ابي اكمل بس مو عارفه

[@محروسه@]

بنات انا عندي دبلوم برمجه حاسب الي سنتين ونص
ودي اكمل بس وين اروح وكم سنه ادرس عشان اخذ بكالريوس
ردوا لاتبخلون علي 

 

[P!Nk StraWbeRRy]

ان شاء الله يفيدونج البنات
up
up​

 

[F.DIAMOND_Q8]

حبيبتي اخذيلج فره عالجامعات الخاصه
و استفسري بنفسج احسن
علشان يعادلولج و اتشوفين شكثر مدة دراستج
و تكاليف الدراسه و هيك يعني

و اب لعيونج​

 

[صدع القلب]

اختي اختيار الطريقة اللي تكملين فيها بكالريوس يعتمد على وايد أشياء​

1- هل انتي موظفه ، و اذا موظفه جم صا لج في مقر عملج ؟
2- هل في امكانيه انج تسافرين للخارج " البحرين،مصر،الاردن و غيرهم "
3- جم كان معدلج بالدبلوم ؟
4- جم الميزانيه اللي عندج " القدره الماليه "​

عقب ما تجاوبين على هالاسئله على اساسهم تحطين خطتج تسألين عن الجامعات الحكوميه و الخاصه و شروط القبول و التخصصات المطروحه و مستقبل التخصص " اذا كان مطلوب و لا لأ" و الاهم تسألين بالتعليم العالي عن الاعتراف بالشهاده في حالة كانت الجامعه خاصه " مو تدرسين و تتعبين و بعدين ما يعترفون فيها " اخذي اثبات انه معترف فيها ، و بعدين على اساس ميزانيتج و ظروفج سجلي بوحده من الجامعات .​

بالنسبه لي و بناءا على خبرتي ، انا تخرجت دبلوم المعهد التجاري سنة 2003 و توظفت بوزارة لمدة 6 سنوات و بعدين قدمت على طلب اجازة دراسية " براتب كامل " و سجلت بالجامعه العربية المفتوحه " لأني ما ابي اتغرب بالخارج ، و لان الجامعه المفتوحه اقصادها ناسبتني و اهيه ارخص جامعه بالكويت مع جذيه شهادتها ممتازه و معترف فيها " و الحين باقي لي سنتين عالتخرج إن شاء الله .​

اتمنى اكون فدتج و بالتوفيق :eh_s(7):​

 

[@محروسه@]

مشكورين علا الردووود. فديتكم ولله لله يوفقكم دنيا واخره
حياتي صدع القلب انا مقدمه علا الديوان ولد الحين ماتوظفت صار لي سنه
وزوجي يبي يكمل دكتوراه قلت اكمل احسن وزوجي راح يروح الاردن
انا ودي علا الجامعه المفتوحه ماابي بالخارج بس شلون نظامهم كم ادفع رسوم ودراستي كلها انقليزي
وانا سامعه ان هالجامعه صعععععععبه حيييل

 

[صدع القلب]

هلا فيج اختي
اذا كنت حابه تسجلين بالجامعه المفتوحه - تقدرين تسألين عن اوقات التسجيل عن طريق مراجعة مقر الجامعه بخيطان
أو عن طريق الموقع الالكتروني
http://www.arabou.edu.kw/index.php?option=com_content&view=article&id=106&lang=en&Itemid=420

أو عن طريق موقع تجمع الطلبه يمعه " أسهل بوايد عن الموقع الرسمي "
http://ym3a.com/vb/

أما بالنسبه لأسالتج بحاول اجاوب قد ما اقدر بناءا على تجربتي المتواضعه

الجامعه فيها ثلاث تخصصات
1- ادارة اعمال - و يندرج تحته
انظمه - اقتصاد - تسويق و محاسبه
2- تقنية المعلومات والحوسبة - و يندرج تحته
تقنية المعلومات والحوسبة - تقنية المعلومات والاتصالات - تقنية المعلومات وعلوم الحاسوب -الحاسوب وادارة اعمال
3- ادب انجليزي - و ينقسم الى
ادب انجليزي عادي - ادب انجليزي ادارة اعمال

الرسوم مثل ما سبق و ذكرت جدا مناسبة قياسا لباقي الجامعات
بالكورس الاول كمستجده دفعت 300 دينار حق الكورس كااامل و الكتب
و بعدين لما بلشت مواد التخصص اعلى رسم دفعته كان 490
بكل الاحوال القصد مستحيل يزيد عن 500 و تكون مقصده

أما بالنسبه للمواد فنعم اهيه كلها بالانجليزي و تحتاج دراسه مكثفه خاصة مواد التخصص اللي تبلش بالسنة الثانيه ، و مع انها تميل للصعوبه بس مو تعجيزيه اذا كان الشخص جاد و مهتم - يكون في خطة دراسية تتضمن مواد تمهيديه لتقوية الطالب بحيث يقدر يمشي نفسه بالدراسه .

أنا تخصصي اداب انجليزي اللي ضايقني انه بس عادلوا لي مادتين من شهادتي الدبلوم و بعد المعادله تم باقي لي 4 سنوات عالتخرج يعني ما استفدت من المعادله حيل بس شالت عني مادتين اختياريتين بس الحمدالله مع الدراسه المستمره و المتابعه مع الدكاتره و التلخيصات و المعاهد ماشي حالي بمواد التخصص و لله الحمد .

أنا اقول انتي سألي و روحي الجامعه و القي نظره ناقشي الدكاتره او قسم التسجيل دشي على التجمع اهني بموقع كويتيات أو موقع يمعه و طاعي الصعوبات اللي واجهت الطلبه و بعدين استخيري و الله يكتب لج اللي فيه الخير .

بالتوفيق :eh_s(7):

 

[tbola]

upp