ابي حل حق بنتي عمرها شهرين وجننتني

[AL 3la]

مرحبا صبايا


عندي مشكلتين واتمنى تعطوني حل حق بنتي الي عمرها شهرين ونص
الاولى
ابي حل حق المغص اشوف بنتي تتعصر وتبجي اعطيها ماي غريب يهديها شوي بس يرد
ومرات اعطيها ينسون ودس فلاتي والبجي ما يصير الا بليل


الثانيه
بليل قاعده وبالنهار نايمه وحتى اذا نامت حدها ساعتين وتقوم يقولون ماراح يتعدل نومها الا لما يصير عمرها اربع شهور
وانا تعبت ابي انام مو قادره والله مرات يوم كامل ما انام الا جم ساعه واتفزز
ابي حل

 

[آهات الليل]

رد : ابي حل حق بنتي عمرها شهرين وجننتني

هلاااااااااااااا وغلااااااااااااااااااااااااا


بالغاليه والحمدالله على سلامتج قلبووووووووووووو
واي نورتي والله>>من بنات تجمع اكتوبر حياج فتحنا تجمع 2 سبتمبر واكتوبر
شربي بنتج يانسون وعطيها ماي وسكر نبات
ودهني بطنها بزيت زيتون وعقب مهديها وماي غريب شربيها وغاز بامبي

 

[جـــواهر]

هلا حبيبتي شلونج مبروك ماجبتي ..

المغص تلاقين بالحواج يانسون وحبه حلوه.مخلوطين .. تحطين ماي حار وتحطين قفشه وتخلينه لين ينقع وعطيها
راح يهدي بطنها ويطلع الغازات ... ع طول عطيها والله يهديها انا بنتي كانت ترتاح عليه


انا شسوي مع بنتي همن بالنفاس .. كنت الاعبها النهار كله الاعبها وما امهدها كللللش تلاقينها تعبااانه تبي النوم بس
ولاجا الليل سبحتها ومهدتها وتنااااااام ماتقوم الا ع رضعتها ..

وهذي طريقتي معاها

الحين بالشتا ماسبحها بليل .. بس عودتها النهار الاعبها وما امهدها حتي لو تبي تقيل ..
ولاجا الليل تروح بساااابع نومه لانها تعبااانه

 

[آهات الليل]

رد : ابي حل حق بنتي عمرها شهرين وجننتني

http://www.q8yat.net/showthread.php?t=701846
تفضلي رابط تجمعنا

 

[AL 3la]

هلا فيج اهاات والله اشتقتلكم حيل
ما عندي وقت كل اشبك الحين ادش تجمعكم
جواهر افتح مهادها والعبها بس ما كو فايده مرات تصدمني ما تنام كلش والله
تبي اشيلها واتمشى فيها

 

[آهات الليل]

رد : ابي حل حق بنتي عمرها شهرين وجننتني

ايه صج شوفي بليل عال10 سبحيها ونظفيها ومهديها بتنام والله

 

[سموره 87]

الله يحفظها
البنات كفو ووفوا

 

[Om NoOoRa]

عشان المغص
انا الدكتور علمني على طريقه من سويتها وانا مرتاحه

اذا بغيتي اتسوين الرضعه لبنتج حطي الماي وتالي الحليب بس لا تخضينه
هاتي قفشه وحركي الحليب مثل ماتحركين الشكر في الشاي
وتالي عطيها تشرب
واذا خلصت
حطي بطنها على عظمة كتفج ومسحي على ضهرها من تحت لين فوق ليييييييييين تتغر حيل
برتاح وانتي ترتاحين

قلت هالطريقه لبنات تجمع اكتوبر وكلهم شكروني وارتاحوا


واذا على النومه
قبل وقت نومتج انتي بساعه سبحيها بماي داااااااااااافي
ومو اول ماتخلصين تنظيف تشيلينها
لأ
خليها تحت الماي الدافي لييييين اتشوفينها خدرت تحت الماي ولعبي معاها واهي تحت الماي الدافي
ولبسيها ودفيها وغطي اذنها بكبوس وعلى طووووووووووول دخليها بفراشها لاتودينها الصاله او تخلين احد يلعب معاها
واحسن تخلينها قبل السباحه نص يوعانه عشان بعد الحمام تشرب رضعتها واهي خدرانه وتنام

وصدقي ماراح تقعد الا حق رضعتها


وبتدعيلي

 

[ZajiL]

ماشاء الله البنات كفوا ووفوا

بالنسبه لشراب المغص والغازات انا كنت استخدم لعيالي دوه اسمه
بونيسان من هيملايا وايد زين ويريحهم وينامون ومكوناته طبيعيه
عباره عن يانسون جربييه عندي احسن من ماي غريب

 

[عسل فى العسل]

بالنسبه للمغص انا دكتوره قالتلي عطي ولدج بعد كل رضعه ماي غريب

طبعا خواتي لما قلتلهم عصبوا وقالوا مو زين الماي غريب تعطينه الجاهل واجد عاد انا ولدي جنني جان اعطيه رضعه ايه ورضعه لأ

لاني اعتمدت على كلام رفيجتي تقول عادي انا اعطي عيالي بعد كل رضعه ماي غريب

بس احسن شي تعطينها ينسون وتنومينها طول الوقت على بطنها راح ترتاحين هذا كلام د محمد سعيد

والله يخليلج بنتج

 

[الباحثه]

حبيبتي بالنسبه لنوم مثل ما قالو لج البنات سبحيها ونظفيها بليييل وقت النوم ورضعيها ومهديها وبتنام بأذن الله نومه حلوه
وبالنسه للمفص تلاقين دوا بصيدليه اسمه قاااز ريحته نعناع واعشاب انتي بس قولي لصيدلي ابي دوا قاز راح يعطيج علبه صغيره عباره عن نقط تنقطين 10 نقط في حلجها مباشره او تخلطينه مع حليبها كيفج وايد مريح للياهل عقب ما تنام حياتي تعالي وسمعي الاصوات هههههههه بتحسين بفرق ان شاءالله