ابي جوابكم :)

[غلآتي]

شلونكم بنات

بقولكم موضوعي وابي رايكم ..انا ممومقصره مع زوجي الحمدلله عندي بنت عمرها 4 سنوات

وولد عمره سنه ونص وولد عمره شهرين .. عيالي ينامون بغرفتهم وانا انام بغرفتي

المهم من طلعت من الاربعين وولدي اللي عمره سنه ونص قام مغزوع ويبجي حييل ورحتله ركض لميته

وماكو فايده قطع قلبي بالبجي وبنتي بالليل لازم تقوم تبجي وتنام

شسوي اخاف اخليهم بروحهم يتخرعن معني ابطل الباب بيني ويينهم صارلي فتره زوجي

يرجع من البر 12 واناوعيالي 8 نايمين وبنتي 7 وانام عندهم واذا زوجي يبي مني انام عنده نمت وسبحت

ورحت لعيالي احاتي ولدي يفز ومايلقاني مادري اللي اسويه صح ولالا

 

[محترمة نفسي]

اول شي لازم تعرفين السبب اللي يخليهم يبكون

على هذا الاساس تقدرين تتصرفين وتحطين حل للمشكلة

 

[فوفو22]

طبعا غلط

جذي رح تعودينهم. علو النوم معهم بنفس غرفتهم

فتره انسحاب الام من الطفل وقت النوم

تمر بمراحل

منها بكاء مستمر للطفل

الدخول المتكرر لغرفه نوم الام بالليل

كوني قويه

التربيه تحتاج قوه

اتركيهم طول ما مكانهم نظيف وصحتهم سليمه

وعلميهم على قراءه قصه قبل النوم ومن ثم كل من يروح غرفته
فوفو

 

[عود النثايا]

ابدا لا تكسر خاطرج الدمعه صح احنا امهات و فيننا عاطفه بس خلج قاسيه لو شوي الياهل ما اقولج حقريه موليه طبطبي عليه شوي و نوميه اذا شفتي ان مافي سبب حقيقي ورا البكاء و هو مجرد دلع فوقفي اللي قاعده تسوينه و خليه يعتمد على نفسه شويه ترا مستقبلا تأثر علا الشخصيه

 

[Patcholli]

نوميهم وردي غرفتج واذا بجو قومي طلعي عليهم حبيبتي لاتخلين ريلج ينام بروحه اليهال يتدلعون بس الريال يحتاج زوجته يمه

 

[مذهلة2013]

نوميهم وروحي نامي مع ريلج بعد اذا مانمتي يمه منو راح ينام يمه :\

لاتهملين ريلج :\

 

[latkt7as]

انا نفس المشكله تقريبا

بس ولدي عمره سنتين ونص ينام عندي
وولدي الثاني عمره 3 شهور

اخر شي قلبت غرفتي حضانه
وحطيت سرايرهم عندي

بس غيرت ديكور غرفتهم وانطر اخلص تضبيطها
ولازم اعودهم ع غرفتهم

 

[New_bride]

علميهم كل واحد فيهم ينام بغرفته

غالبا يكونون حلمانين بشي انتي اقري عليهم قبل ماينامون
و لاتعلمينهم ابدا انج تنامين عندهم خلج بغرفتج

 

[قلب الزعابي]

دام معودتهم خلاص خليهم ينامون ولا تعودينهم من يصيحون شوي رحتي لهم
خلي نور الغرفه زين مش فالظلمه واقري عليهم وشغلي قران وخليه بصوت واطي
والله يحفظهم

 

[.. BNT ..]

اذا بغرفتهم صور او العاب مثل العرايس والدببه طلعيها برع عن غرفتهم
عوديهم يرقدون على سورة البقره بصوت خافت
جيبي لهم تلفزيون بطليه على قناة براعم مثلا وسكري الصوت كلش
وسمي عليهم واستودعيهم الله

 

[امـ خــزامـى]

^^^* مع الحلوه اللي فوق


وازيد عليها اشتري المسك الاسود وحطي كم قطره بعلبة بخاخ فيها مويه

وعطري الغرفه ومفارشهم



وبتشوفين اللي يسرك وابحثي عن المسك الاسود وبتنذهلين من فوائده


موفقه

 

[shak!shoka]

دام غرفتهم يمج و تسمعين صوتهم و الباب بينكم مفتوح خلاص ما عليهم شر انشالله

ولدج بو سنه يمكن يفز عطشان او يوعان

عادي انا ولدي ٤ سنوات و ليلحين يفز و يبجي بس ما يدش غرفتي اذا كنت نايمه
اسمعه و اروح اسمي عليه و اشربه ماي


لا تشغلين بالج وايد عادي يتعودون

بس تأكدي اذا بجا ماكو شي يعوره و جيكي ع ملابسهم و سرايرهم قبل النوم و انفضيها هاذي سنه عن الرسول عليه الصلاه و السلام

 

[نـعـومـه]

لا لاتتعودين تهدين زوجج بغرفه بروحه

ولدج بو سنه ونص خليه ينام بغرفتكم على ماا يتأقلم

 

[ام فارس ولولوه]

لا أبد سلامتج
اكيد اللي قاعدة تسوينه اكبر غلط
اليهال لازم تعبينهم طول اليوم لعب واكل وتسوين لهم مسابقات وتفرحينهم بطلعه
يردون اليهال تعبانين ماراح يقعدون لج بالليل
غيري بجاماتهم ويغسلون ويوهم وأيدنهم ويفرشون
تالي يروحون لفراشهم وتقصين عليهم كل يوم قصة وتبوسينهم وتقولين لهم تصبحون على خير
وتسمعين لهم كل يوم آية
وبعدين تروحين فراشج
انأ لو قعدوا بناتي أروح انومهم تالي أرد لفراشي يم ريلي ولمه وأبوسه
أحسسه إني موجودة يمك
ولي وصل أول الليل أفز له تبي شي متعشي
اقعد اسولف شوي وياه تالي ننام
جذيه أنتي مربيه الطرفين ومرضيتهم
ميخالف التربية يبي لها صبر

 

[Patcholli]

وترى اذا تعود ريلج على النومه بروحه لاتستبعدين يقص عليه الشيطان باشياء غلط

ومالج عين تكلمينه بعدين لان بختصار يقولج انتي وينج وين كنتي انتي الي قصرتي واهملتي وهديتيني وفتحتي المجال

تر الرياييل على طريف والله حتى لو ملتزم

 

[M!SS.LOBY]

لا حول ولا قوة الا بالله

 

[M!SS.LOBY]

العضوة فوفو22 كلامها عدل

 

[((غلاي))]

بنتج كبيره
ليمن الحين تبجي

ولدج سنه ونص بس عادي يقوم بليل و يرد ينام
نامي بغرفتج
وطلي عليهم
ودام بابج مفتوح معاهم ماشوف اي مشكله
افتحي عليهم ليت خفيف وينامون

 

[زيين العبادي]

أختي الغالية نصيحه لا تعودين عيالج على هذا الطبع أهم شئ أنج ما تهجرين غرفه نومج عن رجلج لأنه آهوه الأساس وله حق عليج نصيحه سوي كل شئ اللأ هجرج لغرفه نومج والفراش عند رجلج والله يوفقج يارب

 

[مسك أبيض]

حبيبتي بصراحة انتي غلطانه وانا مع البنات الله يحفظ لك عيالك وزوجك