ابي جدول لترتيب البيت تعبت من الكسل

[متوترة]

السسسلام عليكم ورحمه الله وبركاته


بنات انا اشكي من الكسسسسسسسسسسسسسسسل
تخيلو كسل لدرجه اني اشوف بيتي غبار ولاقادره امسحه لابغيت امسح وانظف
يجيني كسسسسسسسسسسل مو طبيعي واقول بكرى وعلى الحال لين اكمل اسبوع وزياده

وانا ساكنه ببيت حمولتي لي ركن خاص وصغير كله صاله وغرفتين ومطبخ وحمامين

الحين حامل وكل مايقول لي زوجي ليش هذا كذا ليش شكلج كذا شكلك تعبانه اقول اي من الحمل
وانا احيانا لاتعبانه ولاشي بس بداخلي كسسسسسسسسسسسسسسل

بنات ابي منكم تساعدوني بجدول ارتب فيه بيتي واستمر عليه عشان ابي بيتي يكون نظيف
وابي شكلي بعد يتحسن لاني صايره زفتتتتتتتتتتتتتتتتتتتتتت زفت زفت زفت

وعلى فكره الطبخ تحت عند خادمه خالتي تسوي لنا الفطور والغداء والعشاء
اول يوم كنت اطبخ لنفسي كنت نشيطه حيل والحين مدري شفيني

..

ابي منكم تساعدوني :eh_s(7):


:***************

 

[زوجة عزيز]

up up up

 

[دهورتني يازين]

اب اب اب

 

[روحي زوجي]

حبيبتي انتي براحه ليش الكسل
قوي نفسج وشغلي القران وبطلي الشبابيك يتجدد الهوا وابدي بتنظيف غرفة نومج اول ماتبدين فيه ترتبين المفرش واي شي طايح شيليه وبخريها عقب تنظيف المطبخ لا تخلين ولا شي عالمغسله وعالرفوف اغسلي اول بأول ثم امسحي الارضيه بديتول وسكري بابه
عقب روحي تكرمين للحمام غسليه ورتبي الشغلات اللي على رف المغسله وعطريه بمعطر البخاخ رشتين وروحي للصاله شيلي اي شي طايح ورتبي الكنب واكنسي بالمكنسه الكهربائيه عقب بخريها بما ان عندج غرفتين وراسج وراس رجلج نظفيهم مره وحده بالاسبوع
وغسيل الملابس خليه يوم بأربعه علشان ترتاحين مو كل يوم غسيل خلي يوم محدد للكوي مثلا يوم بثلاثه هم مايصير كل يوم بتغسلين وتكوين

حبيبتي ترا مو حلوه الرجال يشوف شقتج مو مرتبه ولا معطره ترا نصهم يشوفون ويسكتون واذا صارت سالفه طلع مافي چبده

واذا حبيتي تحطين لج برنامج تمشين عليه يكون افضل لج لان انتي ادرى بشغلج

ان شاءالله افدتج

ولا تنسين تدعين لي بالنجاح بالامتحانات الشهر الجاي 

*

 

[Gifts&Occaions]

الله يعينج

 

[مياسه الحساسه]

الله يعينك حبيبتي

 

[رانس]

انا نفسسسج صايبني كسسسل مو طبيعي والله الصحون اخليهم فوق بعضهم من بنتي الله يهديها ام اربع شهور من اقوم من عندها تببببببببببببببببببببكي وطول وقتي قاعده عندها ومرات اذا نامت وكنت متحمسه حق الشغل اشتغلت الله يعينج يااارب

 

[ديانا سبنسر]

يمكن الكسل من الحمل لاتقولين لا

 

[Mjnont '3lay]

الله يعينج نسقي وقتج اذا الوقت تنسق كللل شي رح يتعدل باذن الله واذا صابج كسل تعوذي من ابليس واضغطي على نفسج وقومي
واذا ماتبين خلاص مالج الا الخدامه جيبي وارتاحي ولا انه زوجج يلقى البيت وصخ وخايس يمكن يسكت فتره بس بعدين رح ينفجر وانتي لا تخلين الامور توصل لي هالمرحله

