احلى المناطق انتي اخترتيها ..
في كوالا لمبور .. سكني بشارع العرب .. واحسن الفنادق .. الملينيوم بعده الماريوت وعقب الوستن من حيث الموقع .. مع انهم قبال بعضض ..
بس يميز الملينيوم اللي يمينه مطاعم وسوبرماركت ويساره محمع البافليون وقدامه مجمع بي بي .. وسوبر ماكرت .. ومطعم بلانت هوليود
عند منطقة البرجين في مجمع غويلي شوية اللي اهو مجمع سوريا .. ويمه الاكواريوم ( عالم ماتحت الماء ) اذا نتي بالجامعه او عندج بطاقة جامعه وديها معاج يسوون لج خصم على تذكرة الدخول ..
مجمعات كوالالمبور : البافليون وبي بي وسوانع وتايم سكوير وسوريا هذا اللي اذكرهم ..
.
.
صن وي لاقون اقل شي يبي لها ليلتين ..
وفيها الفندق .. والتاور .. واثنينهم جنب بعض .. بس اللي يميز الفندق عن التاور انه افخم واغلى واغلب اللي فيه شهر عسل
والتاور ارخص مع انه تظيف وزين ولكن اغلب اللي فيه عوايل ..
وحتى لو ماسكنتي في صن وي لاقون .. تقدرين كل يوم تروحين لها .. تقريبا من شارع العرب لين الصن وي لاجون 20 دقيقة بالتاكسي وياخذ حوالي 20 الى 25 رنجت ..
احلى مجمع بماليزيا مر علي اهو مجمع الصن وي لاقون وانا كنت مخليتها بالاخير حاجزين فيها ليله وبعدها ليله في جنتج وعقب للمطااااااااار
.. وهم فيها برك سباحة وألعاب خطيرة تجنن تصلح للصغار والكبار انا قعدت فيهم من الظهر الين المغرب وعلى مابدلت ورحت المجمع على الساعه 8 وتعشيت في فرايديز عقب تفرقت للسوق عورني قلبي عليه ياحلوه ويارخصه واشياءه مميزة ومامداني الف كم محل الا وسكر ..
جنتج هم حلوة وايد .. وباردة تعتبر .. وناسة لمن ينزل الغيم عليج مرات حتى اللي يمج ماتشوفينه شي غررريب ..
احنا اتفقنا مع راعي تاكسي ودانا هناك ورجعنا من جنتج الين المطار
انا قعدت فيها ليله وحدة .. سكنت في فندق الفيرست ورلد .. وهو اكبر فندق في العالم وسعره رخيص .. واللي يدشه من كبره كأنه مطار
بس ماتنفع الا غرفة الورد كلوب .. يعني السويت والا الغرف العادية ما انصحج فيها ابددددددددد
جنتج فيها العاب خارجية وداخليه ..
احنا شرينا تذكرة وحدة تقريبا تلعب بكل الالعاب طول اليوم الداخليه والخارجية ..
الخارجية كانت تسكر الساعه 8 بليل والداخليه الين الساعه 12 فاتحه.. بس الداخليه اغلبها للياهال ..
وفيها مطاعهم مثل بيتزاهت ومكدونالدز .. ذ
ورحلة موفقة
