مره وحدة عوديها كل يوم تدرس
اول شي ساعة اليم الثاني ساعة وربع وتدرجي لين تتعود

 

[In pinK]

رد : ابي حل حق بنتي

الله يهديها ن شاااء الله

شجعيها عطيها مغريات للدراسه اوعديها بهديه حلووه اذا درست وجابت درجات حلووه..

الله يوفقها ان شااء الله

 

[الفنانة لؤلؤة]

الله يهديها ويعينج حبيبتي