ابي افكار بنتي رشحوها طفل الاسبوع

[pink_girl]

بنات أنا عندي بنت في الروضه ومسوين لهم برنامج كل اسبوع يختارون طفل يكون هو محور الاهتمام وكل المواضيع تدور حوله طول الاسبوع
وطالبين مني صور لها يعلقونها بالروضه للمشكله انه اخر يوم في الاسبوع المفروض الام تحضر مع الطفل يعني لازم اروح معاها وتشارك الام في هذا اليوم تسوي مسابقات للأطفال او تقولهم قصه عشان ترفع معنويات بنتها وانا مخي ناشف ماعندي افكار ابي مساعدتكم تعطوني افكار محتاره ماادري ابي أودي معي للروضه شي عشان تستأنس بنتي ويتسانسون الاطفال ومو عارفه انتظر ردودكم وافكاركم الله لايحرمني منكم :bbbiu:

 

[ام غازي 2012]

اب اب اب

 

[موريا آدم]

الرفع للافادة

 

[pink_girl]

مشكورين للرفع بنات شايفين مسابقات احسن ولا اقولهم قصه ماادري وشو اسوي بفرحهم

 

[ناتشوو]

كلهم حلوين
اذا عندج قصة معينة مميزة ولها هدف
عن الاكل ولا النظافة
لا وتستعينين بالعرايس
مادري فاهمتني اللي انت تحركينهم
تحطين ايدج فيهم وتحركين الحلج والايد
ويكون عندج اسلوب مشوق بعد
كذلك المسابقات حلوة
حتى لو في قصةحلوة المسابقات والهدايا
وفي فكرة
تسوين اهداء ع كتب اطفال
ذربة
من المكاتب الكبيرة
اللي تكون ورق مقوى او اسفنج او اي شي
وكتبي عليها
اهداء من فلانة الفلاني الى ركن المكتبة
وقدمي هدايا رمزية لابلاتها
طبعا فكرة الكتب والهدايا
انا ناويتهم حق روضة بنتي
وناوية هدية الابلات
يا كتب تناسب تخصصهم
او عطور مميزة ومو غالية الواحد بحدود ال٥
انا اشوف ابلاتها يستاهلون

 

[pink_girl]

تسلمون بنات شكرًا وانشو استفدت منك بعض الأفكار مأزقا انتظر إضافات وافكار جديده

 

[الكويت حياتي]

بنتج بالرساله عدل؟؟؟

 

[ام لعيال]

ممكن تطلبين من الاستاذه تساعدك وتطبعين كروت انه لازم يجيبون بجامات اليهال وتحضرين يوم القصه قبل النوم وتجهزين اذا مثلا القصه عن كاىنات قاع البحر تجيبين ابجوره البحر المتحركه موجوده بالسوق وكل طفل يجيب معاه سليب باق صغيره (كيس النوم ) وتسكرين انوار الصف وتشغلين الابجوره وتسردين القصه بانفعالتها وخصوصا الصوت يتماشى مع الاحداث لشد الاطفال وممكن تجيبين شخصيات القصه معاج مثل ماقالوا البنات تحركينهم وبالنهايه تسكرين النور وتقولين لهم تصبحووون على خير وتجهزين معاج وجبه صحيه للفطور لكل طفل بالفصل انه بعد النوم نتفطر ونغيير ملابس النوم ونلبس ملابس المدرسه استعادا لليوم الدراسي 00اتمنى اكون طرحت فكره قابله للتطبيق

 

[ام لعيال]

جات ف بالي فكره كنت امسويتها من زمان بعد اذا تبين العاب فكره الهديه اللي تدور بين اليهال يفتحونها مع الموسيقى وبالاخير تكونين جايبه للكل نفس الهديه عشان اليهال مايتهاوشون بس بالوان مختلفه ؛وشد الحبل ؛مره وحده جابت مسدسات الماي وسوو حرب الماي ف ساحه المدرسه بس شنو استانسو اليهال ؛بس بعد تكونون امبلغين الاهل يجيبون مايوهات للعب

 

[pink_girl]

مشكورين بنات اللي رديتو علي ماقصرتو استفدت من افكاركم

 

[manoooram]

البنات ما قصروا
يعطيهم العافيه

 

[Q8_QT]

اب اب
ماقصروا البنات خوش افكار

 

[M!SS.LOBY]

الله يخليها لج

 

[مولاي الفرج]

المسابقات حلوة

مثلا مسابقه تلوين

او منو يرسم علم الكويت اسرع مثلا

هالاشياء البسيطه تونس