ابي بديل للكيراتين

[صبرا جميل 2012]

السلام عليكم


بصراحه انا مليت من الكيراتين صج حزته ينعم الشعر ومايحتاج

استشوار بس اثاره الجانبيه وايييد تساقط وغيره من مشاكل


اللي مستعمله شي او تعرف شي ينعم الشعر بدون هالمواد الضاره


بليييز تساعدنا وبدعيلها بظهر الغيب


وعلى فكره انا شعري مو وايد خشن عادي بس مقصف ومافي حيويه كلش

 

[sara100]

رفع نفس حاله

 

[زهرة الفلامنجو]

الحنه تفررررد الشعر ماشاءالله

ويمدحون نبتة الصبار

 

[صبرا جميل 2012]

جربت الصبار بصراحه مفعولها مؤقت


يعني بيلها كل جم يوم تسوينه ولويه

 

[صبرا جميل 2012]

ودي اعرف عن الكولاجين


اذا في احد مستخدمه وين احصله

 

[Yuki]

اي والله ياليت احد يفيدنااااااااااا

شي بديل عن الكيراتيييييين

 

[maryoma_JD]

صاجه الكيراتين يضعف الشعرعلى المدى الطويل
سمعت عن البوتكس من دكتورة هدى الصفار ماركة لوريال امدحته وايد
شكلي ناويه اسويه بصالون flowless بالشعب البحري

أما تجاربي بشعري وايده .. بس طبعا كلها طبيعيه .. كنت ابيه بس يطلع ويصير كثيف راح تتعبون وايد ويبيييله الصبر الشعر يبييله صبر والحمدلله بانت معاي الرؤيه من بعد ما استعملت وايد شغلات وأدويه

مابي امدح شي معين أو ماركه معينه ولا اسوي دعايات

استعمل الاتي :
- جوز الهند ( ما استغنى عنه)
- نبتت الصباااار
-ادهن شعري بدابر كل اسبوع

هذي من ناحيه الدهونات ما احب اسوي ماسكات او خلطات ياخذ من وقتي وما عندي وقت ومالي خلق هههه

حتى الادويه جررربت واااييد

بس حاليا الي ماشي معاي ميه ميه

- حبوب بيوتين ( اطول الشعععررر ) بشكل فضييع
-انبولات فيجي (عاديه بس تخلص العلبه راح اوقفهم لان نتايجهم مو واااو)
-وحبوب cystine b6 روعه حق الاظافر والشششعععرر وملاحظتهم طولو اظافري الحمدلله وشعري فرق معاي


وسلامتكم وسوري عالاطاله والاهم من هذذذذذذذذذذذذذذذذذذذا عنايتج الداخليه بأكلج الصحي وكثرو من الاوميقا 3

تقبلو مروري:eh_s(17):

 

[Yuki]

مششششكوره حووووبي ماقصرتي

بس شنو البوتكس وهل اقدر اسويه بعياده لاني بصصراحه
اخاف من الصوالييين وهذا شعر راس مو لعبه اغامر فيه


غير هذا الي تعرف كولاجين الشعر احسن مكان يسويه وعن تجربه يالييييييت تفيدنا

 

[جوري 2007]

سوي جلسات بالصالونات ان شاءالله يفيد

 

[maryoma_JD]

حياج الله حبيبتي يوكي
صج صج من هالناحيه احقلج تخافين على شعرج وانا بعد متردده شوي
سألت عن طريقته بالتلفون .. وبروح للصالون وأسأل أكثر عشان اتطمن وأطمنج

البوتكس ماده اتغلف شعرج مافيها فورمالين (فورمالديهايد) وهذا الأهم
تخفف النفشه ما اتنعم حيل حيل مثل الكيراتين بس اطري الشعره وترد لها الحيويه
بس مدته لي عشر غسلات بعدين اروح وهذا شكل صوره الموضوع بحسابها بالانستغرام

متكلمه عنه بالتفصيل وراده على البنات بالانستغرام على أكاونتها halsaffar@
للأمانه أحبها وأحب نصايحها مو مدحا فيها عالفاضي لأنها ساعدتني وشخصت حالتي صح
من بعد ما كانو الأطبه مسوين فيني حقل تجارب خخخخخخ

شوفي هاليوتيوب حيل شوقني اني اسوي
L'Oreal Fiberceutic Hair Treatment - YouTube

بالتوفيق
وان شاء الله أكون فدتج :*

 

[Yuki]

مششششكوره اختي مريوومه
جزاج الله خيييير
انا دشيت الانستغرام وموضوعها حسافه بس يبقى ل ١٠ غسلات وللحين مو موجود بالكويت


عندي استفسار وياليت اذا تعرفين او اي احد يرد علي ضروري
ابي صالون يسوي الكولاجين بس يكون مجرب وثقه

 

[ashliy]

وين نسوي بوتكس هذا