ابي اقتراحاتكم لغرفة العريس الله يوفقه

[كويتيه وافتخر]

السلام عليكم

حبيباتي

انا اخوى بيعرس الله يوفقه قولوا آمين

وبما اني اخته الكبيره

قلت له غرفتك كلها مني هديه من صبغ واثاث

والله يرضى عليه مستانس يقول احسن ماعندي ذووق بهالسوالف شوفي الراي لج ولامي

وابي فنتك

شاختار له صبغ والا ورق جدران


وهم ساعدوني عالقعدة اذا ميزانيتي اسمحت باسويها له بس تكفون ابي افكار وياليت اللي عندها رقم صباغ سنع مع الفكره تعطيني ومشكورين

 

[Ameeraaaaaa]

اللله يبارك له ولكم

انا اقول اول شي روحي محلات الاثاث شوفي اسعار غرف النوم ,, واللون اللي ممكن يشدج ويعجبج
عندج سنتر بوينت
غرفه حلوة ومعقوله
الحين اللون الدارج البني المحروق للاثاث , طبعا السيراميك يكون بيج فاتح والصبغ ممكن تحطين طوفه ورق جدران وباقي الطوف صبغ
اللون اللي درجات الترابي ( يعني البيج , البني الفاتح هذي الالوان تكون مريحه وايد لغرف النوم )
او ممكن اذا الاثاث اسود تدخلين اسود وابيض واحمر ,,
كل شي يعتمد علي الاثاث ,,انتي توكلي علي الله واشتري الاثاث وحاضرييين وقتها نعطيج اقتراحات لألوان .


)))))

 

[اللاندكروز]

الله يهنيكم ياقلبي ... شوفي معرض قرطبة وعبدالوهاب وجملة الاثاث عندهم غرف حلوة واسعارهم هم حلوة
وبالنسبه للألوان شوفي الغرفة اللي تعجبج واخذيها وعلى اساسها اخذي ورق جدران اذاكانت الغرفة درجات البيج والبني ركبي معاها اي لون اكسسوارات وديباج ومفرش ... انا ماعرف انزل صور وإلا جان نزلتلج خوش صور والوان ..
وانشالله البنات يفيدونج ...

 

[كويتيه وافتخر]

رد : ابي اقتراحاتكم لغرفة العريس الله يوفقه

مشكورين
وانا ببالي الاثاث يكون بني محروق

بس الصبغ محتاره

 

[وهج الخير]

رد : ابي اقتراحاتكم لغرفة العريس الله يوفقه

كلللوووووووووووووووووش بالمبارك بالمبارك
ربي يوفقه ويسعده يالغاليه ويبلغك بعياله يارب
مثل راي خواتي واضيف بعد لا تشترين الا بعد ما تكونين سويتي الاتي لان شكلك ما عندك خبره يعني هذا اول اخو ويارب عقبال الباجي فري فري بالمحلات جوفي الدارج وشنو الالوان الغرف مع الصبغات اي الالوان احلي لما تعيزين و تشبعين وتعرفين شنو الدارج وتالي قرري لان راح اتكونين تشبعتي وخذيتي افكار تالي عاد قرري يا حبيبتي شنو تبين وشنو ببالك من افكار واذا عندك احد من الاهل ذوقه حلو ما يضر اخذيها معاج تساعد بهالموضوع
ويارب تكفي فلوسك لقعدات واكثر بعد يارب ويبارك لك ربي يا حبيبتي هااااااااااااااا عزمينا عاد

 

[al-musk]

خليج على ورق الجدران أحلى وأرقى وكل طوفة خليها ديزاين غير
او ممكن طوفتين مصبوغتين وطوفتين ورق جدران

 

[om.3omar]

شوفي انا افضل انج تشوفين اول ورق الجدران

واذا ماتبين ورق جدران شوفي الكفر اول ونصيحه افتري بالبلوكات صوب الستاسر تشوفين اشياء تهبل

وتدخل ابالج الافكار

وبالمبارك ان شاءالله

بس حابه اعرف العروس مراح تاخذون رايها ؟

 

[كويتيه وافتخر]

رد : ابي اقتراحاتكم لغرفة العريس الله يوفقه

مشكورين

اختي العروس مالها شغل عند البدو بالشقه خخخ تلقى كل شيء جاهز

 

[وهج الخير]

رد : ابي اقتراحاتكم لغرفة العريس الله يوفقه

انا امس استغربت ان العروس ما تروح معاه وياثثون قلت يمكن حالفه انتي او نذرانتي تاثثين خخخخخخخخ
اللحين اشوه عرفت السبب ليش ما تروح معاه الله يوفقهم ويوفقك يارب

 

[زهـــر]

دشي قسم الديكور و شوفي النماذج
راح تلقين شغلات حيل حلوه و في البسيط و في الفخم
و الله يهني المعاريس و يتمم عليهم

 

[& مــشــايــخ &]

والله من رأي تسوي له غرفه نجاره كد ومد

وعندج مناجر الشويخ والضجيج طبي وتخيري فيه الغالي وفيه الرخيص

وبالنسبه للصبغ طبعا افضل الصبغ لانه عملي اكثر من ورق الجدران والحين فيه نقشات روووووووعه تحتارين شتاخذين جنه ورق جدران

خذيت رقم واحد من الوسيط والله روعه

ونصيحه خلي هديتج لاخوج غرفة النوم وبس هذي من وجهة نظري لانها بتكلف عليج يعني اتعبي فيها

 

[مروقه على الكوفي]

عقبال اخواني مايعرسون واضبط غررفهم
بس الاكيد انهم لهم دور ومواناكل شي اختااره
والله يهينيكم ودخلت قلت استفيد
وانااسمع من اخواني ان اصحاابهم المعريسين اغلبهم مسووين ورق جدراان حلو وماايكلف والطوفات طوفتين لون واحد والطوفتين الثانيه لون غير ممكن رسم ولامخطط طوفتين والباقي سااده والمطبخ لاتخلينه خشبي يتعب في التنظيف