السلام عليكم حبيبتي مايجوز اصلا تقعدين معاه وتسولفين وتضحكين معاه
ماقلنا الحب حرام لا في حب عفيف اللي محله القلب اللي من غير مكالمات ومحادثة المحب
ومبين انج بسن المراهقه
حبيبتي ابيج ماتكلمينه ولا تقعدين معاه لاتقولين مثل اخته جان كلنا قعدنا مع عيال خالاتنا وعمانا
وقلنا احنا مثل خواتهم
هذا حرام لانه مو محرم
لاترخصين نفسسسج وتقعدين مع عيال خالاتج وخوالج وعمانج خلج غالية وملكة ماتكلمين احد ولاتخلين احد يكلمج لانج غالية
مايطولني احد الا بشرع الله سبحانه غيره لا انا غالية مااسمح لـ احد يكلمني ولا اسمح لنفسي ارخص بعمري و اقعد مع عيال خالي وخالتي
والله يسعد لي قلبج تقربي من الله واتركي هالسوالف مهي نافعتج بقبرج
كفّت و وفت ربي يسعدها ,,
لا فهمتي غلطط انا ما اقعد معااه الا اذا كنا كلنا مجتمعين
متجمعين و إلا بلحالكم ما فيه فرق يا قلبي أنتِ ,,
حرام تسولفين مع رجّال و تضحكين معه و تمزحين و تتمادين بالكلام لدرجة إن صار بينكم نقاش خاص عن الحب و ما الحب
و يا ترى سؤالك له ( إذا يحب أو لا ) هل تم و أنتم مجتمعين ؟ و إلا سألتيه بينك و بينه ( من دون إجتماع ) ؟ استفهام كبير هنـا ؟
أيًُّا تكن إجابتك فهذا والله الخضوع بالقول ( بعينه ) و هو من جملة القول المُشار إليه في الآية الكريمة :
{
فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ
وَقُلْنَ قَوْلاً مَعْرُوفاً }
ثم هل في سؤالك له عن الحب كان قولاً معروفًا أو يرضي رب العالمين ؟
بإعتقادك لو أخوك سمع منّك هالكلام بيرضى ؟ أكيد ماهوب يرضى ,, فمن باب أولى إنوهـ ما يرضي رب العالمين !!
أنتِ بنفسك قلتِ إنها إهانة للأخوك و هي إهانة لنفسك و كرامتك و دينك قبل تكون إهانة للأخوك ,,
معناهـ عارفة نوعية تصرفك أو الكيفية الكائنة عليه !
طيب الحل ,,
الحل لا تجلسين بأي مكان يكون هالرجّال موجود فيه ,, اعتبريه شيطان ,, فرّي منه فرار الطريدة من القنّاص
أي اجتماع أي جلسة أي طلعة يكون هو متواجد فيها لا تروحين و لا تجلسين و لا تشوفينه و لا يشوفك
تحاشيه و تصددي عنه بقدر الإمكان ,, و اسألي الله إنوهـ ينسّيك إياهـ
صدقيني حبيبة قلبي إذا ربي كاتبه زوج لك راح تتزوجينه من دون حب و علاقة هابطة و حكي فاضي ,,
اعذريني حبيبة قلبي و ما العلاقة الغرامية إلا الإنحطاط بعينه !
و آللي تتخذ الخدن ( آللي هو الخليل أو العشيق ) هذي تنتفي عنها صفة الحصان ,, و الحصان هي العفيفة
قال تعالى و هو أصدق القائلين :
{ مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ }
ترضين إنّ الناس تقول عنك إنك مانتيب عفيفة و السبب إنّك تكلمين واحد أو عاشقته ؟
نعم آللي تكلم ماهيب عفيفة ,, إذا هي عفيفة أجل حنـا يا هاللي ما نكلّم وش نطلع ؟ ملاك بشري ؟
يعني الواحد يكون صريح و صادق مع نفسه وشوله نجامل و نسمح للشيطان إنوهـ يعمي بصيرتنا و يزيّن لنا سوء عملنا ؟
أول شي معصية لرب العالمين ,, كيف نطلب توفيق الله في معصيته ؟ إنّ ما عند الله لا يُنال إلا بطاعته ,,
لو أنتِ تبين منّي شي و محتاجة ,, تتوقعين أعطيك حاجتك و أنتِ تبارزيني بالعصيان و تضايقيني ؟ طبعًا لا
و لله المثل الأعلى ..
هذا بالنسبة للشي الأول ,, الشي الثاني :
لو قلتِ له و بحتِ عن مشاعرك له ( راح تطيحين من عينه بالمرة ) و أقل هوشة بينه و بين أخوك يفضحك عندهـ و يعيّرهـ فيك !
ثالث شي : استخدمي سلاح الدعاااااااااااااااااااء ,, كان فيه خيرة لك راح يرزقك ربي إياهـ و إن كان فيه شر لك راح يصرفه ربي عنك
ما تعرفين مصلحتك أكثر من رب العالمين .. ^__^
و أنتِ واقعة في اختبار و ابتلاء من الله سبحان و تعالى ,, فشدّي حيلك و ابلي البلاء الحسن و بيضيها قدام رب العالمين ,,
و لا تكوني كمن يستجير من الرمضاء بالنّار .. عالجي خطأك بالصّواب ,, لا تعالجين بخطأ أشد فداحة منه ,,
بدال ما تسعين إلى إطفاء نيران الحب المؤججة حتى ما تقعين في أي محذور شرعي
تروحين تفكرين تزيدين الطين بله و تبوحين لمشاعرك للرجال ؟ هل هذا يُعقل ؟ أختي الحبيبة ماذا دهاك !!! لا يخدعنّكِ الشّيطان !!!
انتبهي تتسرعين و تسووين شي تندمين عليه طول عمرك ,,
ذكرتين بوحدة من البنات معنا في المنتدى ,, سووت نفس الحركة و جتها ردة فعل تقصم الظهر
ما أذكر وش قال لها قريبها بالضبط بس من ضمن كلامه :
استغفري ربك و نامي الحين و لا تصيرين ضعيفة قدام إبليس و أوعدك إني أستر عليك ..
<< وااااااااااااويلااااااااااااااااااااهـ والله يا هو رد ينسف قمّة جبل أفرست بكبرها :eh_s(2):
الله يهدي الكل و الجميع ,,
احترامي و تقديري
ترانيم القصيم
انسااه حاولت والله دايم ادعيي بس ماكو فايده 
