ابي الله يرزقني تؤام شنو الطريقه؟؟؟

[Kona83]

انا متزوجه صارلي شهرين وزوجي موراضي اخذ ابر التوائم وانا خاطري اول حمل لي اجبب تؤام ساعدوني يابنات شنو الحل البديل عن الابر عسى الله يحقق الي فبال كل وحده تفيدني :yaaaaaarb:

 

[عسل حدي]

لازم ابر وحبوب

 

[Kona83]

غيره مافي اشياء تنشط البويضات ؟؟؟

 

[فراشهf]

لاتاخذين شي وتحسفين طول العمر انا عن نفسي خذيت منشطات من دكتور معروف بالكويت وللاسف صار فيني تضخم بالمبايض ومورمين المبايض حسبي الله ونعم الوكيل

 

[Kona83]

انا مابي اخذ شي من دكتور لان ريلي مو راضي اخذ اي شي فيه هرمونات انا ابي سوالف طبيعيه وتجارب بنات تقوي المبايض وتساعد ع التوائم لان انا قبل يوم كنت بنت كان عندي تكيسات وخلل بالهرمونات ويطلعلي شعر بالذقن بس خف الحمدلله مع العلاج قبل الزواج وقالولي ان بعد الزواج تتعدل الهرمونات ف وايد احاتي هالخربطه الي صارتلي قبل الزواج وانا الحين عمري ٢٩ سنه توني متزوجه تدرون الوحده الحمل بالععمر هذا شوي يتأخر فيدوني بوصفات للتوائم
عزيزتي فراشه الله يشافيج ويعافيج يارب

 

[orchidia]

لو تبين بالمنشطات وغيره لا

وانصحج ابتعدي عنها لأنها سبب التكيسات دامج بخير وعافية

خليج على خلق الرحمن وان شاء الله ربي يرزقج قريب

 

[orchidia]

لو تبين منشطات طبيعية فيه البردقوش والميرامية والأناناس سواء عصير أو فريش ..

والله يرزقج

 

[Kona83]

لو تبين منشطات طبيعية فيه البردقوش والميرامية والأناناس سواء عصير أو فريش ..

والله يرزقج

امين الله يسمع منج بس انا سمعت ان كثرة المراميه حق المره مو زينه تسوي افرازات ومياها

 

[شافوك بحساسي]

حبيبتي انا انصحج بان تدعين الله انه يرزقج بالتوم
لاتعبثين بعمرج ترا هالشي موهين

 

[ٱستۆطنت خٱفقهْ]

^^


حبيبتي روحي لدكتور ة مو عشان التوأم

لا سسوي فحوصات وتطمني على نفسج

وتالي عليج بالانناس من تغسلين من الدورة ليما ايام التبويض


تنششط


والله يرزقج اللي تتمنين بصحه وعافيه

 

[خفت أحبك وحبيتك]

اذا الله كاتبلج التوم بتييبنهم اخذتي ابر او ماخذتي
انا فيني ضعف تبويض صارلي 6 اشهر عالمنشطات وليلحين مالله كتب لي حمل

 

[@يسرى80@]

خليج ع خيره ربي
صحيح التوأم حلوين .. وأنا لو اتزوج بكون تفكيري نفسج
بس خلج ع مراد الله وخيرته

 

[عسل حدي]

كثري باابايا وافوكادو
روحي محل العصير وقوليله اف كادو وحليب وعسل وشربي بيقسم البويضه وقت التبويض وانشالله بتحملين بتوم هذي كانت نصيحة امي

 

[ابدا يالغالي مانساك]

داامج توج متزوجه حبيبتي
خليج بعيد عن الدكااتره احسن لج حبيبتي
مافيج غير العاافيه ان شالله
وبعدياا الرزق مو بالعمر 29 توج بشباابج حبيبتي
يااما صغيرين توهم ومتااخرين بالحمل يعني العمر مو شرط

ادعي الله بالتؤاءم
خليج دايمن تدعين وكثري الاستغفار وبيعطيج ان شالله ​

 

[Kona83]

تسلمون حبيباتي. ع الرد الله يرزق كل وحده تبي الذريه قولوا امين

 

[رووح ابووها]

نصيحه لاتلعبين بنفسج
وحده تصيرلي تحن على التؤام واهي مافيها الا العافيه
اخر شي راحت لدكتوره وعطتها ابر وجابت اكثر من ٢
ولا تشوفينها لما عرفت بغت تموت من الصدمه والخوف
خلي كل شي على ربج

 

[Kona83]

اذا الله كاتبلج التوم بتييبنهم اخذتي ابر او ماخذتي
انا فيني ضعف تبويض صارلي 6 اشهر عالمنشطات وليلحين مالله كتب لي حمل

الله يرزقني انا وياج بالي فبالنا عافين معافين والسامع يقول امين مايعدي هالشهر علينا الا احنا حوامل ياااااارب

 

[&هند&]

حبيبتي اول شي توج عروووووووووس يعني حرام تلعبين برحمج خليج بالشغلات الطبيعه يعني بس تخلصين دوره اشربي مرامية واناناس ومرقدوش وان شاء الله تحملين بالتوائم السليمين ،،،

 

[Kona83]

حبيبتي اول شي توج عروووووووووس يعني حرام تلعبين برحمج خليج بالشغلات الطبيعه يعني بس تخلصين دوره اشربي مرامية واناناس ومرقدوش وان شاء الله تحملين بالتوائم السليمين ،،،

شنو فايدة المرقدوش موهذا الي يستعملونه حق المغص والمعده ؟

 

[&هند&]

فايدة المرقدوش ينشط المبايض ويعدل الهرمونات ،،،،