خليني اجيكي شوي شوي
فكرتلك ب3 أفكار
الاول : كافيه وكافيتيريا للمكاتب - Mini Cafe
الفكرة عبارة عن انك تفتحي كافيه صغير بحجم البوث او محل صغنتوت ببرج بالعاصمة يكون فيه موظفين كتير وبهل الكافيه في سندويشات خفيفة "سناك" و سلطات و سكاكر وشيبس وحلوى متل سنيكرز وهل الامور بالاضافة للكب كيك و براوني و عصائر وخلطات خفيفة ومشروبات ساخنة وباردة بالبداية وبس تيكبر مشروعك بتتوسعي
وبهل الكافيه عندك 2 هندي و فلبيني و الدوام من 8:30 الصبح للساعة 5:30 العصر بعد هيك معظم المكاتب و الشركات بتسكر
الصبح بيكونوا المزظفين جوعانين او على الغدا فبيطلبوا شي خفيف من عندكم الفلبيني بياخد الطلبات على التليفون والهندي بيوصلهم بالمكاتب الي جوا البرج او بالابراج المجاورة وحيعتاز سيارة بسيطة او موتسيكل صغير اوفر لتوصيل الطلبات بس خلي تركيزك بالبداية على شارع معين بمنطقة محددة لحتى تحققي الانتشار وشوي شوي بتكبري
و اول شي لازم تطبعي كام بروشور و كرت وتوزعيهم على الشركات + تحطي رول اب قدام المصاعد لحتى الي نازل و الي طالع ياخد الارقام او اعلان مستمر
الثانية محل وكافيه للعصائر - juice Licious Cafe
محل صغير للعصائر الطازجة و الخلطات الخاصة بالاضافة للمشروبات الساخنة و الباردة و الايس كريم وهيدا المشروع ممكن تفتحيه بشارع عليه الدوس كتير متل شارع المطاعم بالسالمية مثلا
طبعا لانوا المحل محل عصائر ما تاخديه كبير كتير يعني من80 - 130 متر بيكفي بالمحل
وبس تيصير الطقس حلو حطوا قعدات برا المحل
بدك لهل المشروع اكتر شي سيارة مجهزة و عمال يفضل فلبيني لتحضير العصائر و مصري او هندي للتوصيل
واحسن طريقة ليتميز محلك انوا يكون عندك النجم او خلطة عصير تكون مبتكرة بس عندك بمحلك و خلينا نقول اسم الخلطة
Juicelicious Cream
الثالثة : مقهى الزين الشعبي او التراثي - Zain Cafe
ويمكن ان يتنفذ هذا المشروع بطريقتين بس يفضل الفرع الرئيسي بالمباركية
أ - مقهى شعبي بس بتراث الشرقي الاصيل مثل المقاهي الموجودة بخان الخليلي (ومش قصدي قهوة صعايدة ...
)
حيث الديكور و الجو يوحي بأنه قد خرج للتو من أزقة خان الخليلي و أسواق المباركية و الحميدية القديمة حيث نشرب كوب القهوة وندخن النرجيلة و نلعب حجرين دومين او طاولة زهر
ب - مقهى تراثي بطابع عصري (قريب من فكرة بزة كافيه) بس الميزة عندك انو مقهى او الكافيه تبعك الديكور تراثي وممكن الاطعمة تراثية لبناني على كويتي على مغربي او بس سناك خفيفة حسب امكانياتك و تصورك و يفضل من الف ليلة و ليلة مخلوط بلمسة من الفن الحديث حيث يمكن تدخين النرجيلة (الشيشة) و قضاء وقت ممتع مع الاصدقاء بجو ساحر و خيالي
اما بالنسبة لتمويل المشاريع و الي بتحتاج تفرغ عندك
الشركة الكويتية لتطوير المشروعات الصغيرة - سوق الصفاة
محفظة شريكي - شركة كامكو لادارة الاصول
البنك الصناعي - محفظة المشاريع الصغيرة
الرائدة للمشاريع
اما التي لا تحتاج الى تفرغ مثل
شركة شراع لادارة المشاريع و تمويلها.
وممكن تبحثي عنهم بالغوغل وتطلعي أرقامهم
اما العمال فبسيطة ممكن عن طريق اعلان بالوسيط او اذا بدك انا بدبرلك عمال
اما المعدات فمن شركات تجهيز الفنادق و المطاعم و نصيحة اشتري معدات استعمل خفيف عشان توفري بالتكاليف.
و عندك بهل
الرابط خطة تسويقية جاهزة تنع لمطعم او كافيه
بالتوفيق يا المزيونة ... تقبلي مروري
