ابي الحل الحين الحين عفية نفسيتي تعبانة:((

[*فرحة عمري*]

السلام عليكم
بنات مانب مطولة عليكم انا من حملت و انا شعري كل ماله ويتلف و الله تخيلوا الشعر مقطع ومنتف من القمه و الاطراف محروقة حرق و الله تعبت نفسيتي شنو الحل كشتي طايرة :eh_s(16):
قلت بسوي ريلاكس امي قالتلي انتي حامل ومايصير وسوتلي سوالف
علما اني بالمستشفى صارلي فترة طويله نصحوني عطوني حلول بليييييييييييييييييز
و الله نفسيتي تعبانة من شعري حيل ​

 

[om 7sony]

حبيبتي ما تاخذين فيتامينات وحديد؟
انا لاحظت ان انتلف اول ما حملت
بس لم بديت اخذ الحديد والفيتامينات حسيته صار احسن الحمدلله

واذا تبين ،، عالجيه بالزيوت
ان شاء الله ما فيها ضرر
زيوت وكريمات وامبولات
انا استعملت امبولات اسمهم ( مجليورين) من الصيدليه
وااااايد نفعوني حسيت التساقط خف

 

[*فرحة عمري*]

ام حسوني و الله اخذ
فيتامينات وحديد وفولك اسيد وبي كومبلكس وكالسيوممع فيتامين دال
انا مو تساقط انا منتف ومقطع

 

[tbola]

اب اب

 

[*فرحة عمري*]

شكرا شكرا

 

[الأميرة جوري]

حبيبتي عادي بعد الولاده يكثرر ويتعدل ...لان في حوامل العكس حلوووو بالحمال بعد الولاده يتنتف ويطيح كله ....

 

[*فرحة عمري*]

جوري نفسيتي تعبانة و السبب شعري (

 

[om 7sony]

عيل حاولي تعالجينه بزيوت وخلطات
موقت لم تولدين
ويرجع كل شي طبيعي ان شاء الله

 

[*فرحة عمري*]

بحاول ام حسوني

 

[احمريكه]

قصيه احسن لج اذا متنتف وتعبان وبعدين خليه يطول على سنع والقص ساعات بيني وبينج يعدل النفسيه

 

[*فرحة عمري*]

مشكورة اقصه واهو جاف و منتف بيصير كشه

 

[in style]

تري من الحمال لاتحاتين اول ماتولدين بتفرقين علي شعرج و في اشياء طبيعيه و خلطات طبيعيه حطيها علي شعرج عندج الافوكادو طحنيه و حطيه عالشعر نص ساعه و تسبحي حلو و طبيعي

اما سوالف ريلاكس و كيراتين ديري بالج حامل تصبري بالاشياء الطبيعيه

 

[حرم_الغلا]

ماتشوفين شر والله يهون عليج>>
بعد الولاده كل شي يرد طبيعي

 

[FJ style]

المعروف ان الشعر والبشرة رووووعه بالحمال
اذا كنتي بأول حمالج عطيه وقت شوي وبيتسنع
ما يسوى نفسيتج تتعب
زيوت وسيروم لوريال ويطلع روعه

 

[السنافيه]

نصيحه سوي خلطات للشعر بصالون ام اي الخلطه ب٦

بصراحه روعه وبتشوفين اللمعه فيه ادعيلي

 

[ريح قهوه]

الحمد الله انها جت على جذي خرعتيني بعنوان موضوعج المهم انتي حامل وبالحمال مرات تخرب البشره والشعر فاللي فيج شي طبيعي من الحمال اهم شي الله يقومج بسلامه وحطي لج زيت فازلين قبل السبوح ان شاء الله يحسن منه وانا والله نفسج منتف ومن جدام خف حيل بس شسوي كل شي يهون بس الاهم السلامه وباجر لاطلعتي اهتمي فيه وراح يرد احسن من قبل وعليج بالحناء صج صج صج رهيبه بس هالوقت لاحطيتيها تدفي عدل عن البرد والله راح تشوفين عجب العجاب لاتقولين ماحبها هي حلج الوحيد والطبيعي

 

[المها الابيض]

انا بالحمل عكس الناس شعري يتساقط وبنشف ويتقطع
قالولي الحمل بالولد يصير جذي!!!!