ابي بدله للعيد لبنتي شهرين!!!

[Bnt.Azmer]

هاي بنات


عفية باجر بروح السوق الافنيوز ومحتارة من وين اشتهر حق بنتي بدله حلوة وراقية ماتعدى 30 -40 دينار لانها وايد صغيرة وماراح يبين لبسها اللهم الي بشيلها ويشوفها خخخخخخخخخخخخخخخ:bye22:

 

[meen_ana]

انا فصلت عند بنتى من مشغل وشغلهم وايد حلوو وذرب وناعم

 

[$ نواره $]

رد : ابي بدله للعيد لبنتي شهرين!!!

عندج بالافنيوز تك تك وايد حلو وذرب
واختي ممكن تفيدينا وين مكان المشغل او رقمه ومبين تفصال والا شكله جاهز
وشكرا

 

[om MaRyooM]

انا توني شارية جم نفنوف حق بنتي من الافنيوز

من محل tuc tuc حييل حلو صاير فوق
ومحل مونشون يم جويس همن فوق صاير
وعندج محل guess عنده سوالف ذرربة حق عمر بنتج

وكلهم اسعارهم ممتازة

 

[q8 83]

حبيبتي شوفي موقعي عندي شغلات من امريكا حييل حلوة و اذا تحبين المندوبه توصلهم لج و تختارين من بينهم الانسب

 

[ناتشوو]

مون سون
ريفا
انوتا - الجناح الاخضر

 

[مساء مونترو]

مادري ..
بس الاسعار نار..
انا شريت كذا بدلة ..
لاني بسافر بعد رمضان ...
بس كلها ماركات عالمية..
يعني مو اقل من 70...

 

[النـجـلآ]

تبين في خوش موقع امريكي يوصل لج من 4 الى 5 ايام ماركات بس الاسعار حلووه

children salon

 

[رنيم q8]

انا بعد بنتي عمرها شهرين اليوم رحت الافنيوز بس مو وايد عجبني ابي شي غريب لان هذي البجر الله يخليها لي

 

[H Style]

شوفي محلات مؤيد المير
ماركات اسبانية
وكله نفانيف يهبلون ستايل الأجانب واسعاره معقوله
انا رحت الفرع اللي بمجمع البيرق

 

[حرم راشد الماجد]

شوفي حبي انا شريت حق بنتي نفنوفين من زارا كيدز

وواحد من مذركير

بس التوب من اوكايدي بالرايه