ابي انقـل للأوقاف ساعدونـــي ؟؟!!

[أشبـاهـ المطـر]

السلام عليكم ورحمة الله وبركــاتــة




ساعدوني بنات انا تعين جديد ومو متقبله الدوام نهائياً
وابي انقل قالولي لازم سنه بعدين اقدم على نقل ؟؟

هــل هالحجي صحيح وشلون الطريقة والاجراءات ؟؟


ابي معلومات عن النقل فيدوني :0bee2e8d89:

 

[أم أحلى البنات.]

انتي تعيين جديد وين ؟؟

 

[‏إنگِسَارْ آلشَـوْق ..!]

انتي وين متعينه ؟
وشنو شهادتج؟

 

[أشبـاهـ المطـر]

بالتربيه ومسماي م.مشغل حاسب آلي

 

[جوجو.]

حسافه ليش تبين تنقلين

 

[أشبـاهـ المطـر]

ساعدونـــــي

 

[أشبـاهـ المطـر]

جوجو ماارتحت وانا من زماان ابي الاوقاف

 

[شموووخ وغروور]

حتى انا حطوني بمكان وانا ما ابيه ودي بالاوقاف شلووووووون ؟؟
وجم لازم على ماننقل ؟؟

 

[لحظة شوق]

سوي ندب

ومدة الندب سنة وعقب يثبتونج رسمي

عسى الله يوفقج يارب

 

[شموووخ وغروور]

مشكوووووووووره لحظة شووووووووق عالرد

 

[&شوارفسكيه&]

الاوقاف يبيلها واسطه حماتي قعدت بالبيت سنتيين على ما توظفت
واهي مدرسه لها فوق ال 6 سنوات تدريس
اذا عندج واسطه بينقلونج

 

[$ فراولة $]

عسى الله يوفقج ويسهل امورج

 

[بصْمةُ ضِيَاءْ]

موفقه حبيبتي ويسهلها ان شاء الله

 

[أشبـاهـ المطـر]

up

بليـــــز ساعدووني

 

[أشبـاهـ المطـر]

بنات من ناحية الواسطة عندي واسطه
بس شنهي الاجراءات شسووي كتاب ادزه لمنو
مااني عارفه الاجراءات بليز فهمووني

 

[*سوسو ستار*]

اذا لقيتلج حل قوليلي

 

[*سوسو ستار*]

يقولون لازم تجيبين موافقه من الاوقاف انهم يبون يوظفونج عندهم وموافقه من التربيه على النقل بس شلون مدري انتي روحي اسألي

 

[أشبـاهـ المطـر]

طيب شلون اروح اخاطبهم
ولا يكتبون لي كتاب ؟؟

التربيه اكيد مايبوني لووووووول
بعد بنقل اتوقع التربيه مالها شغل

اهم شي الاوقاف موجذي؟؟


وآآب

 

[sraab]

اذا تبين نصيحتي خليج بمكانج احسن

انا بالاوقاف ولايعه جبدي من هالوزارة السكه اللي مافيها شي سنع وودي انقل منها اليوم قبل باجر
بس اذا كنتي معزمه بقولج الطريقه وانتي كيفج

روحي حق مكتب اي عضو بمنطقتكم وخليه يسويلج كتاب نقل حق الاوقاف ويوقعه من الوزير وبعدها اخذي هالكتاب وروحي مجمع الوزارات وصعدي الدور الثاني على مااعتقد صوب وكيل الوزاره وهناك يوقعون لج 100 توقيع وهم يقولون لج شنو تسوين

وموفقه يارب

 

[الأمل لحظه]

بعد اذن صاحبه الموضوع تنصحوني اشيل الربط من الاوقاف وبعد مايقبلوني الوزاره الثانيه احول للاوقاف تصدقون ماقعد احد ماسالته هالسؤال ومالقيت الاجابه الشافيه ............... وماخاب من استشار*************