 

[L A T T E]

ياسبحان الله انتي نفسي بالضبط ! نفس فترة الزواج والشقة اخاف انتي انا.. بس انا مو حامل

عموما.. افضل فترة لما يطلع زوجج او يكون نايم.. انا مرات اذا قعدت قبله اغسل المواعين واذا اهوا نام او طلع اغسل الملابس واخم وانظف.. لكن لما يكون موجود ونايم ما اقدر اغسل الملابس او اخم لان صوت المكنسة الكهربائية بتأذيه

بيني وبينج خلج واقعية ولا تتفننين وايد.. يعني ابدي شوي شوي علشان تتعودين وتطيح ايدج لاتصيرين فجأة فلتة واليوم الثاني تملين.

اهم شي غسلي الصحون اول باول، الصحن اللي تستعملينه رديه على طول وغسليه.. حتى قلاصات الماي كل شي اول باول..

اذا عندج مكنسة كهربائية لفي فيها عالبيت وشيلي الاشياء عن الارض -بدون ترتيب- ولما تخلصين اخذي ماي مع شوية ديتول ومسحي فيه البيت عالخفيف لان انتي ماعندج يهال يوصخون.. بعدين رتبي شوي شوي..

الملابس عبي الغسالة ماي دافي وحطي الفنايل كلها واثناء هالوقت مثلا تكرمين غسلي الحمامات، كبي صابون الملابس والماي من الهوز تكرمين فركي شوي وبعدين شطفيهم.. وحطي ماي مرة ثانية مع ديتول خليه ينقع شوي على ماتكونين فركتي المرحاض تكرمين والحنفية والشاور بسفنجة فيها صابون.. بعدين رشي عليهم ماي وشطفي الديتول وكبي ماي وشطفي مرة ثانية.

جذي بيتج بيكون نظيف ان شاء الله.. وبالنسبة للمطبخ اهوا ماي مع ديتول بس مو محتاجة غسيل غسيل..

وبالنسبة للجام مثلا والجولة والامور هذي خلي خدامة اهلج تسويهم او خدامات البيت

والله يهون عليج يارب بس كل شغلج خليه خفيف وبينهم فترات متباعدة اهم شي ترتاحين وبنفس الوقت ماتتعبين نفسج علشان مايصير لج خلق.. واخذي وقتج وخلي شغلج بو طقة مو ملزومة تنظفين تنظيف عميق علشان صحتج وراحتج

 

[حكآية قلب]

حياااااااتي متوتترررة


لاتخافين الكسل من الحممل انا متأكدة


انا حركيه و ماااحب يطيح شي ابد !!


من حملت لمااا الشهرر ٦ مااداني التنظيف كلش

حتي زوجي استغرب !!

قبل ماااحب حتي الكلينقس لما يطيح بالغلط عطول اقووم اشيله وجذي



حملت ولاعت جبدي ووو احسسس مافيني شي بس ابي اقعدددد



و من دخلت ٧ وانا رديت عااادي


تخيلي من يومين من ٧ الصبح لما ١١ الضحي انظظظف البيت


من الونااسه نسيت نفسي اني حامل

خميت و مسحت البيت متر متر غسلت صحون و ملابس وو حمامات ة بخرت البيت


رحت للسرير وانا ماااشوف شي 



امس رحت مراجعتي المشيمه نازله والله يسترر



متوترة انا كنت اببببجي من القهر مقدر انطف ولا ارتب و اروح لامي اشتكي


تقول مجنونه انتي حامل !!


