ابي الحمل بس خايفه

[سيده نفسي]

السلام عليكم بنات
عيدكم مبارك وتقبل الله

بنات انا بقولكم سالفتي
انا عندي بنت الله يخليها لي عمرها الحين سنتين ونص
وبيني انا وريلي كلا مشاكل
ومشاكل العاديه بس الحمدالله يحبني واحبه
الحين بنات ريلي يحن علي يبي احمل
ومن حقه وانا بعد ميته علي ريحه الياهل
بس نفس الوقت مابي( استغفر الله )
لان خايفه من المشاكل وجم مره افكر بالطلاق
معني احبه واموت في بس زهقت من الهواش
شورو علي بنات شنو اسوي
والله محتاره ساعدوني

 

[قسوة الزمن]

لا تخلين الشيطان يوسوس لج واحملي تراه الريل نعمة من الله غيرج محروم من الريل والضنا ترا هم الي بينفعونج صدقيني شوفيني انا اهلي رفضوا المعرس الي متقدم لي اه بس شقول توكلي على الله

 

[فدوووو]

الهواش والمشاكل لازم تصير بكل بيت

بس قولي له ابي البنت تكبر واذا صار عمرها خس سنين نجيب عيال قولي له عشان ادلعك ونعيش كم يوم حلوين مع بعض قبل لانجيب بيبي

 

[أم ميميتو]

اذا كنتي مستعده نفسيا للحمل ما فيها شي اما اذا كنتي خايفه و متردده نطري شوي بس اذا على المشاكل هذا شي طبيعي مافي بيت يخلى من المشاكل

 

[أحلى عنابية]

صلي استخاره وتوكلي علي الله
حبيبتي من يدري يمكنهالياهل يزيد محبتكم و تتغير حياتكم للأحسن به و المشاكل عاااااااااادي تصير في كل بيت وهي ترى ملح الحياه ولا يجي على بالج الطلاق استغفري ربج

وتذكري العيال عزوه و سن بتنتج فوق المناسب جيبي لها حد تلعب وتكبر معاه لاتخلين فرق وايد بينهم

بالنهايه الامر متروك لج انا بس قلت وجهة نظري

 

[جنوبية وأفتخر]

توكلي على الله وأحملي باكر أذا صار فيك شي عيالك راح ينفعوك بعد ريلك يبعد الشر عنة وطبيعي في كل
بيت بيت ودار ودار مشاكل .....

 

[دلوعة صلوح]

تعوذى من ابليس والحياة الزوجية لابد فيها مشاكل مو ع طول وناسة.

 

[GaLbI t7aWaL]

يا قلبي مادام ريلج طالب منج البيبي يعني يحبج

وتعوذي من بليس وبلاش هالوسوسه

والله يكتبلج اللي فيه الخير

 

[aloooya]

الله يكتبلج اللي فيه الخير

 

[* ملكني الخوف *]

اذا زوجج يبي ليش لأ؟؟

 

[سيده نفسي]

مشكورين بنات ماقصرتوووو

الله يكتب مافي الخير

 

[zaina alotibi]

وازني الامور بعقلج مو بقلبج ....

انتي تقولين المشاكل بينج وبين ريلج عادية وانه يحبج .... وانج ميتة على ريحة الياهل فشلي يمنع حبيبتي من تكرار تجربة الحمل

 

[كويتيه شقرا]

حياتي تو الناس خلي يصير مر بنتج عالاقل سنتين بعدين فكري لان ماراح تاخدين راحتج توكلين وتشرين وتنومين

 

[جمبلو جمبليله]

نطري حبوبه شوي ،،،، حاولي تطولين بالج مع زوجج خليه يصارخ لي باجر

اصبري يا قلبي ولا تفكرين بالطلاق دام تحبينه

 

[!الجادل الصعب!]

المشآكل العاديه ماتمنع الحمل .. وعلى ماتحملين الا بنتج عمرها ثلاث سنوات وزود ..
اما اذا في شغلاات عالقه بينكم .. حلوها بالاول بعدين فكري بالحمآل ..

موفقه ..,

 

[وردة-الكويت]

الله يهديج تحبينه ويحبج واتقولين المشاكل الي بينكم عاديه وتفكرين بلطلاق

كل حياه زوجيه فيها مشاكل الله يهداج استخيري وتوكلي على الله

 

[راقية بذوقها]

انا اكتشفت شي ياجماعه مو قسوه الزمن في مواضيع لها تقول متزوجه وتبي مساعده والحين تقول تبي تتزوج واهلها رافضين ومو في وحده نكها مجنونة مدري شنو نفس الاسلوب وتقول اهلها كله رفضون المعرس والله مدري شالسالفه بس الى متى الاستخفاف بعقولنا وصاحبه الموضوع احملي يابنت والمشاكل شي طبيعي ربي يوفقكم انتي وزوجج وتجبين اخو لبنتج يارب

 

[بانانا]

لا تتبطرين على النعمة وتقولين مابي احمل الحين وبأجل وبعدين وعقب سنه ولا سنتين
بعدين يصير فيج نفسي سنة ونص احاول احمل وماكو شي حظني خالي
الله كريم*

 

[سكوتي بذوقي]

ليش تفكرين بالطلاق

مدام تحبينه ويحبك

وترى الحياة الزوجيه ماتخلى من المشاكل

إذا كل وحده طلبت الطلاق علشان اسباب تافهه

ماراح تدوم الحياة الزوجيه ابد

الله يهديكِ يارب

 

[اميره1980]

اذا مشاكلكم عادية و تحصل في كل بيت الحمل ماله شغل ليش الخوف
لو تحملين الحين بيصير بين بنتج و بين الطفل القادم اكثر من 3 سنوات فترة زينة لا تطول اكثر من جذي العيال نعمة من رب العالمين