ابي حللللللللللللللللل

[بنت المامون]

السلام عليكم
انا سبق وان حطيت موضوع التعارف ع النت
مااعرف شفيني :eh_s(11):بس واحد يكلمني ويقولي كلام حلو ابدي افكر فيه ويمكن احبه
مع اني في الجامعة بس الفرق انو في الجامعة مااعطي مجال لااحد انو يتكلم معاي لان السمعة اهم شي عندي
لكني احس نفسي عاطفية زيادة عن اللزوم يعني بس احس انو هذا الشخص
يستلطفني شوي اكعد احبة ومااعرف ايش وافكر فيه لكني مسيطرة على نفسي
يعني ماابين عواطفي واحاسيسي حريصة جدا
لكني حبيته والله هذا الي تعرفت عليه بالنت ومن كالولي البنات بالمنتدى هذا كذاب ويبي يتسلى فيج عفته والله حتى ايميلي حذفته لكني بيني وبين نفسي احبه تحسون هذا الشي عادي انا عمري 19 سنة بس احس عاطفية زيادة عن اللزوم
واحس بالحنين له واقول وية نفسي شمصلحته يكذب علي
ذاك اليوم قلت لبنت خالتي شمصلحت الولد يكذب ع البنت مايمكن صج يتكلم وبعدين يخطبها
ضحكت وقالت لي انت على نياتج
وعندي مشكلة ثانية بالكلية مااعرف اكون صداقات مع البنات واحس الكل يضوج مني مع اني والله مو ماذية احد ولال الي شغل باحد حتى البنت الي امشي معاها اكتشفها بعدين تتكلم علي يم غير بنات ماادري ليش ميحبوني والله كرهت اروح الجامعة بس كاعدة لوحدي محد يتكلم معاي وحتى الي اكلمها دائما تتركني وتمشي احس نفسي تعبت ماعندي احد يسمعني غيركم والله كتبت الموضوع وانا ابكي احس انا الوحيدة في الدنيا الي ماعندي صديقات
ياريت لو هالسنة الكا صديقة تتكلم معاي وتمشي معاي لان تعبت من الوحدة
اتمنى تجاوبوني وتحسون فيني وبمعاناتي
اختكم

 

[عظيمة الشان]

هلا حبيبتي بنت المامون

اولا سالفه الشاب بصراحه شباب هالايام متمنهم امان

طبعا مو الكل بس صار الواحد عادي يكل 3 بنفس الوقت

وكل ذي عشان يثبت لربعه انه دنجوان او لنفسه

وبالنهايه ماراح ياخذج يعني لاتعذبين قلبج

وتكسرين قلبج حبي واحد واثقه انه بياخذج 100%

عشان يكون لج ولاتضيعيين وقتج ولا عمرج

وسالفه رفيجاتج ماعليج منهم يتكلمون من ورا ظهرج واجهيهم

وقفيهم عند حدهم بيني لهم انج قويه مو ضعيفه وانهم مايفرقون عندج

معاهم انتي او مو معاهم نفس الشي لان الي يبيعج بتراب بيعيه برخيص حبيبتي

ودوري ترى في بنات وايد عدلين بس انتي تختارين غلط حبيبتي

وخلج واثقه من نفسج اكثر احسج تتبعيج قلبج وبس لا

لازم توازنين بين قلبج وعقلج عشان امورج كلها تمشي بخير وسلام

عرفتي حبيتبي

والحساسيه والحنيه الي فيج هذي شخصيتج جي حبيبتي وهذا شي طيب

بس عرفي صح لمنو تحتين وعلى منو عرفتي

على انج اختج رفيجاتج اخوانج بس شباب خلهم عنج

اهتمي بدراستج احسن اهي الي بتنفعج وحزتها تاخذين سيد سيدو

هههههههههههههههههههههههه

اوكي حبيبتي الله يوفقج

تحياتي​

 

[مودي كويتي]

