ابي الفكه من بيت اهلي

[نمسآونه]

السلام عليم ورحمه الله
دايما نسمع من بعض البنات وهم يمكن نكون نقولها يمكن من الثانوية واحنا نقول
يارب اتزوج وافتك من بيت اهلي وتسلطهم
صج انا مرات اقوله ومرات احس ان اهلي احسن من الزوج
لكت وحدة من رفيجاتي قبل لمن كنت اولى سنه جامعه قالت يارب اتزوج وافتك لو اسم بس
؟؟؟؟؟؟؟؟؟؟؟؟؟؟؟
معقوله الزوج هو امرؤ القيس اللي يسعدج والا حالات نادرة يكون الزوج احسن من الاهل

 

[خالف تعرف]

لان في اهل مايخلون البنت لا تطلع ولا تلبس ولا تسافر فوعليه يبون يتزوجون عشان يكونون اهمه اصحاب القرار اعتقد
بس مو المقصود كرها بالاهل
يعني انا قلت هالشي
ولمن تزوجت كل يوم عندهم وصرت كبيره بنظرهم وهمن استانس اذا امي قالتلي لا
احس اتخاف علي لي لحين واحس ان وراي احد
الحمدالله والشكر لك يارب على نعمه الاهل ماكو اغله منها في الدنيه
الله يحفظهم يارب ويوفق كل واح فيهم بدنيته يارب العالمين

 

[Tulips]

اي مرات يكونون الاهل حجرين فالبنت ماراح ترتاح الا بالزواج

وبعضهم يتوفقون بحياتهم والبعض لا يتندمون على هالكلام .. مرات اتحسين العيشه ببيت اهلج احسن مليوووون مره من العيشه عند الريل

اهي مسئلة نصيب

 

[iLLuMinaTion]

الاهل عزوه

 

[Freakya]

^
^
^

العزوة عزوة رب العالمين

 

[محتارة وبصيح]

ههههههههه نفس حالتي حاليا ابي افتك من هلي

 

[Model Look]

وااي انا لما تزوجت صرت ابي امي وابوي اكثر احس محتاجتهم اكثر :'(

انا متعوده كله اسافر عنهم بحكم دراستي يعني عاادي اتزوج ولا لا وكنت مابي اتزوج

بس ريلي الا يبيني ويخاف اروح من ايدينه خطبني وكنت مو موافقه بس امي غيرت رايي لانه تدري انه يحبني ويبيني صج وقالت لي ماراح تلقين احسن منه

بس لما تزوجت اهلي سافرو سيدا وليلحين مسافرين بحكم شغل بابا

فأحس اني محتاجتهم حيييل معنه متعوده على فراقهم مو اول مره

بس حسيت بقيمتهم وانه اهم عزوتي واهلي والزوج مايعوض عن الاهل

الاهل غييييير صج الزوج يخليج على راحتج ويشبعج عاطفيا

بس الاهل بالنسبه لي غير

وااي ببجي ابيهم

 

[كلنا عشاق لكن]

الأهل شي والزوج شي لأنه الشخص الوحيد بالعالم اللي من حقج تختارينة :eh_s(9):
سواء اللي ببالج مصلحة أو حب فماكو الأ هالطريج هههه
على هالحجي ترى أهلي اللي كانوا يرفضون موانا
​

 

[FeShinGoOo]

تكون مخنوقه من اهلها والحل الوحيد الي ممكن ينقذها هو الزواج .. بس المصيبه اذا طلع الزوج العن من الاهل ..!!

 

[مشتــآقـه]

الشخص ماايقدر قيييمة الاهل الا بعد مايفقدهم او يبعد عنههم مهما كانوا متسلطيين حجرين

اللي اهو بس صدقيني من تبعديين عنهم والله تفقدينهم لانهم اهلج ومااعتقد انه اكو رجااال يكون افضل من اهل البنت

 

[نمسآونه]

يعطيكم العافية ع الردود
بس بالزواج حلو الاستقلاليه وتعرفين عقدهنا كل شي ممنوع الا لمن تتزوجين والا نادرا جدا مايوافقون ع شي ولا يقعدون يمنون ويذكرونج انهم اسمحوا بها الشي *

 

[أم توتو]

ايي والله ذكرتينا ايام اول كل احن متى اتزوج وافتك واكبر بعينهم كلا يعاملوني على اني صغيرة الحين لا صاروا ياخذون رايي بكل شي ويستشيروني الحمد الله

 

[cat^q8]

الزواج استقلالية


بس القرادة اذا صار الريل معقد



انا لما تزوجت صج استقلت بنفسي


بس شوووقي حق اهلي زاااد

 

[♥ SWeeRa ♥]

مرات اقولها لاهلي هههههههه
خصوصا اذا بطو جبدي

 

[هولنديه اياكسيه]

مثل ماقالوا البنات
ماازيد عليهم

 

[رحيل المرافيء]

8
8
8
شهالنك ؟؟؟ وين المشرفات عنج


اكو وايد بنات مو مرتاحات مع اهلهم
ممكن تكون مع مرت ابووو او مشاكل بالبيت او امها وابوها منفصلين
ممكن اهلها مهملين محد يسأل عنها
او محملينها مسئولية البيت واخوانها
احيا يكونون الاهل افضل من الزوج واحيانا الزوج افضل من الاهل

 

[حروف الغـــــلا]

ههههههههههههههه
مرات اذا عصبت اقولها​

 

[الزيـــــ^^ـــــن]

قبل الزواج تيييج مواقف تقولين جذي بس مومن قلبج

لان الف واحد يتحكم فيج وانتي بنت،،،،بس لما تتزوجين بسسس زووجج الوحيد

بسسس والله من تزوجت ماقدر افارقهم اكثر من 3ايام ،،،،، آهماااا (((((حيآآآآآتي)))))

 

[مفاهيم الخجل]

كل بني ادم طماااع اللي مو متزووجه تبي تتزوج واللي متزووجه تقوول ياريتني ماتزوجت هذي هي الدنيا ماافيها شيء كاااامل
الله المستعاااااااان
بس الزواااج هو سنة الحياااااه الاهل مهما قدموو للبنت ومهماا عطووووها مستحيييل ان يلبوولها كل شيء فيه اشيااء تبيها البنت الاهل ماايقدروون يلبوونه لهاا والله سبحانه وتعاالى جعل لكل شيء سبب فالبنت عندها فطرة الحب والجنس وغيرها من الفطر التي خلقها لها الله تعاالى وهذه الفطره يجب ان تكون في الحلال يعني لاحد يشبع هذه الفطره ويملئ عاطفتها الا الزوج فالزواااج نعمه عظييييييمه بلا شك
ومن آياته أن الرجل يمسك المرأة إما لمحبته لها، أو لرحمته بها، بأن يكون لها منه ولد، أو تكون محتاجة إليه في الإنفاق، أو للألفة بينهما، وغير ذلك.
ومن آياته أنه جعل الزواج حصنًا من الشيطان، ودافعًا لغوائل الشهوة، ومعينًا على غض البصر وحفظ الفرج، كما قال النبي -صلى الله عليه وسلم-: (يَا مَعْشَرَ الشَّبَابِ مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ) (متفق عليه).

اسأل الله العلي العظيم ان يرزقني واياااكم الزوج الصاالح والذرية الصااالحه اللهم امييييييييييييييين
اسفه ع الاطاااااااااااااله مشكوووره ع طرحك للموضوووع

 

[إلشآمخة]

الا الاهل