ابي اللي راحو تركيا وخبيرات تركيا ضروري واللي يدخل حياه الله

[Rose Foshee]

السلام عليكم ورحمة الله وبركاتة
شلونكم بنات عساكم بخير انا ابي مساعدتكم وهمتكم معاي الله يعافيكم انا كنت ناوية انا وزوجي وبنتي نروح ماليزية بس تغير راينا وفكرنا نروح تركيا اول مرة اروح لها وابي اسالكم انا البس عباية ونغاب هل يستنكرون لبسي او يخزخزون لان رحت ماليزيا وعادي عندهم لبسنا وابي شنو احسن منطقه عندهم وتصلح للمتزوجين وابي شنو احسن الفنادق ام خمس نجوم وشنو الاماكن السياحية الحلوة عندهم ادري اني غثيتكم بكثرة اسألتي بس قلت مراح يساعدني الا بنات منتداي وابي فزعتكم تكفوووووووووون وسلامتكم...​

 

[Um ЯaYaN彡]

انا رحت تركيا بس مارحت اسطنبول انتي وين اي منطقه بتروحين
انا رحت انطاليه ومرسين كلهم على البحر وشي فضيع كانت ويانا وحده منقبه بصراحه كل شوي يوقفونها حريمهم عشان يشوفون ويهها
انطاليه شي فضيع وماعالم وكهوف فضيعه ودنياااااااااااا طبيعه وخضار يهبل
انصحج فيها

 

[سحــابة شــوق]

انا قريت بمنتديات سياحيه انه عادي النقاب ومحد يستنكر ,,,,


وبالنسبه للمناطق فروحي اسطنبول وسكني بمنطقة التقسيم لانها امان وروحي يلوا وبورصه


اما بنسسبه للفنادق فانا ناويه اسافر لتركيا وللحين ادور

 

[طوق البنفسج]

ما يستنكرون النقاب كلش يوم رحنا شكثر صادفنا سعودين عادي عندهم الوضع ..

و روحي بورصه و اسطنبول ..

في اسطنبول سكنا فندق كروان بلازا اول اسبوع و عقب سكنا فندق كونراد .. بس هذيل مو بتقسيم الانه ماكنا نبي اللويه .. بس كونراد مكانه زين حق عوايل .. يمه سوبرماركت و مطاعم و سوق صغير و هم قريب من البحر ..

كراون بلازا بعيد عن للويه بمطنقه هاااديه و احنا اخترناه عشان موقعه على البحر و يمه الكورنيش كل ليله انتمشى فيه عقب مانرد من الرحلات ..

 

[nouna82]

عادي تركيا من احلى الدول اللي رحتها

 

[Om_Ksha]

احنا كل سنه نروح تركيا .. نوعهم يخزووون سواء نقاب ولا لا .. احنا ساكنين اب يلوا منطقه مليقه مانصح فيها


تركيا حلاته تنويييع من مكان لي مكاان بورصا اسطنبول كوك شجره انطاليا ففي لهم امااااااكن واايد ,,

 

[manoola]

عادي النقاب لان وايد عندهم متحجبات
اسطنبول روحي شارع تقسيم في فندق يديد ماصار له سنه اسمه تايتانك حلو وخمس نجوم وموقعه حلو
اما الباجي عندج يالوا حق المياه المعدنيه الحاره وجذي وبورصه ارخص من اسطنبول وابرد بس اذا تحبين اللويه تلاقينها في اسطنبول اكثر بورصه اهدا وعندج
وبحط لكم رقم مكتب ا1ذا بغيتوا سيارة والا سايق مع ان اسعارهم كالعاده مو رخيصه بس مرات الواحد يحتاج احد يعلمه بحطه للحاجه بس اسمه النورس وهذا رقمهم 00905356919476 واسمه خالد قرق هو مكتب سياحه وسفر وشوفوا حظكم معاهم

 

[Pretty Amoola]

انا رحتها من زمااااااان كنت بالثانوي، بس عادي النقاب عندهم، لأن اهم بعد عندهم

وايد متحجبات.

أما الأماكن السياحية أذكر زرنا: 1- متحف طوب كابي ( رووووعة )

2- قصر دولما باهجة.

3- قصر السلطان عبدالحميد.

4- آيا صوفيا.

هذا الي أذكره، اما الأسواق : 1- السوق القديم.

2- جالاريا مول.

بس الحين اكيد افتتحوا مولات أكثر وأسواق وفنادق أكثر،

احنا سكنا بفندق مرمرة ليلة وكان زين وباقي الأيام سكنا بشقة بس لا تسأليني عن العنوان

لأني ما أذكر خير شر....

لا تخلون كل الأيام باسطنبول ، لازم تروحون بورصة ويلوا بتشوفون هناك سحر الطبيعة.

وبعد لا تنسون جزيرة الأميرات .