العاطفه مالها علاقه بالعمر كل البنات يحبون يسمعون حجي حلو وهيجي طيب انتي وش تستفيدين لما تسمعين جلستي مره مع نفسك وفكرتي احس ماكو فايده شوفي عزيزتي اذا من خلال نت وانتي متاكده انك بتحافظين على روحك كملي بالنت وانتي بنفسك راح تملين كلش وبخصوص الصداقات يمكن لانك تكوني رسميه مع البنات خلك طبيعيه والله يوفقك

 

[أعشقه]

بعض البنات مايحبون البنت الي تكون نكديه او سوافها عاديه
يعني يمكن لانك في حالك ماعندك سوالف مثلهم ..
ماعليك منهم اهم شي خليك واثقه من نفسك .. ومع الوقت بيكون عندك رفيجات
بس حاولي تتكلمين وتسولفين باسلوب .. وسوي الي تحسين انك راضيه فيه .. والي بيكلمك يكلمك والي مايبي براحته
اهم شي دروسك ..
وبالنسبه لتعارف بالنت ماانصحك لان الاغلبيه ياخذ الموضوع بتسليه ..
وحتى لو حبتيه ووعدك بالزوج الاكثر مايوفي بوعده .. والي يتزوج مايطول نهايتها طلاق
مالك بها التعب والعذاب ..
ربي يستر عليك ويسهل امورك

 

[شاي ونعناع]

وي انتي مبين عليج وايد عاطفيه وحايشج نقص بالجو الاسري شوفي اختي كل انسان فيه عاطفه خصوصا احناالجنس الناعم مانقدر نتحكم فيها عاطفتنا تسيطر علينا لكن في منهم يقدرون يسيطرون عليها بس بصعوبه انتي عاطفتج تخليج تصدقين اي كلام عاطفي رومانسي ينقال وهذا اكبر غلط لازم تفكرين بعقلانيه وتحترسين وشباب هالايام مايإمن عليهم صدقيني كله لعب وخرابيط وتسليه وتضيعة وقت واكبر خساره شايفه البلااوي اللي نسمعها هلايام عن الشباب خلي عاطفتج حق زوجج وعيالج مو حق واحد مايستاهل يلعب فيها مالقيتي عاد الا من النت اااااااااااحذرج ديري بالج انصحج تري بنات عوااااايل ورياييل هدمو بيوتهم والسبه المعرفه عن طريق النت و بخصوص موضوعج الثاني ليش محبطه من عمرج وكاسره من شخصيتج خليج واثقه من نفسج وشخصيتج اقوي عليهم ماتتجرا وحده تفج حلجها او تحجه بكلمه عليج ليش شناقصج ??? ليش مايكونون اهم فيهم عيب اقول تركيهم عنج اكيد انتي فيج اطباع حلوه ويتمني كل احد يرافقج بس انتي ماتشوفينها غيرج يشوفها و خليج معتزه واثقه من نفسج ونتي مومحتاجه حق صداقتهم (((((( إذا نطق السفيه فلا تجب))))((( خلي يولون خليج اقوي من جذي لاتصيرين ضعيفه جدام احد وبعدين محد كامل الكامل الله سبحان وتعالي راح تشوفينهم والله يتقربون صوبج بس لاتهتمين لهم ابدا وشيليهم من بالج وركزي علي دروسج ومستقبلج وحياتج الخاصه مراح ينفعونج لي طحتي وموفقه يارب *

 

[بنت المامون]

