ابي جدول لاكل ولدي

[كويتيه صغيره]

مساء الخييييييييييييير
بنات انا ولدي عمره6 شهور ابي شي اوكله غير السيرلاك والبطاط وكم وجبه باليوم وشنو الممنوع من الاكل بهالعمر ابي جدول اتبعه باكل ولدي

 

[ام خدود ورديه]

اب اب اب

انا اوكلها كوسا وبطاط وجزر وامي اتحط معاهم عيش وافوحلها اياه

 

[كويتيه صغيره]

يعطيج العافيه يالغاليه

 

[قسي قلبك تعيش]

في موضوع مثبت فوق رهيب دشي واستفيدي منه وكله صحي

موفقه حبوبه

 

[كويتيه صغيره]

يعطيج العافيه يالغاليه

 

[كويتيه صغيره]

وينكم بنات

 

[washwoshh]

الريوق
بسكوت فارليز

الغدا
كوسا بطاط جزر

العشا سيريلاك او فاكهه


الحين ولدج عمره ست شهور الاكل مفتوح ترى يعني من غداكم تسويله اكل بخلاط وتعطينه

 

[كويتيه صغيره]

يعطيج العافيه

 

[ورد الطايف]

الممنوع الاشياء لي سبب حساسيه البيض العسل فراوله المانجا الكيوي هذولا عطيها بعد سنه عشان لاتعرض لحساسيه

الحين الاكل لي ناسب عمرها كوسه مع بطاط وجزر وقرع وقفشتين عيش قفشتين عدس

روب بسكوت بطاطه حلوه بس لاتكثرين عشان ماتمسك بطنه
سيلايك مع ماي لا تحطينه مع حليب عشان لا سبب حساسيه
تمر مع ماي حار في مميه اكله الازم مضروب بالخلاطه
وسلامتج
*

 

[كويتيه صغيره]

يعطيج العافيه يالغاليه

 

[طيبة83]

في كتاب حق annabel carmel وايد زين وعندها بعد موقع

الممنوع
ملح
سكر
عسل
حليب البقر الا اذا كان في صوره روب او جبن شيدر
الاشياء الحامضه
اكلكم العادي لان فيه دهن وبهارات


الاكل
الخضرا


جزر
كوسا
بطاطا حلوة
قرع
بطاط
بروكولي
بازلا خضرا
عدس احمر


اول شي تعطينه كل شي بروحه ٣ ايام تتاكدين ان ما يسبب له حساسيه وتالي تبتدين تخلطين بالنوعين او ٣

الفاكهة

تفاح
موز
كمثري
افوكادو
مشمش مجفف بس الي لونه اسود لان مافي مواد حافظه
وبرقوق مجفف
هذول زينين للامساك وطعمهم حلو

وبعدين من الشهر السابع دخلي روب وتقدرين تخلطين معاه عيش او فاكهة

الشهر الثامن دخلي الدجاج

التاسع اللحم

العاشر السمك

بس بكميات قليله تخلطينها مع الخضرة






ومع هذي كله لا تفائلين وايد لان اليهال عسرين بالاكل

يالله تلقين شي من هذي يعجبهم خصوصا اذا ضاقوا السيريلاك اول ما يحبون الاكل العادي

 

[طيبة83]

اي والقمح بعد مب زين

 

[كويتيه صغيره]

يعطيج الف عافيه يالغاليه

 

[PinkLulu]

جدولي

الفطور...سيريلاك أو فارليز

الغداء...خضار (كل يوم مجموعة)

العشاء...سيريلاك (يوم أعطيه قمح ويوم عيش)



الخضار...كل يومين أسويله خلطة و أخليه بالثلاجة...و أسوي الخلطة مرة ثانية...يعني كل أربع أيام نفس الأكل

بديت معاه تدريجي

كوسا

جزر

جزر + كوسا

جزر + كوسا + بطاط

جزر + كوسا + عيش

جزر + كوسا + عيش + قرع

جزر + كوسا + قرع + بطاط

جزر + كوسا + بطاطا حلوة

كوسا + بروكولي + عيش


وبين الوجبات مرة حليب صناعي والباجي رضاعة طبيعية​

 

[كويتيه صغيره]

يعطيج العافيه

 

[Mednight Rain]

اول وجبة حليب
وقت الضحى فواكة مطبوخة ومهروسة ( تفاح + عرموط + افوكادوا) او هرسي موزه .
وقت الغداء ( جزر وكوسا وبطاطس او بطاطا حلوة وبروكلي وقرع ) نوعي بينهم كل نوعين مع بعض.
وقت المغرب ( شاي اعشاب او عصير برتقال مخفف).
بين الوجبات ( بسكوت فارليز مذوب بالحليب)
وقت العشا ( ذرة حلوة مع ارز او ارز مع فانيلا) انا استعمل ماركة ميلوبا بودرة واخلطة مع ماي.

 

[Mednight Rain]

قبل النوم رضعة حليب مشبعة واذوب فيها قطعة بسكوتة

 

[كويتيه صغيره]

مشكوووووووووووووووره