ابي اولد : (

[فروح]

السلام عليكم ..،

اول شي كل عام وانتم بخير .. ويارب يسهل على كل حامل ويرزق كل محرومه ياررب

بناااات انا حامل ودخلت اسبوع ال 39 وخلاص مو قاددره اتحمل ..، انا مو ثقيله بس عوار بظهري والم باسفل البطن ذبحني

الدكتور يقول ولادتج على 7/11 واذا مافي شي لين هالحزه ننطر 10 ايام وبعدها ولاده اصطناعي :/

الحييين ابي نصاايحكم شنو الي اسويه عشاان يصير عندي ولاده والله تعبت خلاص يعني شنو اسوي عشان ينزل البيبي وجذي : (

 

[كويتيه شماليه]

امشي على تراب البحر يفتح لج الرحم وتولدين بالسلامه يارب

 

[فروح]

كل يوم مشي ،، ماادري مااحس بشي ،، الله كريم ..، يعطيج العافيه حبوبه

 

[emerald]

نفس حالتج كملت 39 اليوم وباجيلي اسبوع المشكلة لو طولت اسبوع ونص بيحولوني قيصرية

والدكتورة تقول لاتمشين ماينفع المشي بس يزيد طلوقج !!

شربت دارسين وكل الاعشاب اللي عندي ومن دشيت التاسع اكل تمر بس ماصار شي..

ابي اولد بسرعة:eh_s(2):​

 

[جمالي مو صج]

هذي مشكله كل الحوامل الله يسهل علينا ياارب

 

[كويتية^_^كول]

الله يسهل عليكم
أنا بقولهم عن طريقتي وحطيتها قبل اللي جروبها بعضهم ضبطت معاهم ؛)
شربو ((((((((خروع)))))))

ناسيه قرشه كامله او نصها خلطيها عدل مع عصير عشان لاتحسين بطعمه
وبعدها سوي الجماع مع ريلج
وتسبحي وجهزي نفسح واغراضج للمستشفي

صج بعدها تكرمون إسهال :eh_s(2): بس بإذن الله مايصير نص يوم الا ولاده :ggdw:
جربوها :rerrerek: وانشأ لله تضبط معاكم وطمنونا بالنتايج:eh_s(7):

 

[.Om Fa6ma.]

انا مثلكم
باجيلي اسبوع ان شاء الله وادش الاسبوع ال٤٠
وعوار ذبحني ببطني من تحت وظهري ومعدتي صج صج تعبت
ياربي انك ترزق امي اعلى مراتب الجنه على تعبها فيني
بس بنطر لي عقب الاسبوع ال٤٠ اذا ما جاني الطلق باذن الله بشرب خروع وانطر

 

[emerald]

ماعندي خروع وماعندنا بحر .. شسوي

شربت دارسين وقاعدة اكل اناناس ما احس بشي بس الم بعظام الحوض ..​

 

[ام الذوق]

الله يسهل عليج يارب وتقومين لنا انتي والبيبي بسلامه

 

[فروح]

ثاانكس على نصايحكم فديتكم .،،

اخاف اشرب خروع ويجي طلوق ومايفتح الرحم فيه ناس جذي تقول :/

بس اكمل الاسبوع اشربه واشوف شيصير .