هلا حبيبتي بنت المامون​

اولا سالفه الشاب بصراحه شباب هالايام متمنهم امان​

طبعا مو الكل بس صار الواحد عادي يكل 3 بنفس الوقت​

وكل ذي عشان يثبت لربعه انه دنجوان او لنفسه​

وبالنهايه ماراح ياخذج يعني لاتعذبين قلبج​

وتكسرين قلبج حبي واحد واثقه انه بياخذج 100%​

عشان يكون لج ولاتضيعيين وقتج ولا عمرج​

وسالفه رفيجاتج ماعليج منهم يتكلمون من ورا ظهرج واجهيهم​

وقفيهم عند حدهم بيني لهم انج قويه مو ضعيفه وانهم مايفرقون عندج​

معاهم انتي او مو معاهم نفس الشي لان الي يبيعج بتراب بيعيه برخيص حبيبتي​

ودوري ترى في بنات وايد عدلين بس انتي تختارين غلط حبيبتي​

وخلج واثقه من نفسج اكثر احسج تتبعيج قلبج وبس لا​

لازم توازنين بين قلبج وعقلج عشان امورج كلها تمشي بخير وسلام​

عرفتي حبيتبي​

والحساسيه والحنيه الي فيج هذي شخصيتج جي حبيبتي وهذا شي طيب​

بس عرفي صح لمنو تحتين وعلى منو عرفتي​

على انج اختج رفيجاتج اخوانج بس شباب خلهم عنج​

اهتمي بدراستج احسن اهي الي بتنفعج وحزتها تاخذين سيد سيدو​

هههههههههههههههههههههههه​

اوكي حبيبتي الله يوفقج​

تحياتي​

انزين في صديقة لي بالايميل اهي معي بالجامعة اذا ادخل هي تطلع واذا اطلع اهي تدخل قبل شوي دخلت وهي طلعت انقهرت وحذفتها الي سويته صح

 

[بنت المامون]

العاطفه مالها علاقه بالعمر كل البنات يحبون يسمعون حجي حلو وهيجي طيب انتي وش تستفيدين لما تسمعين جلستي مره مع نفسك وفكرتي احس ماكو فايده شوفي عزيزتي اذا من خلال نت وانتي متاكده انك بتحافظين على روحك كملي بالنت وانتي بنفسك راح تملين كلش وبخصوص الصداقات يمكن لانك تكوني رسميه مع البنات خلك طبيعيه والله يوفقك

انزين انا لي صديقة بالايميل لين دشيت اهي طلعت ولين طلعت اهي دشت قمت وحذفتها من الاصدقاء الي سويته صح

 

[بنت المامون]

بنات انا لي رفيجة ع الايميل اهي معي بالجامعة لين دشيت طلعت ولين طلعت اهي دشت ماادري شفيها والله تقهرني بحركتها حتى من اسلم عليها دائما ماتجاوبني قمت وحذفتها صح الي سويته ادعو لي الكا رفيجة

 

[Nfseia-Zgrtia]

حبيبتي ليش ما تواجهينها و تعرفين اهي ليش تسوي جذي دشي المسنجر ظهور دون اتصال و كلميها عشان ما يمديها تفصل المهم سأليها و واجهيها !

 

[mazoon]

بصراحة في الزمن مافي رفيجاتج اهم شئ المصالحه
وانتي اخذيها مني نصيحة اهم شئ شهادة شهادة ماعليج منهم وقت ويروحون ما احد يذكر الثاني وبعدين بنات الدوام بعض راح يصير لج رفيجات تكون المصالحة واحدة
ترا قوال بعض منهم

 

[سارونه الامورة]

بعض البنات مايحبون البنت الي تكون نكديه او سوافها عاديه
يعني يمكن لانك في حالك ماعندك سوالف مثلهم ..
ماعليك منهم اهم شي خليك واثقه من نفسك .. ومع الوقت بيكون عندك رفيجات
بس حاولي تتكلمين وتسولفين باسلوب .. وسوي الي تحسين انك راضيه فيه .. والي بيكلمك يكلمك والي مايبي براحته
اهم شي دروسك ..
وبالنسبه لتعارف بالنت ماانصحك لان الاغلبيه ياخذ الموضوع بتسليه ..
وحتى لو حبتيه ووعدك بالزوج الاكثر مايوفي بوعده .. والي يتزوج مايطول نهايتها طلاق
مالك بها التعب والعذاب ..
ربي يستر عليك ويسهل امورك

معاهااا:rerrerek::rerrerek::rerrerek:​

 

[نور خانوم]

مو اي احد ترافجين حبيبتي بهزمن محد قام يثق بحد