رد : ابي افكار جديده لعرس ولدي 
ّّ~~
رحت عرس بصالة .. كانو مستخدمين كل شي لونه غامج على بو إن أكشخ
بس حسينا الصالة وايد مقموته و صغيرة
أنصح بالألوان الفاتحة أو الزهرية و البيجية ، رحت عرس كانو ملبسين الكراسي لون أوف واايت ، وايد طلع حلو
و الحين الكراسي وايد أزرب من قبل ، لا تحطون كراسي ،، خليكم على الغنفات اللي تتلبس ، تكفي عدد أكثر و شكلها وايد أذرب
و هم شي حطو المدرجات بشكل زين عشان الكل يقعد و أهوا مستانس
و خلو في فجه بينهم علشان الواحد يقدر يقعد و يمد ريله على راحته بدون ضيج
ركزوا على موضوع الورد و تصفيفه و توزيعه خصوصا في مكان التبديل ، الحمامات مثلا أو الغرفة اللي يتزهبون فيها المعازيم بالتجهيز قبل دخول القاعه
و إذا تبين شغله مميزة ، خلي اللي يقدمون حلو و موالح و العصيرات و الماي و الجاي ، و حتى اللي بيدهم المباخر ، لما يدخلون يسوون حركة حلوة بالساحة الفاضية قبل لا يروحون يوزعون و يتوزعون في الصالة ، و يكون مثلا مع أغنية هادية تمشي مع حركتهم
و نصيحة .. لا تسكرون اللمبات وقت ما تدش العروس ،، حرام .. حتى هدومها و كشختها ما راح تبين
و ديروا بالكم لا تعلون صوت الدي جي عالحد .. صايرة هبه قوية ، يعلو ن الدي جي و يخلوني حتى كلمات الأغنية ما نسمعها
إذا ذكرت شي بعد برد لج خبر
و ألف ألف مبروك
