ابي بنتي تتميز :)

[¤§ زيتونة §¤]

مرحبا حبايبي


شلونكم يا ابلات الروضة

عساكم عالقوة ومشكوووورين كلكم على جهودكم في اول يوم لاستقبال اليهال




الصراحة انا ابي بنتي تتميز بالصف
ابي الابلة تحبها وتهتم فيها
طبعا بنتي وحيدتي مثل ما تعرفون ما عندي غيرها

وابيها تكون شعلة بالصف والابلة ترتاح منها


شلووووون يا ابلات يا حلوات؟؟


طبعا من ناحية الطلبات انا بوفرها لها من اول ما تطلب الابلة


بس شرايكم بعد شلون اخليها مميزة عند الابلة وتفرح لي يتها بنتي





يمكن تستغربون لكن بنتي حياتي ابيها تموت بشي اسمه الروضة وكنت ناطرة هاليوم من زمان والف الف الحمدلله شفته اليوم وقريت عيني بدخولها للروضة



وسلامتكم

 

[nero]

تبلغين بالكتكوووته ان شاء الله

تبين بنتج تتميز .. اخذي واعطي مع مدرستها

خليج على اتصال ولا تنطشين وخليج على طول متواصله معاهم

وخلي البنت تتجرأ وتشارك .. طلبي من الابله تشركها بالنشاط تدخلها باي شي يزيد من ثقتها ويحببها بالمكان

كل جم يوم خل تروح معاها بطاط والا كاكاو توزعه على الاطفال

اذا استلمتي رسالة ولي الامر .. شاركي المعلمه ودزي مع بنتج حتى لو صوره تناسب الخبره ..

خل تستانس لي قالت الابله انها من بنتج

والله يوفقها ويوفقنا

 

[لباس التقوىk]

السلااااااام
عطيها معلومات عن الدروس علشان تساعد لابلة قبلها بوقت

 

[¤§ زيتونة §¤]

حبيبتي نيرو
والله بعد قلبي



مشكووووووورة عالرد الحلو ويزاج الله خير

وان شاءالله بسوي بنصايحج حرف حرف

انا بنتي باولى


والله خوش نصايح عجبتني وسهلة وايد

اختي كانت مدرسة روضة وعطتنا صور حلوة بشوف اللي ينفع بدزه وياها


بارك الله فيج

 

[¤§ زيتونة §¤]

لباس التقوى

مشكورة يقلبي

بتواصل ويا الابلة ان شاءالله واجهزها بصور ولا معلومات مفيدة

 

[*أم*خالد*]

الشي يعتمد على شخصية الطفلة مالها دخل ولية الأمر

بس اهم شي انها تسمع كلام الأبله وما تعاند جذي بتدش قلب الأبله من أوسع أبوابه

وبعد لما تكون الطفلة ذكية وعندها خلفيه معلوماتيه عن الخبره اللي قعد تاخذها وترفع ايدها وتجاوب
هذا بالنسبة لي شخصيا يخليني أعشق الأطفال واحاول بطريقه ماتجرح باجي الأطفال اعطيهم معاملة خاصة

 

[رفرف]

طبعا ما يحتاج أقولج على النظافة والترتيب والريحة الحلوة والأدب .. وانتي السنع كله اكيد ماراح تقصرين ..
لأن في يهال سبحان الله ينحبووووووون من أدبهم واسلوبهم صج تقولين ونعم التربية
وفي العكس تماما .. تنقدين على اهلهم من اسلوبهم ..


ودي مع بنتج هدايا لليهال .. يوم اقلام .. او العاب انشالله من بو100 ..
بتصير محبوبة حتى من اليهال بصفها ..

اهتمي بمستوى بنتج حفظيها الأناشيد وحفظيها قرآن خليها متميزة بمستواها جذيه الأبلات اهمه نفسهم بيشركونها بالانشطة بدون ما توصين لأن الزين يفرض نفسه ..

 

[ملاك-77]

غير النظافه والتريب والادب

تقدم للاطفال علبه كاكاو او حلاو وهي توزعه عليهم عشان يحبونها

وهدايا للاطفال او سي دي يشوفونه بالصف والتواصل المستمر بينج وبين الابله

وتسألينها عن اي مبادرات ممكن تقدمينها

 

[¤§ زيتونة §¤]

فدييييييييييتكم بعد قلبي انتو


مشكووووووووووووورين

ماشاءالله عليكم افكار روووووعة وسهلة



والحمدلله بنتي ذربة ومرتبة واااايد وحاطة حيلي فيها ما عندي الا اهي بعد رووووووحي



وان شاءاالله بحفظ افكاركم عندي وبسويها كلها




واهي حافظة 3 سور قصيرة والحمدلله كل ليلة تقولهم قبل النوم



ولا يطوفكم كل ما نبي نطلع لازم لازم تتعطر بدهن عود مو اي عطر يعجبها الاخت ههههههههههههههههههه


يا ربي لك الحمد والشكر هالوردة يتلي بعد 9 سنوات وقرت عيني بشوفتها بلبس الروضة والله نعمة من رب العالمين







اكرر شكري لكم يا بنات وما قصرتوووو وعسى ربي يوفقكم ويخلي لكم عيالكم

 

[¤§ زيتونة §¤]

زين ابلاتنا بسالكم




شلون نعرف الخبرات اللي بياخذونها بالصف؟؟
يعني تعطونهم اوراق ولا كتب ولا شنو؟؟؟


لاني بجهز للخبرة قبلها بفترة عشان اودي ويا بنتي صور ولا شي يساعد الابلة



وسلامتكم



عيل بنتي لو تدش المدرسة والجامعة شسوي ؟ ههههههههههههههههههههههههههههههه

 

[nero]

زيتونه

بداية كل خبره .. توصلج مع البنت رسالة

فيها كل شي عن الخبره

 

[هوى الدار]

هلا زيتونه

والله البنات ما قصرو

وما بغيت اشوف موضوعج ومارد

عسى الله يبلغج فيها وتشوفينها متخرجه من الجامعه وتشوفينها عروس قولي امين

وقبل هذا كله تشوفين اخوانها وخواتها

تستاهلين كل خير يالغاليه

 

[زلابيا]

ماشاءالله البنات كفوا ووفوا

وعسى الله يبلغج بتخرجها من الجامعه ..

ومثل ما قالت نيرو قبل كل خبره يوزعون عليكم رسالة ولي الامر فيها كل شي راح ياخذونه اليهال

 

[84 Miss Chocolate]

الله يخليها لج و يحفظها يااااااااارب و تشوفينها متخرجه من الجامعه ياااااااااااارب

 

[¤§ زيتونة §¤]

والله فديتكم بعد قلبي


عسى ربي يحفظكم وعيالكم وكل من تحبون من كل شر ويوفقكم دنيا واخرة


والصراحة ردودكم كلكم بلا استثناء فرحتني واااااايد


واستانست على التفاعل بالموضوع الصراحة وااااااايد كنت مترددة احطه ولا لا بس قلت بناتنا فيهم الخير ما يخلوني





عسى ربي يسعدكم ويفرحكم ويرزقكم كل خير ان شاءالله




وبحيل الله بسوي كل اللي قلتو عليه لانها فعلا نصايح من ذهب والله

 

[السنعة2]

الله يخليها لج وتشوفين برها يارب

 

[¤§ زيتونة §¤]

السنعة2

يزاج الله خير

مرورج شرفني حبيبتي

 

[¤§ زيتونة §¤]

تم الرفع للاستفادة للجميع



موفقيييييييييييييييييين يا رب