ابي جوابكم :)

[غلآتي]

شلونكم بنات

بقولكم موضوعي وابي رايكم ..انا ممومقصره مع زوجي الحمدلله عندي بنت عمرها 4 سنوات

وولد عمره سنه ونص وولد عمره شهرين .. عيالي ينامون بغرفتهم وانا انام بغرفتي

المهم من طلعت من الاربعين وولدي اللي عمره سنه ونص قام مغزوع ويبجي حييل ورحتله ركض لميته

وماكو فايده قطع قلبي بالبجي وبنتي بالليل لازم تقوم تبجي وتنام

شسوي اخاف اخليهم بروحهم يتخرعون معني ابطل الباب بيني ويينهم صارلي فتره زوجي

يرجع من البر 12 واناوعيالي 8 نايمين وبنتي 7 وانام عندهم واذا زوجي يبي مني انام عنده نمت وسبحت

ورحت لعيالي احاتي ولدي يفز ومايلقاني مادري اللي اسويه صح ولالا

 

[زين ودلال]

غلط

مكانج بفراشج يم ريلج حتى لو مايبي شي

عيالج نوميهم وسمي عليهم وخلي ابجوره عندهم

وبابهم خليه مبطل وباب غرفتج طرفيه

لا سمعتي حس احد فيهم روحيله

الله يخليهم لج ويحفظهم

 

[غلآتي]

نومتهم عالارض لان يحبون يقلبون وقلت ببعد عنهم عشان يتعودون معنى قلبي يعورني لان نومي ثقيل

 

[وش تبي]

مع زين ودلال كلامها صح

 

[M!SS.LOBY]

الله يحفظهم لج ولا تشوفين فيهم مكروه

 

[M!SS.LOBY]

مكانج عند ريلج وعيالج كل حزة شوفيهم
حاولي اقري عليهم خاف محسودين يفزون من النوم لا تنسين الرقية الشرعية عليهم

 

[نبض السعاده]

الله يخليهم لج

 

[Aloe Vera]

لا غلط اللي تسوينه
نوميهم و اقري عليهم و قوليلهم قصة
و اذا نامو طلعي من الدار شوي شوي علميهم ينامون بدونج
و خلي اباب مفتوح
و خل يسمعون حسج

 

[غلآتي]

يعطيكم العافيه حباايبي

 

[mafio98]

ولدج عمره شهرين وتخلينه ينام بروحه!!!!
مادري بس انا مو مع راي البنات ولدج بهالعمر يحتاجج اكثر من ريلج ماتخافين عليه لا سمح الله يشرق ولايصبر في شي وانتي بعيده عنه ونومج مثل ماتقولين ثقيل!!!!
رايي ان علاقل ولدجً بو شهرين ينام معاكم بالغرفه وابوه يتحمل اهو مو ولدجً بروحج

 

[وردة وطني]

غللط الولد عمره شهرين صعبه ينام بروحه
خليه ينااام ويااج كلنا جذذي
وعيالج خليهم ينامون بغرفتهم وسمي عليهم لكن بو شهرين عنددج ماتخلينه بروحه
وزوجج يتحمل شيسسوي بععد

 

[توليب q8]

شغلي سوره البقره. وماعليهم الي العافيه بينامون احلي نومه على طول وقت النوم خليها شغاله.

 

[زين ودلال]

ابو الاشهر اكيييد ينام عندهااا هذا شي مايبيله موضوع او تفكير

انا قصدي عيالها الاكبر