ابي اكون هبت ريح عفيه سااعدوني

[جلكسيه اس 3]

السلام عليكم و رحمة الله وبركاته

خواتي اشلونكم شخباركم

الموضوع بدون مقدمه
ابي اكون هبة ريح
ابي الكل يقول ويمدحني
ويقول ما شاء الله فلانه سنعه
عفيه ساااعدوني

شنو الاشياء اللي يسوونها هبات الريح
سواء بالبيت او برا البيت
او في يمعه

 

[مزووون]

هلا ياقلبي
اول شي قدري المجتمع اللي انتي فيه
وجبي اهلك ورفيجاتج واهل ريلج
اللي تولد واللي متوفي عندهم احد واللي يايه من السفر
اعزمي في بيتك قهوة عصر
خلي ريلج يعزم ربعه واخوانه واهله
دايما خلي دوانيته مفتوحه
بخور وطيب وقهوه مضبوطه وشغل عدل
خلي عيالك مرتبين
وبيتك مرتب ونظيف وحلو
واذا عزمتي احد
خلي كل شي مرتب وتقديمج حلو
وبس هذا اللي عندي الحين
لي عوده

 

[نفهمها صح]

ههههههههههه سنع ميبيله حطي عينج علي وحده سنعه وشوفيها شتسووي ولا شيقلوون عنها والاشياء الي يمدحونها فيه
سمحيلي
سبحان الله هذي تنولد مع الشخص وطبع فيه
اه
وتقاليد والعادات تكونين عارفتها ​

 

[تحت .. المطر]

أولا خليج صادقة مع ربج بتلاقين السعادة ..

بعدين اهم شي النظافة والترتيب .. وتحسسين كل واحد من حولج و(يستاهل).. حسسيه إنه اهوا أغلى شخص عندج..

وجبي لله في الله م عشان برستيجج .. والكلمة الطيبة والابتسامة .. وحفظ اللسان من الكلام البذيء وغيرها من الأولويات اللي المفروض كل بنوتة تعلافها مثل . النعومة والذرابة والهدوء والثقل وبس!!!!!

أتمنى أكون فدتج​

 

[Ruwaishdawya]

up up up
up up
up​

 

[جلكسيه اس 3]

مشكوورين بنااااات
للرررررررفع

 

[الغلا كله لبوي]

اب اب

 

[قلبي مو بيدي]

ابي اقولك شي عن هبات الريح الحمد لله اقدر اصنف نفسي منهم
وتعلمت هالشي من امي الله يطول بعمرها ويخليها لنا اول شي حلي لسانك مع الجميع بدون مبالغة لأن المبالغة تصنع وبعدين لجوك ضيوف تكون ضيافتك جاهزة مو تتأخرين عليهم وطول الوقت خليك متواجدة واهل زوجك عامليهم باحترام مهما كان الوضع والمفروض كل اسبوع تزورينهم عشان لو غبتي عنهم مثلا اسبوعين ورا بعض على طول تشوفينهم يفقدونك وينادونك خليك انسانة بشوشة الوجة دايم وبالمناسبات لاتدخلين على احد ويدك فاضية لو شي بسيط رمزي لأن الهدية حث عليها الرسول صلى الله عليه وسلم والحمد ترا امي بعد تسوي اشياء كثيرة غير اللي قلتهم ودايم تقول انا ماابغى المدح انا اعمل الشي لله

 

[reeeza]

اب اب

​

 

[نهى الأحمد]

أولا خليج صادقة مع ربج بتلاقين السعادة ..​

بعدين اهم شي النظافة والترتيب .. وتحسسين كل واحد من حولج و(يستاهل).. حسسيه إنه اهوا أغلى شخص عندج..​

وجبي لله في الله م عشان برستيجج .. والكلمة الطيبة والابتسامة .. وحفظ اللسان من الكلام البذيء وغيرها من الأولويات اللي المفروض كل بنوتة تعلافها مثل . النعومة والذرابة والهدوء والثقل وبس!!!!!​

أتمنى أكون فدتج​

صح لسانج :eh_s(15):

وماشاءالله الخوات ماقصروا


والله يوفقج ياقلبي

 

[جلكسيه اس 3]

اب اب

مشكوره على الرفع

 

[جلكسيه اس 3]

