ابي افضفض بسالفه خدامتي امانه دشو رايكم يهمني

[كويتية هيبه]

السلام

حدي متضاايقه وصاكه فيني الدنيا

انا عندي خداتين فلبينيات وحده صارلها سنه وشهرين يموتون عليها عيالي وحييييييييييييييييييل زينه والثانيه يديده صارلها 3 شهور

المهم قبل يومين كان ريلي ماخذ العيال الالعاب ومخلي اصغر واحد بالبيت لاني توني والد وانا كنت عنده المهم لما راح ريلي قاللي لازم اروح اصور حق البطاقه المدنيه ضرووري الحين عاد قمت رحت لبست بسرعه وطلعت وطلعتي كلها ماخذت عشر دقايق تقريبا وقبل لا اطلع رحت حق القديمه قلتلها ديري بالج على بيبي وللعلم اثق فيها اكثر من نفسي

المهم رديت من المصور لقيت بس خدامتي اليديده :eh_s(12): وقلتلها وين فلانه ؟ قالتلي مدام راحت البقاله :eh_s(12): عاد دقيت على القديمه قلتلها انتي وينج؟ قالتلي بالحمام اللي يكرمكم !!! حسبالها انا بره البيت .. قلتلها لا والله حبيبتي انا بالبيت !!طبعا انصدمت وقالتلي لا انا بالبقاله
المهم زفيتها لعنت خيرها وقلتلها بسرررعه ردي
طبعا طولت على ماردت وكل اشوي ادق عليها ولما يت طبعا شخلتها قالتلي لا في خدامه مالت بيت ييرانه تطالبني فلوس ورحت اعطيها !! اي شي

قلتلها وليش مارحتي وانا موجوده اشلون تروحين بدون ماتقوليلي وصارت هوووشه وقالتلي عطيني فرصه ثانيه قلتلها ماكو خلاص

طبعا ماقدرت اوديها المكتب لاني نافس ومحتاجه خدامتين وعيالي اسم الله عليهم صغار ومافي خدم والحين طبعا بطلبلي غيرها على ما اتيي يبيلها شهرين شنو تنصحوني اسوي مع هذي
للعلم طول السنه ماشفت عليها زله ورووووعه وميته من القهر ماتوقعت منها تكفون ابي رايكم

 

[الدلال]

شوفي وانا اختج, انتي الحين والده وبحاجة الخدامه وانتي تعرفين خدامتج وماشفتي عليها شي

واهي بشر ممكن تغلط بس اهم شي اعتذرت منج ,عطيها فرصه وشوفيها

ترى وين ووين تحصلين خدم سنعه الحين

 

[كويتية هيبه]

شوفي وانا اختج, انتي الحين والده وبحاجة الخدامه وانتي تعرفين خدامتج وماشفتي عليها شي

واهي بشر ممكن تغلط بس اهم شي اعتذرت منج ,عطيها فرصه وشوفيها

ترى وين ووين تحصلين خدم سنعه الحين

صج ؟ بس انا اخاف تكررها

 

[منارة الإيمان]

حبيبتى أنت بحاجتها ألحين .. ولا تفرطين فيها .. والخدم لازم عندهم سوالف
خليها تحت مراقبتج .. لو مشت الأمور وتقبلت الأمر كان بها .. ولو حسيتي أنها تضايقت هي راح تقولج
مابي أقعد عندكم .. وترى أي وحدة بتييبينها ما تخلى من هالسوالف ألا مارحم ربي ..
وطبعا يوميا أدعي أن الله يسخرها لج ويكفيج شرها ..
الله يحفظكم ..

 

[شيــوخه]

الله يعينج حبيبتي هذول الخدم ماوراهم الا عوار الرااااس تنصدمين منها اتسوي حركات وشغلات غريبه جدامج شكل ومن وراج شكل

شوفي انتي لا تصارخين عليها لانج انفاس وثاني شي اخذي التلفون منها او اغفلي بابان بيتج انا مستحيل اطلع وباب البيت مفتوح ادخل احد عندها بلبيت محد يدري عنها

الله يعينج انتي استخيري وشوفي بعدين تصرفاتها

 

[*°Art Glows*°]

أقول خلج على مينونج لأن أي تصرف راح تتوهقيين بهالخدم لا تشوفيين لويتي معاهم بس كل المكاتب إعرفوني

 

[Maltesers]

الفلبينيات زيييينيييين يمعوده دامج والده كسبيها شتسوين بعد لا تطنقر مو وقته اذا عيالج مرتاحين لها .. بس عيبهم يحبون الهياتة والصياعة ومن تحت لي تحت مو راكدين خلي الزف حق شي جايد لي شفتي منها شي قوي .. بس دام جذي زفيها بسع لى خفيف وفهميها ان هذا غلط ممنوع تطلع الا لمن تقولج

 

[{الجارحه}]

حبيبتي اذا خدامتج زينه اقضبيها ترا الحين نادرا تلقين وحده زينه

انا اقول خليها بس

على قولت المثل اقضب مجنونك لايجيك اجن منه

 

