ابي بدله سهرة حوامل

[كاكاووو]

مرحباااا بنات

مشكلتي ابي بدله سهرة حوامل
عرس اخوي قريب وأبي شي نااعم ورااقي
اللي تعرف اتليه حلوو وشغل مرتب او محل راقي تقولي
عفيه حددي متوهقه ،، لاتقولونلي النقرة والفروانيه لان ماحب هالاماكن
ابي مكان أرقي من جذي
ومشكوريين حبايبي

 

[katkoota 89]

حبيبتي شغل راقي ومرتب مارح تلقين دوري على موديل فية شغل وايد صوب الصدر مثل شك لولو او شوارافسكي انا بعرس حماي خيط نفنوف خليت الشغل صوب الصدر لولو ومن تحت كلوش الكل تكلم عن نفنوفي واي اسألة انا حاضرة حبيبتي

 

[Om_Mubarak]

انا قست بدله نااااعمه في destination maternity بس وايد ناعمه مادري اذا تصلح حق اخت المعرس
كحليه و علاق جتف واحد عليه شويه شك صوب الجتف حلوه و رخيصه ب 85

 

[كاكاووو]

مشكورين ع الردود
كتكووته اي خياط سويتي بدلتج ؟؟ وفكرتج وايد حلوووه ،، شكلي بسويها

ام مبارك اي سوق وين شفتي البدلة ؟
حتي لو ناعمه أنا اركب عليها أشياء

 

[Om_Mubarak]

المحل اسمه destination maternaty
موجود في الأفنيوز نفس سطرة لاسنزا
وفي بالبيرق و في ب 360

 

[Om_Mubarak]

هذي صورة البدله في سايتهم
http://www.destinationmaternity.com/Product.asp?Product_Id=158280023&MasterCategory_Id=MC3

 

[شهرزااد]

موفقه

 

[كاكاووو]

مشكوورة حبيبتي صح حلو واايد نااعم
لا ابي شوي احلى من جذي لان عرس اخوي
ابي شي احلى

 

[عبث طفله]

حبيبتي انا عندي بدله حوامل ما لبستها الا ساعتين .. تهبل

اذا تبينها بالخاص

 

[katkoota 89]

خياط بالمبرور اسما لاهور واااايد شاطر

 

[ورده عنابيه]

تلقين جاهزين كلهم قصة صدر وكلوش موجودين في ليلى جاليري

 

[نـعـومـه]

شوفي ليلى جاليري

بناااات اقترحو اماكن بعد

 

[كاكاووو]

كروشاات اقترحوووا الله يعافيكم ويسهل عليكم ولادتكم

 

[أسري إليك]

تلقين بالبوشيه ،، قصه صدر
اخذي اكبر من قياسج عشان البطن ،، ويضوقونه لج صوب الصدر
وكان الله غفور رحيما

انا سويت جذي حق عرس حماي
وحده مرتب ،، مالبسته الا هذيك اللبسه
اذا حابه تشوفينه ردي علي بالخاص

 

[شـيومـه]

انا مثلج قبل فترة كان عرس اختي وانا حامل و توهقت وبنفس يوم العرس يالله لقيت لي نفنوف تخيلي شريته من النقره والحمدلله طلع حلو بس ماانصحج تروحين لان ما عندهم شي يسوى هذا النفنوف بالعزر طلعته منهم

 

[Om_Ksha]

شوفي بصراحه انا عمري ماشريت من المهلب ..
ويوم صار عندنا عرس افتريييييييييييييت كل الاماكن اللي متعوده عليهم وماالقى شي .. عاد خالتي يزاها الله خير قالتلي روحي المهلب .. وماكنت مقتنعه بس عقب مافتريت قلت خل اطل مو خسرانه شي ..

المهم بالاخير شريت منهم نفنووووف الكل ين علييييه .. من محل اعتقد بالطابق 3 جنه علاطول جدام الدري بويهج
اسمه روووز اعتقد ..
صغيروووووووووون نتيفه بس والله يطلع منهم ..

كلا بدلاتهم من لبنان وكله قصه حواااااااامل اللي تحت الصدر .. وشوارفسكي وجذي

شوفي مو خسرانه شي

 

[anooma_86]

روحي محل اسمه زووم بالمهلب عندهم قصات صدر و كل بدلهم من لبنان.. انا توني ماخذه منهم بدله وااايد ناعمه

 

[a7bk-moot]

مرحبا اختي انا عندي بدله مالبستها ولونها افوايت وفيها شغل على الصدر ومعها جاكيت صغير ولونه اصفر بزيتي وحيل ناعمه شاريتها من جده اذا تبينها ارسلج الصور على الخاص

 

[um_yoyo]

يوه ذكرتيني بوهقتي لما كنت حامل و عندي عرس

خذيت لي نفنوف عادي بس سايز تربل اكس

 

[كاكاووو]

مشكورين حبايبي
الله لايحرمني منكم