بالتوفيق والله معاكم.​

 

[UK_Girl]

اذا بتروحين استبنول
الكويتين كلهم يقعدون بفندق اسمه مرمره بمنطقه اسمها تقسيم تعتبر مثل الداون تاون فيها شارع اسمه الاستقلال
وهذا الشارع طويل ويمر فيه ترام وعلى يمينه ويساره محلات ملابس واحذيه وغيره اشكال وانواع وكافيهات ومطاعم امريكيه وفاست فود وتركيه بعد مثل محلات الشاورما والعصاير والحلو التركي


بتركيا اذا تبون تنحاشون من التكاسي وتحافظون على فليساتكم استخدموا المترو ..تاخذون مفتاح اسمه اكبيل Akpilمن اكشاك تبيعه يم محطات الباصات وتدفعون له 6 ليرا كديبوزت تقدرون تردونه اخر يوم من السفره ،اكبيل يعتبر مثل بطاقة الاويستر مالت لندن يستخدم للباصات والترام والمترو بدال لا تشترون كل ساع تذكره يوفر فليساتكم للنص وتفتكون من التكاسي وتقدرون اتجرجونه فلوس باجهزه موجوده بالمتروات كل ما احتجتوه.
من المترو بتقسيم تقدرون تروحون مباشرة..الى كابتاش منطقه على البحر فيها قصرسلاطين الدوله العثمانيه دولما باهجي
او من كابتاش تاخذون المراكب اللي تروح لجزيرة الاميرات حلوا اجواءها وفيها حناطير او تاجرون قاري

ومن محطه كابتاش تطلعون وتاخذون قطار معلق يوديكم لمنطقة سلتان اهمت فيها كل يلي ذكروه البنات :ايا سوفيا ،سلطان اهمت،ومتحف توب قابي كلهم صايرين يم بعض تخلصين من واحد تمشين للثاني منطقه كلها سيااااح و حياة .

انا راح اكمل بتفاصيل بس الحين مشغوله ارجع بعدين واعطيج تفاصيل اكثر اذا تحبين تركيا حلوا وناسها كانوا معانا حبوبين بس شوي ماعندهم اتيكيت في التعامل وبسس وروحي استانسي مع ريلج الله يهنيج ويتمم عليج جوها الحين ربيعي انا قبل ايام راده منها ورد التوليب بالشوارع يرد الروح وشوي فيها من ايطاليا شوي

 

[¤§ زيتونة §¤]

تركيا احلى اختيار
تهبل وطبيعة خلابة
وما تملين منها


الله يسهل طريجكم وعليكم بالعافية
البنات ما قصرو يزاهم الله خير











انا رحت لها 27-3 ورديت 31-4 صج يومين ثلاث بس من احلى السفرات الصراحة تريح الاعصاب وتهدي القلب
اخييييييييه تركيا عشقي الابدي
روووووووووووووعة برد ومطر وثلج في جبل بورصة ووناسة تلعبين بالثلج وتغوووصييييييين فيه بعد ههههههههههههه

 

[Rose Foshee]

الله يعطيكم العافية بصراحة انكم تبيضون الوجة وماقصرتوا برددوكم الحلوة واللي تشجع على السفر لتركيا ومشكورة حبايبي...

 

[شيخة الشيخات]

بغيت أسأل .. أخاف إنه سؤال غبي بس ميخالف
بالصيف عندهم ثلوج؟

 

[¤§ زيتونة §¤]

حبيبتي شيخة الشيخات


سؤالج مو غبي عادي اخذي راحتج



اذا رحتي باول الصيف يعني باخر 6 تقريبا ولا نصه بتلحقون عالثلج للحين فوق بالجبال

احنا رحنا جم مرة هالحزة ولحقنا عليه في بورصة بالجبل روووووووووووووعة

 

[fat]

انا معاكم تركيا حلوة بس بصراحة وايد غلت عن قبل عني اروح دولة اوربية احسن انا سامعة منطقة طرابزون وايد حلوة ومنطقة كابدوكيا الي مثلت فيها نور يوم يبوقها عابدين منطقة وايد يمدحونها وفي عندج اسطنبول اذا رحتي روحي ملاهي اسمها تعطيليا وايد حلوة والله يونسج بالعافية

 

[Rose Foshee]

مشكورة والله يعطيكم الصحة والعافية..​

 

[تمنيتك]

انا مع حبيبه قلبي زيتونه

تركيا عشقي الابدي اي والله

راحه للنفس من اول ماطب ريلي بارضها اخيييه

روحي بورصه بصراحه حلوه وعليكم بالعافيه .. وعادي علي النقاب

 

[أم جوري]

الله على تركيا

اذا بتروحين جم يوم عندش اتانبول تكفي وتوفي وما تلحقين عليها بعد اسكني في فندق تايتانيك راقي وفي تقسيم

اذا تبين نحجز لش من الكويت حاضرين ..


روحي لموقع زاد المسافر تلقين كل المعلومات .. عن تركيا وغيرها ..