ابي اولد نفسيتي تعباااانه 

[Om-azooz]

سلام
انا لي جم يوووم بالتاسع والله زهقااانه من روحي مليت
نفسيتي اكس صااايره عصبيه حيييييييل اترنفز من اي شي حتى زوووجي يقولي صااايره نفسيه وومتضاايق مني ووانا حيييييل ثقلانه حييييل ووقصب امشي تعباااانه ووريولي مورمه محد يحس فيني كلش ووالمشكله مااعندي خدامه غسيل ووووكوي يعني زين مني اقوووم اسوي الغدا
نصاااايحكم ابي اي شي يخلينني اولد تعبت ابي ارتاااح من هالعذاب محد يحس فيني تكرمون حتى الحمام ما اقدر ارووووح من الثقل وووما اقعد اتعب كله مسدووووحه ابي حل
المشي اتعب ما قدر امشي ريولي مورمه ووقصب امشي ابي شي يخليني اولد بسلامه من غيييير ضررر

 

[قـــمـــرهم]

الله ييسر امووورج يارب

 

[زيووونتييي]

الله يسهل ويهون عليج يارب

 

[joorey]

الله يسهل عليج
شربي عصير أناناس واكلي رطب

 

[الخيال المتلاعب]

قولي الحمدلله علي الصحه هذا شي طبيعي المفروض تنطرين لين الله يهون عليج اهم صحتج انتي والبيبي بعدين توج في اول شهرج اذا كل شي زين قولي الحمدلله وماله داعي هنفسيه والله يهون عليج لاتاخذين اشياء تحرض علي الولاده موزين لكملتي شهرج كله روحي للطبيب والله يسهلها عليج وادعي اربج تجيج ولاده طبيعيه

 

[Om Lamis]

الله يسهل لج خيتي

 

[مشتطـه]

مادري
وحده بالتاسع مو مجبورة تطبخ الغدا وتنظف وتغسل

كافي اللي فيها المفروض اللي حواليج يقدرونج ؟
يكفي اللي شايلته ببطنج ؟

 

[ام الحلوااات]

اتـــكــلــي عــلــى ربـــج و وســـعـــــي صـــدرج وصــبــري حــبـيـبـتـي
اللــي صــبــرج شــهــــور مــايــصــبــرج ايـــام
وجــيبــي لــج شــغــالــه بــاالـســاعـــه تــســاعــدج
ونــصــيـحـه لاتــاخــذيــن شــي والــرحــم مــوفـــااتــج ابـــد
كــثــري مــن الـتـمـر والــمــشــي وسـبـحــي بـمـاي دااقــي
وخـلـيــه مــركــز صــوووب الـظـهـر والـبـطـن
واللـــه يــســهــل عــلــيــج ويـقـومــج بــاالــســلامـــه​

 

[محسن ولدي]

الله يعينج ويهون عليج واعتبري حركتج بهالشهر مساعده لج وتهون عليج ولادتج ادري تعب وثقل ومالج خلق شي بس تحملي واحتسبي الاجر وهوني على زوجج اهو ماله ذنب تنفسين عليه

 

[sosowaty]

حياااتي انا قبلج جربت كل شي و ما انفتح الرحم كلش

وولدت طلق صنااعي

و المشي يخفف الورم الي بريلج

و هانت ما بقا شي

لا تلعبين بروووحج و لا تعبين البيبي

يمكن تشربين شي ييبلج الطلق و لا يفتح الرحم و بالتالي البيبي يتعب لا سمح الله

عرفتي خلي اتكالج كله ع الله

و اذا انتي بجر ترا عادي تاكلين شهررررج

والله يسهل و يهون عليج

 

[كتريناااا]

انا حاسه فيج طيب ليش ما تروحين بيت اهلج وتريحين لين وقت ولاده او تجيبين خدامه مؤقته باليومي او بالشهر انا أخذت وحده بالشهر 180 وتسوي كل شي طبخ وغسيل وتنظيف لان ما فيني حيل اشتغل وارتحت وايد نصيحتي أخذي خدامه مؤقته اما انج تشربين شي ما انصحج لان دكتوري منعني اشرب اي شي علشان ما ياثر علي ولا علي جنين قالي اكلي تمر وشربي عصير وكثري ماي بس وانشالله ربي يسهل عليج وتولد ين بالسلامه

 

[انجبر قلبي]

حبيبتي والله حاسه فيج يا قلبي هالفترة صعبه ولازم تتحملينها فترة مؤقته وتمر ماباجي شي اقل من شهر تحملتي هالشهور باقيلج هالجم اسبوع تحملي حبيبتي والله يهون عليج

نصيحه لا تسرعين الطلق وحتا لا ترضين بالطلق الصناعي الا بسبب مقنع كاني انا استعيلت ف بجري نفسج ابي اولد وابي اولد ورضيت بالطلق الصناعي عشان بس اولد بسرعه وكاني مصيري قيصريي

التدخل الطبي و التدخل البشري سبحان الله تحسين يخرب الطبيعه ايي كلشي غير طبيعي

خليها اتيي من الله طبيعي ويطلع الياهل بصحه وسلامه وسلامتج بعد مهمة

و اذا تبين نصيحتي لا تشربين سوالف وخرابيط عليج بـ الرطــــــــب مذكور بالقران وقت ولادة السيده مريم ولدها عيسى سبحان الله يسهل الولاده

 

[Om-azooz]

حبايبي مشكورين ماقصرتوا

 

[ام يسووفي]

نفس حالتي هذا اخر اسبوع لي بالتاسع وتعبت حدي ابي اولد الله يسهل علينا

 

[قَلبڪْ صًخرْ]

روحي لهلج ارتاحي

 

[hano0oda]

الله يسهل عليج ان شاءالله