ابي امتن .. شنو نصائحكم؟؟

[نفيشه]

السلام عليكم ورحمة الله وبركاته

انا طالبتكم يا احلى بنوتات

يمكن مشكلتي غريبة ونادرة الوجود هالايام

مشكلتي باختصار ان شهيتي للاكل معدومة تماما

و وزني قاعد ينقص بشكل مو طبيعي

فانا قررت اني اراقب الاكل اللي اكله ... واحاول اضبط الموضوع

لاني بعد يومين خلاص ما راح تلاقوني

فشنو تنصحوني اسوي...؟؟؟

واللي جربت شغلات ممكن انها ترد العافية وتفتح الشهية للاكل يريت ما تبخل علي فيها

وسلامتكم وتعيشون

 

[xxx]

رد : ابي امتن .. شنو نصائحكم؟؟

هلا نفيشه

ديري بالج على نفسج

انصحج تسوين تحاليل شامله

وتحليل الغده الله لايقوله

 

[نفيشه]

رد : ابي امتن .. شنو نصائحكم؟؟

بنوته

انا والله عندي خلل بالهرمونات فاحتمال وارد ان يكون هذا السبب
بس انا قلت اجرب بالاول اتابع اكلي واذا ما شفت نتيجة راح اراجع هالموضوع

 

[xxx]

رد : ابي امتن .. شنو نصائحكم؟؟

ماتشوفين شر ان شاءالله

 

[نفيشه]

رد : ابي امتن .. شنو نصائحكم؟؟

الشر ما اييج بنوته

: ))

 

[^^دموع الكويت^^]

رد : ابي امتن .. شنو نصائحكم؟؟

هلا وغلا اختي اول شي ما تشوفين شر وان شاءالله ماكو الا العافية


عندج شوربة العدس تفتح الشهية ... جربي وان شاءالله ماكو الا كل خير

 

[jolie_q8]

رد : ابي امتن .. شنو نصائحكم؟؟

رافجي المتان..واكلي وياهم
انا خربت رفيجتي ..كانت ما تعرف تاكل واتمطط بالاكل..وتشبع من أول لقمه
الحين ادور رجيمات علشان تضعف
ولا تنسين تروحين المطاعم..اكلهم يمتن

 

[ektifeet]

رد : ابي امتن .. شنو نصائحكم؟؟

وصفات زيادة الوزن

ترى كلهم اعشاب ومايضرون انشاء الله

وصفه من طبيب أعشاب وهي:
150 غرام زبيب تؤكل يوميا
2ملعقه صغيره سمسم 3مرات في اليوم
عسل نحل يوميا
موز 3مرات في اليوم



وصفات جديده لزيادة الوزن



الوصفة الأولى
---------------
الحلبه وهي تأخذين ملعقة صغيره 6 مرات في اليوم
أولا تضعين ماء قليلا في فمك ثم ملعقة الحلبه وتبلعينهابسرعه ومن ثم القليل من العصير علشان يتغير طعم
مرارة الحلبه صدقيني في اول مره صعب لكن بعدين تتعودين وأستمري الى ان تسمنين


الوصفة الثانية
---------------
حب العزيز يوجد عند العطارين والطريقه كما يلي :
يطحن ويضاف إليه حلبه ومكسرات مثل اللوز والفستق ويؤخذ مع كأس حليب أربع مرات في اليوم شهر كامل أو
أقل شوي (نطحنه مع اللوز والفستق ونخلطه بالحليب ونشربة)


الوصفة الثالثة
---------------
مغلي الحلبة او مسحوقها لتسمين الجسم
وذلك باضافة ملعقة صغيرة من مسحوق الحلبة الى لتر من الماء وغليه لمدة دقيقة واحدة فقط يصفى بعدها المغلي
ويشرب بجرعات متعددة ( ملعقة كبيرة كل ساعة )
اما اذا حبيتي ان تستخدمي مسحوق بذور الحلبة فانه يمزج منه مقدار 10 جرامات مع كمية معادلة من زيت الزيتون
ويؤخذ ربع هذه الكمية اربع مرات في اليوم واول ما تشوفي جسمك اعتدل يكفيك


الوصفة الرابعة
----------------
لوز + جوز + تمر + عسل
يعجن ويعمل على شكل كور ويؤكل منه 3حبات يومياً
هاذي الوصفة من عطار


الوصفة الخامسة
-----------------
زيت حلبة + زيت خروع
بمقادير متساوية ويوضع على المكان المراد تسمينه


الوصفة السادسة
------------------
تخلطي ملعقتين من الحلوه الطحينيه مع علبه صغيره لبن زبادي وتااكليه على الريق يعني اول ما تقومي من النوم


الوصفة السابعة
-----------------
يوضع مقدار ملعقة متوسطةمن أوراق الجوز في كوب ماء حار مدة ربع ساعة ثم يُصفى ويشرب كوب بعد الغداء
بساعتين وكوب بعد العشاء بساعتين والله ماقد سمعت بأوراق الجوز هذي ولا أدري كيف شكلها


الوصفة الثامنه
---------------
لتسمين الوجه أكل الزبيب.... وشرب عصير الكيوي


الوصفة التاسعة
-----------------
اكثري من اكل التين والزبيب والحمص


الوصفة العاشرة
-----------------
مشروب الحلبه

المقادير:
5 ملاعق حلبة.
3 ملاعق سكر.
ملعقة عسل أسود.
الطريقة:
يغلى الماء جيداً ثم يضاف العسل الأسود لمدة 10 دقائق على النار ويستمر فى التقليب ثم تضاف الحلبة وتستمر على النار لمدة 5 دقائق ثم ترفع من على النار وتشرب ساخنة

