ابي اغير مكياجي

[babya.sh8ra]

السلام عليكم
شلونكم بنات انا حاليا بدبي
وابي اغير مكيااااجي كللله حتى الاساسيات
فابي تقولون لي شنو احسن شي والماركه
ومشكورين :*

 

[قاهره عذالي]

ماركة ميك اب فور ايفر

تاتو حواجب

كريم اساس

لوز بودر

الحمر ريفلون وريميل الوانهم عجيبه

وبالنسبه للشدو ماك

وعندج الكحل والماسكرا مايبلين ولانكوم

 

[نوف الصقعبي]

مو ذاك الزود بالميك آب

بس عندج ماك اهو الافضل بالنسبه للثبات والقوه​

 

[M!SS.LOBY]

رفع للعيووونج

 

[HajaR_4eveR]

حبيبتي ...

اذا بتبدين بشغلات يديدة وحتى بالاساسيات لازم تبدين بنوع الغسول والمرطب الي يناسبون بشرتج
لازم تعرفين نوع بشرتج شنهي بالضبط

انا بحطلج اقتراحات موشرط تاخذين فيها بس انا اقترح عليج الاتي

تشوفينلج غسول ولوشن مناسب حق نوع بشرتج من ماركة كلينك ،، ومرطب العين منهم ممتاز ،، واذا ودج تاخذين التونيك مالهم مرة وحدة براحتج حبيبتي واذا ماتبين طاف

ما اعرف نوع بشرتج بس تقدرين تشوفين فاونديشنات حلوة مع البودرة مالتهم من
ماكس فاكتور lasting performance
بورجوا healthy mix
ميبيلين fit
هذول كلهم اسعارهم حلوة واذا تبين من الغالي شوفي
شانيل كل انواعه روعه
ديور forever اذا بشرتج مختلطة و ديور nude اذا جافة لانه هالفاونديشن غني بالماي
او شوفي ماك stedio fix flude اذا بشرتج مختلطة

كلهم تقدرين تطقمين البودرة مالتهم من نفس الكولكشن وحتى الكونسيلر ايي بنفس الكولكشن الي تختارين منه الفاونديشن والبودرة

البلشرات شوفيلج ملوت beneyfit وماك حيل حلوين
الحمرات ماك او اي ماركة ثانية رخيصة او دييغو

وسلامتج ياقلبي استانسي بدبي
:eh_s(7):

 

[^_^ Coco Chanel]

نصيحه بلاشرات ماك لا تقربين صوبهم، خسارة فيهم الفلس، بسرعه يطيراللون
افضل بلاشرات سلييك لانه سعرهم رخيص وحيييل ثابت
وبلاشرات ديور و كلينك خيال ، بس اغلى من سلييك .

 

[do0ora]

اول شي علي حسب بشرتج
وعلي حسب لونج
بالنسبه لي احس في ماركات تليق للسمر وماركات احسها للبيض
والمكياج كله يعتمد علي اختيارج حق لون الفونديشن
وعنايتج ببشرتج​

 

[fashion unique]

انا اشوف لازم تفصلين بكل شي
مكياج الطلعه غير عن مكياج العرس

مكياج العرس عندج كريولان
و مكياج الطلعه خليه كله مينرال عندج بودي شوب رائع وخفيف ع البشره وافضل تاخذين طبي
الحواجب خليها طبيعيه يادوب تحديد وتعبئه بالشادوا البني عندج شدوا ايسادورا وعلبه الحواجب من بودي شوب

الحمر بكل الماركات الغاليه والرخيصه تلقين

 

[تومآارا المطيري]

السلام عليكم ورحمة الله

يمكن اكون متأخره بالرد بس من حيث الاساس مافي احسن من كلينك تغطيته روعه والبودره جوآآنان ومافي احسن من كونسيلر ايف سان لوران القلم الذهبي الدرجه رقم ٢ والبلاشر استعمل واحد روعه من بودي شوب لحمي لون عجيب درجته 03ومافي اروع من ارواج ماك ونارس٠( وجفنشي عندهم درجات روعه من الارواج اللي فيها لمعه خفيفه مو المات وارواج ايف سان لوران (والبلشرات عند ماك الوان تحتارين بينها وفي بلاشرات شانيل حلوه اللون الزهري والمشمشي ...