خلي بيتج و جيبي شغاله اللي باليوميه


كنت اجيبها لما يداوم زوجي و تنفض البيت نفض


ولا الحين مسافرة و اضطريت اني انطف بيتي بنفسي



ولاااا اذا ماتقدرين تجيبين اخذي خدامة اهلك نص يووووم من كل اسبوووع


ترتب البيت و تمسح ارضياته و تكنسسه


اظن مااتوسخينه و ماعندكم بيبي يكبون بالارض


و المواعين و الصحون لاتكودينهم علي طول غسلي مع انه الوقف تكسر الظهر


بس كل وجبه تاكلينها غسليها مووو تجيبن بالليل تغسلين كل شي لاااا


كل وجبه تخلصين منها غسليهاا


و الحمامات كل يوم شيلي زبالتهم


و كل يوم كبي ديتول داخل البواليع كرمج الله


و بالاسبوع غسيل

اذا جت خدامة امج تغسلهم لج



انا كل شي اسويه بنفسسي بس الله ستر علي

و علي اخر الحمل نزلت المشيمه انتي توج وخططر عليج التعب


وووو جيبي لك خدامه من الحيييييييين


اناااا كاني منهبله كل يوم ابي اجيب و تطلع لي سالفه فيهاااا


و شكلي بولد و بجيب مؤقته ارقع نفسي فيها

 

[أكذب عليك]

الله يعينج حبيبتي
انا من تزوجت كله كسل بكسل اروح الكليه ارد ادرس ماكووو مجال حق شقتي كلش
وكنت اخذ خدامه اهلي تنظف لي مرات ومرات خدامة خالتي ع حسب بس كتنظيف
لانه مااطبخ وجبت خدامه بعدين


واول ماحملت عانيت صراحه نفسج بس كنت ابحمدالله متخرجه بس كله مالي خلق والخدامه راحت فتوهقت عدل
الحين انا موظفه وانطر خدامتي تجي هاليومين وانا بالةامن صراحه مادري شلون تغيرت

النظافه اول باول
والغسيل اغسل الهدوم اول باول لو تيشيرت واحد والكوي ع خدامه حمولتي
الحمامات عزج الله انا اغسل الحمام اللي بغرفتي يعني كل ٣ايام تقريبا بس الحمام الخارجي مانستخدمه اصلا فاغسله يوم بالاسبوع
صالاتي كل يوم لازم اخمهم وبعدهاااوياللسبوع مرتين امسح
والمطبخ مجرد اني امسح ومرات انادي خدامه حمولتي تنظف الارضيه
وبما انه ماكوو طبخ بس لو بسوي خفايف اغسل المواعين اول باول ماعدا الريوق وطبعا ماسوي ريوق الا اذا زوجي دوامه الصبح اسويلنا ريوق
نتريق وغطي الاكل ع الطاوله واروح دوامي ولا رديت اغسل


صراحه بحياتي ماتعوذ انظف ةلا امسح ةلا شي بس هالكم اسبوع احس بشي حلوو اني صرت اهتم بدون خدامه واحس اسوي انجازات لووووووول
بس بدايه حمالي ماكنت اسوي ولاشي وكنت عطاليه بس ماقدر كله كسلانه 


الله يعينج حبيبتي بس حاولي تشتغلين اول باول ةالشي المتعب ع خدامه حمولتج وكان الله غفورا رحيم

 

[متوترة]

وه ياعمري انتم الله يوفقكم ويسعدكم يارب
وربي ارتحت زين لقيت ناس مثلي . وبعد ناس تشجع
امس رحت لبيتي وزوجي مسافر ومسكت شغالات حمولتي وخليتهم ينفضون الشقه من قلب
واختي الكبيره تراقبهم وواقفه على روسهم والله ارتحت


وجزاكم الله خير وان شاء الله ماتشوفين شر حبي حوحا ان شاء الله تهون ويرد كل شي طبيعي


مدري شقولكم بنات

فديتكم بس وربي ارتحت من قلب..

 

[^^ ǺГฬα]

الخوات ماقصروا :rerrerek:



الله يسهل عليج حبيبتي :eh_s(17):