ابي اقولك شي عن هبات الريح الحمد لله اقدر اصنف نفسي منهم
وتعلمت هالشي من امي الله يطول بعمرها ويخليها لنا اول شي حلي لسانك مع الجميع بدون مبالغة لأن المبالغة تصنع وبعدين لجوك ضيوف تكون ضيافتك جاهزة مو تتأخرين عليهم وطول الوقت خليك متواجدة واهل زوجك عامليهم باحترام مهما كان الوضع والمفروض كل اسبوع تزورينهم عشان لو غبتي عنهم مثلا اسبوعين ورا بعض على طول تشوفينهم يفقدونك وينادونك خليك انسانة بشوشة الوجة دايم وبالمناسبات لاتدخلين على احد ويدك فاضية لو شي بسيط رمزي لأن الهدية حث عليها الرسول صلى الله عليه وسلم والحمد ترا امي بعد تسوي اشياء كثيرة غير اللي قلتهم ودايم تقول انا ماابغى المدح انا اعمل الشي لله

الحمدلله
مادري احس هذا غلطت امي
امي كل ماتروح ولاتور ناس من اهلنا
اتقول افلانه صبت لنا الجاي وحطت لنا الكيك
مادي انا امي عمرها ماعلمتني اكون جذي
تعوت عالرباده و استحي بعد اوقف اصب واوزع جاي وقهوه
استحي اضيفهم و بالعربي الفصيح ماعرف وماحب هالسوالف ودي اصير خوش مره :eh_s(1):

 

[♥ SWeeRa ♥]

صبة الجاي والقهوه شنو فيها ..!!
والسناعه مو شرط بالكلام
اذا زارتكم حرمه كبر امج واكبر
ناديها بخالتي
وسولفي مع الناس بس مو تصيرين هذره


ووجبي الناس وشاركيهم افراحهم واحزانهم



انا كنت ماطلع ولا اروح ولا اجي ومن تخرجت اطلع مع امي واوجب لناس والحمدلله
تعلمت من الناس اشياء وايد
يعني الحين اذا ببيت خالتي عزيمه انا اللي اوقف معاها

وعماتي عندهم بنات بس مايشوووفون العالم
بنت عمتي 25 سنه
بس بالعرووووس تدووووج
اما بالمواججيب الزوارات والا اذا احد جاهم ماتطلع
وتعالي شوفيها السكانه لما تجيبها للناس تكتب نصها بالصحن
انا مرا انحرجت وصبيت بدالها
خليتها بس تقدم الحلو والفطاير
والفنجال ترسسسسسته



المهم واجهي الناس وتتعلمين


اما حاكره نفسج بالبيت لاتطلعين للناس ولا توجبين ماراح تقدرين تتصرفين


واذا قدمولج الناس شي مو تستحين وماتاكلين ولا تشربين
ترا عيب

 

[غلآ نوآف]

البنات ما شاء الله ماقصروا
عيني عليهم باردة

خلي كل تصرفاتج نابعة من قلبج
من طيب نية
حب للخدمة وتوجيب الناس
حتى يكون كل شي تسوينه محسوب لج اجر
وبنظر الناس من طيبج

خليج بشوشة مبتسمة بوجه الناس
وجبي وقدمي وساعدي
واذا احد محتاج من الحريم الكبار يجلسون
ومافي كراسي قومي ووجبيها بدالج تجلس
واذا احد اكبر منج قاعدة يسوي شي وماسك بيده شي ومحتاج احد يساعده
قومي وساعدي وااساليه وين تحطيه او وين توديه
وسولفي مع الناس وشاركي وتفاعلي معاهم
واذا ف سالفة تضحك انقالت اضحكي ووسعي صدرج معاهم
ترا يحبون الي يتفاعلون معاهم ويسمعونهم
واحفظي الاسرار اسرارج لنفسج واسرار الناس ماتطلع منج
ولاتنقلين كلام ابدااااااااااا ابدا
ممكن تنصحين لوجه التنبيه لاحد بدون ذكر احد او تلميح خليها بشكل عام
لاتراددين ولا تعاندين ولاتصدين عن احد
لو يخلع عيونج
خليج احسن منهم وعاملي الناس باخلاقج انتي
اسالي عن اهلج اقاربج اصحابج
زوريهم بين فترة وفترة
وجيبي معج هدية دائما خذيها قاعدة ماتكون ايدج فاضية
ولو شي بسيط حتى لو صحن فوالة فيه حلويات تقديم

ومثل ماقالوا البنات
خلي ديوانيتج مفتوحة وجاهزة وعامرة بالزيارات والبخور والقهوة والفوالة
ف استقبال اي احد ممكن يجيكم صدفة
واعزمي الناس واعزمي ربعج واهلج
وجذي يعني

 

[sosowaty]

^^^^^

نفس ما قالت و الله يوفقج

 

[دلع العتبان]

البنات ماقصروا خلج على طبيعتج وحبي الناس راح تقدميلهم الواجب واكثر والله وياج ،،،