ابي افضفض

[كتكات احمر]

ابي افضفض ماني عارفة وين اروح ؟؟؟

 

[NEW WOMEN]

اهني غلاي بهالقسم الكل يقول مشكلته وهمه ونحاول نساعده
فضفضي يابعد جبدي

 

[* بنت المطر *]

ياحلوج يانيو وومن حنونه ياليت الكل مثلج لووول انا بعد حنونه لووول فضفضي خيه ناطرينج ؟؟

 

[كتكات احمر]

ريلي بااااااااااااارد مايتصل ولا يطرش وانا كله الي اباادر مليت ابي اثقل شوي ابي احس انه يهتم فيني
لما اتكلم معاه احس بس انا الي اتكلم اهو ساكت واذا تكلم تكلم عن اوضاع سوريا لوووووووووول
ماكو رومانسية يعني احس مشاعره باردة اتجاهي وروتين وماكو شي يجمعني معاه

 

[* بنت المطر *]

دخل عليج ؟؟؟ والا ملجه بس ؟؟

 

[كتكات احمر]

واانا بعد نفس الشي قبل كنت مستانسة الحين احس اني امل لما اكلمه واستحي افتح معاه مواضيع احس بيقول عني جرئية يعني انا استحي منه وايد ريال غريب وشعور غريب واخاف اذا طحت الميانة يروح الثقل ماني عارفة شسوي مو فاهمتله ولا عارفة اهتماماته !!

 

[كتكات احمر]

ملجة بس

 

[* بنت المطر *]

جم عمرج وجم عمره ؟؟ سبق له الزواج ؟؟؟

 

[كتكات احمر]

بس اتييله فترات فجاة يوله ويطرش مسج وانا اقول واااااااااي تو الناس لووووووووووول بدا يدب الاحساس
في انسانة يديدة بحياته ههههههههههههههه

 

[كتكات احمر]

انا الحين 25 وهو 28 لا انا اول وحدة

بس احسه عقله اكبر مني وايد ياخذني على قد عقلي جني ياهل يبط الجبد

 

[* بنت المطر *]

تبين تفضفضين اكثر بدون لااسئلج والا تبين انصحج والا فيج بعد فضفضه ؟؟

 

[كتكات احمر]

لا نصحيني لوووووووووووووول

احس حياتي واقفة معاه مادري شسوي ابي اكشنات

 

[NEW WOMEN]

آمممممممممممممممممممممممممممممممم
صراحه آسفه ماعندي خبره بهالمواضيع اتمنى البنات يفيدونج

 

[* بنت المطر *]

شوفي حبيبتي بقولج شي محد يعرفه كثرج !!!

ماتنجح الحياة الزوجيه الا اذا فيه توافق !! التوافق نواحيه وااااااجد مابي اتفلسف عليج بس التوافق فيه نواحي كثيره

الناحيه العاطفيه _ الجنسيه _ توافق في الرغبات والهوايات _ وووو واجد اشيا

وعاد حظك نصيبك اذا توافقتي معاه باشيا واشيا لا جدامج حل اذا كنتي تحبينه وكان عندج دافع اول شي انج تتنازلين شوي

وتكونين مرنه تسوين برمجه لنفسج وتتاقلمين قد ماتقدرين اذا فيه حب يهد كل المصاعب !!!

الرجال مبين انه جدي زياده عن اللزوم واحنا يالبنات عاطفيات حيل وع بالنا رياجيلنا عبدالحليم حافظ هههههههههه

واضح مافيه توافق من الناحيه العاطفيه ودامج ماعشتي معاه ليلحين ماتقدرين تحكمين ع النواحي الباجيه يمكن الحظ

والصبر يلعبون وياج دور حلو ان شالله وتتوافقون باشيا واجد تعوضج عن الناحيه العاطفيه !!! امممممم جني تفلسفت

واجد اتمنى تستوعبين كلامي عدل الحياة كفاح وصبر والله يوفقج

 

[كتكات احمر]

الرجال مبين انه جدي زياده عن اللزوم واحنا يالبنات عاطفيات حيل وع بالنا رياجيلنا عبدالحليم حافظ هههههههههه

ههههههههههههههههه هذا الي صاير

 

[هيبة فتاه]

شلونج كتكآت

 

[مولاي الفرج]

خلاص ثقفي نفسج عشان تقدرون تسولفون ويا بعض عن سوالف الجرايد والسياسه اللي مانخلص منها

عالاقل رؤوس اقلام وسمعي له

وتالي عاد انتي سولفي باللي تحبينه يمكن يستانس عليج ويسولف وياج

يمكن عواطفه مخليها حق الزواج هههه​

 

[classicyah]

حبيبتي شكله ريلج يحب السيآسه ،

أنآ أقول اقري الجرآيد و الكتب و ثقفي نفسج من هالنآحيه ،

و كل مآ يتصل عليج اتكلميْ عن السيآسه ، و اسإليه شو يحب بالضبط غير السيآسه ؟

كلميه مره عن سوريـآ و عن السفير السوري بالكويت ،

مره عن هآيف و تصريحه ،

مره عن موقف القذآفي لمآ سحب السفير الليبي من سوريآ هههه

مره عن ليبيآ بشكل عآم

مره عن اليمن

مره عن أمريكآ ،

مره عـن محآكمه حسني مبآرك

كل يوم كلميه عن شيْ . .

و بجي بيبدآ يحبج و يتعلق فيجْ و اتشوقينه يكلمج أكثرْ و مآ يمل منج ،

خليج أول شي كـ صديقه اتشآركه اهتمآمآته ،

و الله يوفقجْ ،

 

[أم الجوري]

اول خطوة عشان تقربين من زوجج ويسولف معاج ويفتح لج قلبه
انج تعرفين اهتماماته وتشاركينه فيها
اعرف وحده من كثر ما زوجها يحب الكره صارت تعرف اسماء النوادي واللاعبين عشانه وتساله عنهم
والثانيه قامت تلعب جنجفه عشان تجذبه للبيت
ومره قريت لوحده انها. تروح تحدق معاه بالبحر

صدقيني اول شي لازم تعرفين شنو يحب وشنو اهتماماته وشاركيه فيها وشوفي بعدين مااا عااااد يسكر حلجه من السوالف

 

[ام حنااين]

الصج وبعيد عن الرومانسيات

كل رياييل الكويت جذى تعودى على طريقته والله يهنيج ويسخره لج