 

[@ الرسامة @]

رد : ابي امتن .. شنو نصائحكم؟؟

شوفي حبيبتي




اول شي حللي وراجعي دكتور



ثاني شي حطي حيلج بالتمر لانه كله فوايد وسكريات



وكثري من الوجبات يعني بدال الثلاث وجبات خليهم اربع




بس نصيحة مني لج روحي لدكتور يحطلج نظام غذائي يوالم تحاليلج

 

[نفيشه]

رد : ابي امتن .. شنو نصائحكم؟؟

بنت بلادي
مشكووووووورة وايد وايد
والله ما ادري شنو اقول لج كفيتي ووفيتي
وانشالله بجرب
والحلو ان في خيارات وايد


الرسامة
تسلمين حبيبتي وانشالله بجرب سالفة التمر

دموع
عاد انا احب شوربة العدس بس ثقيلة وبجرب انشالله

جولي
احلى كلام رافجي المتان .. مرافجتهم بس ماكو فايده ما عادوني

 

[حبنا الله عليه]

رد : ابي امتن .. شنو نصائحكم؟؟

نفيشه ... ان شاء الله ماكو الا العافية

والأسلم تفحصين بالأول

اذا النتايج مطمنه حيلج

بالعيوش والمعكرونيات والشيبس


وتشوفيـــــــن الرشاقه على اصولها

هههههههههههههه

 

[نفيشه]

رد : ابي امتن .. شنو نصائحكم؟؟

حبنا الله عليه
انشالله ناوية افحص والله وعلى قولتج حاطه حيلي بالككاو والشبس

 

[@ الرسامة @]

رد : ابي امتن .. شنو نصائحكم؟؟

يالله طمنينا عليج

 

[نفيشه]

رد : ابي امتن .. شنو نصائحكم؟؟

والله للحيني ما زاد وزني شي لكن وقف ما قام ينزل اشوة
وقاعده اتغصب الاكل غصب

 

[al7reyaa]

رد : ابي امتن .. شنو نصائحكم؟؟

الي المينونه نفيشه ما اقول الا الله يشافيج وله اكو احد بيمتن جسمج يهبل يا المينونه لا تخليني اقول عنج مخديه

 

[السفيرة عزيزة]

رد : ابي امتن .. شنو نصائحكم؟؟

الحريه

اشفيج انتي

ماخذتنا بشراع و ميداف

البنيه تقول اخاف اضعف و انا ما اكل عدل

بسالج نفوش اشلون الاكل معاج الحين احسن من قبل؟؟؟؟؟؟؟؟؟؟؟؟؟؟؟؟؟؟

المهم انا اعتقد انه المشكله نفسيه

حطي اكلج جدام التلفزيون و دوريلج شي يضحك

و شوفي نفسج اذا ما خلصتي الصحن

انتي ريحي نفسيتج

و كل حاجه حترجع بس لوحدها

 

[al7reyaa]

رد : ابي امتن .. شنو نصائحكم؟؟

عزوز اكو احد بيمتن .....؟؟ انا اول قبل لا اتزوج عابلت .
نفيشه خليج جذيه تشقين شق واذا بتطلعين استانسي من قلب لا تيبين طاري ريلج وحمولتج ترى بتموتين من الفرحه حدج.

 

[السفيرة عزيزة]

رد : ابي امتن .. شنو نصائحكم؟؟

الخريه انا اعرف وحده بغت تمتن

عاد اهي صج محتاجه انها تمتن لانها ضعيفه حيل
و مو حلو عليها
الهم راحت الطبيب و عطاها نظام غذائي
تدرين الحين شتسوي
الحين تمشي بالممشى و تسوي رجيم تبي تضعف
اتصدقين

الاوادم محد عاجبه شي
اللي يبي يضعف و اللي يبي يمتن

الحمد لله عالعافيه
جني قلبت عليج نفيشه

بس اقول طمنينا عليج
و انسي المغثه و انتي تاكلين عدل

 

[فروحة توحة]

رد : ابي امتن .. شنو نصائحكم؟؟

يا عومري والله يا نفيشة

ما تشفين شر

وعندي خوش دوا اختي ماشالله مجربتة
بس والله اخاف عليج

اول روحي سوي تحاليل وشوفي شالسالفة

لا تنسين النفسية اسم الله عليج

خلي كل شيء يولي
حاولي انج تسترخين
وتوقفين مخج من التفكير

ربي يهدي سرج ويفرح اقليبج
ولج الا العافية

تعالي اكلي معاي نوتيلا ممممممممممممممممممممممم يخبل

 

[al7reyaa]

رد : ابي امتن .. شنو نصائحكم؟؟

انا واعوذ بالله من كلمة انا ..... وين كنت وشنو صرت واااااااااااااااااااااااو
عشت سنيييييين وزني 21 ثابت عقب تغير وهم عشت اسنييييين وزني 35 وهم عشت اسنيييييييييييين وامنيييييييييين وزني 42 وعشت ادهر وزني 48 وتزوجت وزني 52 وانا عروس ولكن من تزوجت الميزان مو راضي يقعد ويركد صاير مثل البورصه ايام المناخ دايما مرتفع