[Alia]

يمكن طوول الفترة كانت تطلع بس انتي ماتدرين عنها !! انا رايي خليها بس ديري بالج وراقبيها لانها مجابله العيال وفجاة وديها المكتب اذا وصلت اليديده

 

[قناديل الخير]

انا اقول عطيها فصره انتى بحاجتها هذا اهما الخدم الله يكافبنا شرهم

 

[ذهبيه مرصعه بألماس]

عطيها فرصه و بدال الفرصه عشر مدام مريحتج سامحيها و قوليلها آنا احبج و بيبي يحبج لا تجذبين مره ثانيه

و اذا بتروحين البقاله قوليلي و اذا احتجتي شي قوليلي


حبيبتي مدامج مرتاحه منها عطيها مليون فرصه و مو من اول مشكله تطلعينها من الجنه

 

[ذهبيه مرصعه بألماس]

و لا تودينها المكتب ليش أصلا ماكو خدامه زينه ميه بالميه
حبيبتي مدام صار عندج ثنتين راح يعلمون على بعض لو وحده سوت شي مو زين بتفتن عليها الثانيه لاتخافين بس مشكلتج كلهم فلبينيات يعني يتصادقون و يتسترون على بعض
آنا شفت بلاوي الفلبينيات و من يومها حرمت دخلتهم بيتي

اهم شي دايما سئلي الجديده عن القديمه و العكس عشان تعرف القديمه انج تسالين من وراها
و اذا طلعتي اخذي نقالها قوليلها خليج عند بيبي و عند تلفون البيت ادق عليج
بجذي تظمنين ما تكلم احد و تلهى فيه عن بيبييج
و بنفس الوقت ما تشغل تلفون البيت لأنها تتوقع تدقين باي لحظه
و بنفس الوقت تظمنين انها بالبيت

بس هالخدم بيجننونج اكيد عندها كذا موبايل الله يعينج !

 

[المدينه]

عطيها فرصه ثانيه بس راقبيها وشدي عليها

 

[nazek_q8]

شوفي خدامتي القديمه سافرت الحين بس اثق فيها لابعد حد

وعيالي من عمرهم يوم اهي تمسكهم وتسبحهم وتوكلهم يعني كثر ما امدح ما اخلص

ولا مره زفيتها ولا اقولها سوي جذي اهي بروحها عارفه شغلها

انا قبال بيتي جمعيه

ومره كنت طالعه ولما رديت والا اهي يايره من الجمعيه حسيت انها اخترعت ليش طلعت ما قالتلي مع اني ما اقولها شي اذا بتروح الجمعيه رايحه تشتري غرض حقها او كرت

بس بروحها قالتلي مدام انا اسفه بس محتاجه كرت ضروري قاعده اكلم زوجي وانقطع الخط

يعين مو طالعه تفتر و لا جذبت قالت الصج

وهم ما زفيتهاا

الحين سافرت ومعتفسه حدي عندي وحده تشلع القلب كل يوم ازفها وغبيه وكل تنسى

والله مسكيها دام انها زينه وتغاضي عن هالحركه اللي سوتها والله انتي يحاجه لها شتسوين

 

[حصووونه]

لاوالله سوي جنج سامحتيها وعطيتيها فرصه وقعديها وقولي لها انا احبج واثق فيج ليش تسوين جذي ترى الفلبن ماينزفون ابد يجون بالكلام الطيب والتشره اختي كانت عندها فلبينيه اذا غلطت تقعدها وتسالها وتخليها تقول اسبابها وتتشره عليها وتقوللها انتي مثل اختي وهالسوالف وهاللشي بالعكس يجيبت نتيجه باللذات ان عيالج بيدها وانتي نفاس بحاجتها وغلطانه تجيبين ثنتين نفس الجنسيه لازم تفرقين فرق تسد

 

[بنت أبوه]

استخيري بالله الي ماغيره احد ومدام العيال متعلقين فيه ويبونه دليل والله انه طيبه فيهم بغيابج شدعوه احنا نغلط ماتبينهم هم يغلطون يله رايحه البقاله ولا مكان ثاني بس تحرصي من الجديده لانه تبي الفتنه صدقيني اخذيه من واحده مجربه مانقولج اعتذري له لاتخسي الخدامه بس فهميه انج هالمره بطوفينه وسعي صدرج

 

[كويتية هيبه]

على راسي كل اللي ردو والله انكم تريحون البال من قلب
مشكله عيالي مايواطنون اي جنسيه ثانيه وقبل يبت سيلانيه وهنديه وكل الجنسيات وعيالي يكفخونهم بالطالع والنازل اما الفلبينيات لا يحبونهم من قلب

انا خوفي ماتكون رايحه البقاله تكون رايحه مكان ثاني ياااربي احترت بس المشكله انها حبيبه

 

[ملح بدويه]

الله يستر

ما دري شقولج انت اللي تعرفينها

 

[حرم الحوت]

اقضب مجنونك لايجيك اجن منه