ابي اكون مستقلة

[dalo0oa121]

السلام عليكم​

مشكلتي هي اني ابين صغيرة وانحرج وماقدر اعتمد على نفسي كله معتمدة اعتماد كلي على غيري بالبنك بالبيت بالتسجيل بالاماكن بالمستشفيات وبالحالات الطارئة عمري 20 لكن اللي يشوفني يعطيني ياهل بالاعدادية مع اني كبيرة بالسن ، الكل يعاملني معاملة دونية وقلت ثقتي فنفسي وكل ماقول اقدر استسلم واؤمن بواقعي _​

واذا حد قلتله انه عمري 20 ينصدم ويحرجني كنت رايحة السوق ويقولون لي مافي مقاسج هني

صعب احصل لبس قياسي خصوصا العبايات والجلابيات من ناحية الذراع والطول قصير واييد فتعبت نفسيتي والمشكلة الاكبر انه شكلي ثابت مراح اتغير من ناحية الوجه ولا الحجم قولوا لي شلون اخلي الناس ياخذوني بجدية ومايطنشوني يعني مرات ادخل بنك وقولهم ابي افتح حساااب يستغربون مني

واطلع ابكي انا صابرة يعني شسوي اعزل نفسي عن الناس انا ودي اتحمل المسؤولية واعتمد على نفسي بكل شي لكن ثقتي بنفسي معدومة حاولت اني اطور نفسي لكن انا شكلي مب متقبلته واذا مرضت اعتمد على الغير يوديني انا ابي اكون انسانة مستقلة

يعني مرة دخلت السوق وقلت خلاص بعتمد على نفسي وباشتري بفلوسي اتوتر و ماقدر اطلع البوك اشوف في حد حولي مستغرب واذا رحت اي مكان اني خلاص مراة كبيرة بسوي كل شي نفسي يرجعون يفشلووني سواء مستشفى مطعم و بنك وجامعة ومحل ملابس في كل مكان يعني لا انا بالمدرسة مرتاحة ولا برع شلبس عشان ابين اكبر جربت كعب مانفع مكياج مانفع شلون بازوج وبجيب عيال وبساعد عيالي اذا محد متقبلني حته اذا ابي اروح الصالون المراة تقولي وين امج حبيبتي او نادي حد كبير معاج! ابي اعرف شفيهم علي​

 

[ޢޢޢإيمانޢޢޢะۣۨ>]

يا حبيبتي ليش كل هالإحراج !!!
لما تروحين البنك أو المستشفى أكيد أول شي تسوينه إنج تورينهم البطاقة المدنية
يعني راح يستوعبون العمر على طول
وإذا دخلتي أي مكان كوني واثقة من نفسج حيييل وكلميهم بصوت وااااضح
المفروض اللي يفشلج وعقب يعرف عمرج الحقيقي هو اللي يتفشل وينحرج منج صح ولا لا ؟
​

 

[سنيوريتآ]

مآ فههمت يعنـي قصصصيره .؟
آلقصصر موو عيييب وآيد نآسّ قصصـآإر : )

 

[خانها الحظ]

,



آختي ـآ بالله بالعكس شكلك نايس

وما اعتقققد بيـآثر عليك القصر , اعرف شكثر قصيرات مستقلات بحياتهم وشخصياتهم ساعدتهم ,

يعني خلي عندك شخصيه , وافرضي رايك بالشئ المعقول , وخلي صوتك واضح مو متردده او متوتره

خليك قويه عشان الكل يهابك , خصوصا في المواقف البنك او الطبيب


وحتى لمن تكبرين , بيطلع شكلك كيوت

وبعدين تووك صغيره , المفروض ما تنهزمين او تتاثرين اقتنعي بنفسسك

 

[فوفو22]

اذا تبين تزيد ثقتك بنفسك

حطي بطاقتك المدنيه معاج

ومارسي حياتج طبيعي

ولو احد وقف معاملتك اظهري البطاقه

وشوي وشوي تاخذين على هالاجواء

ولو اني شايفتها عاديه جدا

عندي ولد عكسج شكله كبير وهو صغير

فلما اقص له تذاكر الاطفال يسوون لنا قصه ما يصدقون انه صغير

فقمت كله اخذ معاي البطاقه

والموضوع ابدا مافي احراج

بس محتاج شويه ثقة بالنفس

فوفو

 

[عويتقة]

ليش كلل ها الاحباط حبيبتي انتي تقي بنفسك شنو يعني انتي لي خلقتي نفسك قصيرة احمدي الله انو خلقك بصحتك وعافيتك وخلق لك عقل والله اعرف بنات كتييير قصيرات وماشاء الله عليهم واخدين الامور بالضحك وواتقين من نفسهم حيل ولو احد شكك بعمرهم يستانسون ما تخدين الامور يحساسية ولو كنتي ضعيفة امتني شويي وماتنسين انو الرجل يحي المرأة القصيرة لأنو بيشوفها انثى اكتر من الطويلة يا الله حبيبتي انتي جددي ثقتك بنفسك وما تخلي حد يهزك وأقضي امورك بنفسك وعسى ربي يوفقك حياتي

 

[فتاة الإبتسامة]

عمرج 20 وانتي للحين بالمدرسه
ولا انتي مدرسه << ابله يعني ؟؟؟؟؟؟؟

 

[dalo0oa121]

عمرج 20 وانتي للحين بالمدرسه
ولا انتي مدرسه << ابله يعني ؟؟؟؟؟؟؟

لا انا اقصد لما كنت بالمدرسة مب مرتاحة ولا حته برع

واشكركم على ردودكم انا مب بس قصيرة حجمي يعني حجمي صغير xs ملابسي

يعني مب بس بطولي بملامحي طفولية

 

[dalo0oa121]

وبس ...

 

[نورعيني أنا]

الله يكون بعونج

 

[البارونـه]

انــا نفسج وراثه العيله كلها يهال يعني خالاتي اعمارهم بالثلاثينات الي يشوفهم يقول فالاعدادي LOL
واجسامنا ضيعفه يعني نفسج وايد كتاكيت بـس هاي ماله علاقه بالاستقلاليه
هاي له علاقه بالثقه كوني واثقه انتي مب واثقه لانج تشوفينه شي مب حلوو ،،، يعني انا وايد حابه اني كتكوته وBaby face بس كلش مامنعني استقل بحياتي رغم ان امي ماكانت تسمحلي بهالشي وكله تخاف اضيع ولاسوي شي غلط فـ ماتعطيني فرصه بس مثلا في اماكن لازم تعتمدين على نفسج مثل الدوام والجامعه والمطاعم!!
وبالنهايه اقولج حبي نفســج وثقي وافتخري فيـها ،،

 

[أم توتو]

انتي بس يبيلج ثقه وقلب قوي قوي قلبج وكل شي بيكون اوكي

 

[dalo0oa121]

نور عيني
والبارونة
وام توتة

ثانكس ماقصرتوا ،،،