ابي بدلة عرس راقيه حق حامل بالشهر السادس ضروري

[beealh]

السلام عليكم
كرووووشات حدي تووووهقت عرس اختي اخر 5 انشالله على اساس بخيط رحت حق مصممة بصراحه وايد مبالغ ب اسعارها ساده على 500 و 490 والحين متووهقة ابي تدلوني على محلات تبيع نفانيف سهرة ذربة وناعمة واسعارها معقووووله

 

[om 7amoodi]

مالج الا الخياط

شوفي خياط ثاني لانه كل اللي بالسوق حق الحوامل موديلاتهم عاديه

 

[Aloe Vera]

تبين راقي بس ناعم روحي دستينيشن ماترنتي او اخذي موديل من الانترنت و خيطي نفسة عند اي خياط بدل ولا تروحين مصممين ولا شي

 

[beealh]

Aloe Vera دستينيشن ماترنتي وين صاير اول مرى اسمع في

 

[beealh]

om 7amoodi انا ابي ناعم مابي خبه بس سعره معقول يعني

 

[om 7amoodi]

ديستينيشن ماتيرنيتي موجود بالبيرق و 360 و افنيوز بس هدومه حيل عاديه ماكو موديل
انا رايي شوفيلج موديل ناعم و سهل وخيطيه عند اي خياط وايد احسن لا تروحين حق مصممين

 

[@سيدة نفسي@]

زهراء القاسم تسوي ابتداء من ٣٠٠ دينار بس شغلها حلووو

مريها وشوفي شتصمم لج تالي قرري لأن عرس الأخت مهم صراحة

لازم تكونين رزة فيه هذا رايي

 

[fofo90]

روحي شوفي حولي النقرة الجنوبي والشمالي والمهلب والعثمان وبعد مجمع 360 في جم محل عندج الفروانيه الحمرامول وفي البيرق وووبس هذا اللي اذكره الحين
جيكي افتري عليهم تلاقيين واايد واسعارهم في الغالي وفي المتوسط شوفي اللي يعجبج ويناسبج

 

[elzain^kella]

شفت بمجمع البستان الموديل اللي بالفترينه حامل ولابسه سهره هذا اللي أنا ذاكرته وشوفي بليلى جاليري بعد

 

[مذهلة2013]

حرام تشترين شي غالي وتلبسينه بس مره
انا اشوف جذي
ف شوفيلج شي حلو او خيطي شي حلو
بسعر مناسب لانه حرام مو بكل مناسبه انتي حامل:/
انا عندي بدله وحده كديتها ٣ مرات وسيعه ومريحه

 

[جلنار الكويت 13]

مجمع البستان وزهره وليلى جاليري توني فارتهم ادورلي بدلهم ناااااعمه وماتسوى سعرها ابببدا وكلهم نفس الموديل قصة صدر من تحت ساده ومن فوق شغل .. تبين فنتق بس بصراحه السعر دبلات بمجمع البستان محل المصممه عالية السهيم صج بدلها للحوامل غير ومختلفه عن السوق بس نااااار ٤٠٠ وطالع

بصراحه حرام ادفع مبلغ على بدله بلبسها لساعتين ومره بالعمر
ناوية افصل عند خياط بإذن الله

 

[beealh]

رحت البستان والفنار وايد غالين و عاليه رحت بصراحه ما يسوون حرام وكله لبسه وتنقط يعني حدي ادفع عليها 200

 

[sara_87]

اشتريلج خام وخيطيه ما يكلفج ٨٠ دينار

انا شريت خام شيفون مع البطانه و دانتيل مشكوك حق الصدر وخيطته خياط ناعم اشحلاته

 

[baa6aa]

اي مقاس تبين ؟
لان طلبت بدله وما لبستها موجوده يديده و حيل حلوة
تصلح حق عرس قريب كشخه حيل*

 

[beealh]

مشكووووووووووووووورين بنات حبااااااااااايبي لا خلا ولا عدم

 

[beealh]

قالتلي عمتي عن مجمع الحمرا مول انا سمعت بلفروانيه طقيت بريك بس بعدين قلت خل اروح اشوف في حصلت حلوووووووووووووووووين وعلى 100 و تفصال تسويلج قصت صدر و دانتيل ب 50 ناعم بس قالتلي وحده هناك بما ان باجي شهرين حرام تاخذين من الحين يمكن تصير ضيجه تعالي اي وقت وبتحصلين المديل اللي تبينه واذا ما حصلتي اخيطلج

 

[@سيدة نفسي@]

شسم المحل؟ يمكن أحتاجه

 

[beealh]

سيدة روحي مجمع الحمرا مول الدور ال 2 كله بدل اعراس بتحصلين وايد وكله حق حمل

 

[@سيدة نفسي@]

مشكووورة حبيبتي ماقصرتي