ابي حضانه تأسس حق القبول بالابداع...

[+بسبوسة+]

السلام عليكم ورحمة الله وبركاته

حبيباتي الغالين

انا ودي ادخل ولدي مدرسة الابداع...

اهو لليلحين في اولى حضانه يعني باذن الله باقي له ثانيه

وعقب بيروح الروضة...

ماقدرت اسجله بحضانه الابداع الي بحولي...سكر التسجيل
والي بالشامية جنها بعيدة...

انا من الحين بديت احاتي باجر ما يقبلونة بالابداع حق الروضة...

وين اسجله؟؟اي حضانه زينه تأسسه لي عدل عشان ينقبل بالابداع؟؟؟؟:eh_s(1):


حضانه مرتقى الي بالروضة تنفع؟؟الانجليزي عندهم قوي؟؟

والله قاعدة احاتي..ياليت الي اعيالها بمدارس خاصة

او بمدرسة الابداع بالذات تفيدني.؟؟؟

مابي باجر اتحسف وماينجح بمقابلتهم...:0bee2e8d89:

حتى لوفي نادي سنع يأسسه لي بالصيف انا راضيه...

 

[ReeMaN]

ولدي كان بحضانه تابعه للابداع بالشاميه اسمها سمارت كيدز اللي يتخرج منها ينقبل بالابداع

 

[+بسبوسة+]

مشكورة ريمان..

بس مشكلة هالحضانه شوي بعيدة عني..

ورحت لها وايد حبيتها بس شوي حسيت فيها ريحة!!

(يمكن مع النساة ههههههه) مادري

انزين الانجلش بهالحضانة تحسن مع ولدج؟؟
ولا اختبار القبول بالابداع ماله شغل!!

 

[ReeMaN]

هاو اشريحته بعد @@ لا اكيد من نساتج والله وايد منهجهم قوي بالانجليزي ويعلمونه كتابه الاحرف والارقام والالوان والاشكال عربي وانجليزي يعنى يتخرج منها واهو متأهل حق اختبارات القبول باي مدرسه بتسجلينه فيها .... انتى عادي دخليه اى حضانه قويه باللغه وانشالله ينقبل في الابداع بس خوفج من تسجيل الابداع الاوليه حق اللي عندهم اخوان في الابداع ... هذا اللي يصعب القبول بس لما يكون في حضانه تابعه للابداع لا ينقبل على طول انشالله

 

[حلم الطفولة]

مو شرط بسمه .. بالابداع اختبار القبول لصفوف الحضانه أو أولى روضه لج حرية الاختيار ان يكون بالانجليزي أو بالعربي ,,
لأن يعتبرونه مرحله انتقاليه من المنزل للمدرسه وحاطين باعتبارهم ان مو الكل يدخل عياله حضانه ..
آنا بنتي مادخلتها حضانه .. أبيها عندي مونستني بحضني أحبب فيها كنت أعلمها بالبيت .. أمسكها قلم تلون أراويها الألوان .. أحط لها بارني بالديفيديه ..
وديتها اختبار القبول لأولى روضه واخترت يكون بالعربي ..وعطوها صورة سمكه وسألوها شنو هذا قالت ديايه !! .. بس أهم شي انها تجاوبت معاهم بالأسئله وسوت أغلب الأشياء صح .. يعطون الطفل تركيب بسيط ويشوفون تفاعله الاجتماعي ........

بس إذا حابه تودينه حضانه .. مرتقى وايد قويه وممتازه حيل .. والله أعلم .

 

[+بسبوسة+]

ريمان

صج ضحكيتيني...

يمكن من النساة صج...

مشكورة يالغالية صج ماخاب من استشار

 

[+بسبوسة+]

حلم الطفولة

طمنتيني يالغالية..

صج ارتحت...

انا ولدي دخلته تجربه بحضانه الروضة تونس للصغار حيل واهو وايد مستانس بالحضانه
بس ما احس في وايد استفاده عشان جذي بغير الحضانه ابي تاسيس قوي للروضة
الله يعطينا وياج العمر..
وحضانه مرتقى يم بيتي...يعني سهالة ونور على نور..



وسالفة التحبب الصباحي..
ابشرج بقعد احببب الناظرة كل صبحية اشبع النقص الي عندي...هههههه

 

[الزين نجدي]

شوفي اختي عشان ما تضيعين وقتج

دقي عالمدرسة او اذا فيج شدة تروحين بعد احسن
وسأليهم ان اج نية تسجلين ولدج عندهم فتنصحوني ادخله اي حضانة ؟

والله يا اختي انا كنت مدخلة ولدي المنتسوري بالجابرية وبالصيف رحت المدرسة الامريكية وما نجح فنصحوني بحضانة بعد بالجابرية

وقولولي اذا دخل بالصيف هالحضانة راح نقبله اول السنة

والله فعلا دخلته الحضانة مع انها صغيرة بس هذي نصيحتهم وبعدها قبلوه )


الفال لوليدج :hjy5jewf:

 

[معلمه متميزه]

الابداع مالها فرع غير اللي بحولي اكاديمية الابداع الامريكيه ال aca ولدي فيها ومدرسة البنين والبنات بحولي فقط ..

عندج حضانة مرتقى نفس منهج الابداع عجيييييييييييبه حدها ..ولدي كان فيها وبنت اختي بعد ..تاسيسهم حلو حييل دخلي عيالج وانتي متطمنه وراح تقبله الابداع ان شاء الله ..

تدخلين الروضه من فتحتة جمعية الاصلاح .. تالي اول لفه فوق تحت اخذيها عقبها اخذي يمين بحيث تصير جمعية الاصلاح على يسارج واييج شارع طوييييل يم البيوت كملي سييده وطالعي على اليسار راح اتييج الحضانه على اليسار على الشارع اهي يعين يم جمعية الاصلاح ..

وتسلمين

 

[sweet lady]

اب بناااات اشلووون دراسه الروضه بالابداع
لان اعرف وحده مدخله ولدها الباكستانيه ومعطينه كتب وااايد وشديدين بالواجبات واهو يكسر الخاطر 4 سنوات جذي عيل اشخلوا للمدرسه
فابي اللي عيالها بالروضه اولى اشلووون دراسه الابداع خفيفه ولا ثقيله على الياهل لان صغيير لاحق على التعب

 

[Om_Ksha]

اب



اب

 

[ام حمودي حبيبي]

اب
اب
اب